धर्मांतरासाठी मॉडेलवर पतीची बळजबरी

राहूल गांधी या विषयावर गप्प का आहेत? तसेच इतर पुरोगामी पण मूग गिळून गप्पच आहेत. भा.ज.प. वाले पण गप्प आहेत?

नबीला अल्बार्गहाउथी (नावाचे देवनागरी लेखन बरोबर आहे का माहित नाही चुभूदेघे) आमेरीकेतील एका घटस्फोट खटल्यात एका मुलाची आई मुलगा अतीरेकी विचारांपासून दूर रहावा म्हणून मुलाची कस्टडी मागते आहे. मुलाच्या शाळेतील वागण्यातील नकारात्मक बदलाची तिने आई म्हणून दखल घेणे आणि कायदेशीर मार्गाने लढणे स्पृहणीय वाटते.

लग्नानंतर पतीचा धर्म असेल तोच त्याच्या पत्नीचाही होतो, असा निकाल मुंबई उच्च न्यायालयाने दिला होता. त्यावर सर्वोच्च न्यायालयाने असहमती दर्शवली आहे. तसेच महिलेला 'टॉवर ऑफ सायलेंस' मध्ये जाण्यास परवानगी न देणारा निर्णय 'वलसाड जोरोऑस्ट्रियन ट्रस्ट'ने मागे घ्यावा, असे आदेश दिले आहेत. लग्न झाले म्हणून कोणत्याही महिलेला तिच्या मानवी हक्कांपासून वंचित ठेवता येणार नाही, असेही न्यायालयाने स्पष्ट केले. .... https://m.maharashtratimes.com/india-news/wifes-religion-does-not-merge-with-husbands-after-marriage-says-supreme-court/articleshow/61974296.cms .... केवळ नवरा अमक्या धर्माचा आहे , म्हणून विवाहानंतर बायकोचाही तोच ध्र्म असला पाहिजे , याल कोर्टाने विरोध केला. बायकोने तिच्या मर्जीने नबा किंवा जुना धर्म स्वीकारावा. ........ अगदी असेच आई वडील व मुले यांच्याहीबाबतीत होउ शकेल का ?

धागा अजूनही चालू आहे म्हणून आताच फेसबुकवर वाचलेलं हे: हे लव्ह जिहाद काय प्रकार आहे. मुलींनी आपल्या मर्जीनी लग्न करायची की नाही.. मुस्लिम मुलाशी लग्न केल्यावर त्या मुलीला ईस्लाम स्वीकारण्याची सक्ती केली जाते. नमाज पढण्याची सक्ती केली जाते. बीफ खाण्याची सक्ती केली जाते. हे सत्य आहे. नुकतीच माझ्या ओळखीच्या मुलीच्या बाबतीत ही घटना घडलेली आहे आणि ती हे सगळं करायला तयार नसल्याने माहेरी परत येऊन बसलीय. पण प्रश्न असा उभा राहतो, की स्त्रियांना लग्न केल्यावर स्वतःच्या मर्जीने कुठे आणि कुठल्या जातीधर्मात राहता येतं नेमकं.. अगदी आपल्याच जाती धर्मात, ठरवून केलेल्या लग्नातही, त्या घरच्या परंपरा सांभाळाव्या लागतात. आपले आवडीचे पदार्थ विसरून तिकडच्या आवडीप्रमाणे सैपाक रांधावा लागतो. अगदी, आमच्याकडे फोडणी अश्शी नाही बरं वरून घालत..हेही ऐकून घेऊन तसे बदल स्वीकारावे लागतात. हिंदूच्या घरात परधर्मीय सून एकतर चालत नाही आणि चालली तर हिंदू तरी तिला तिचा मुस्लिम धर्म पाळू देतात का.. मी तरी हिंदूंच्या घरी आलेल्या परधर्मीय मुली हिंदू रितीरिवाजात रुळलेल्या पाहिल्यात. अगदी पुजेलाही बसलेल्या पाहिल्यात. हां, हिंदू थोडे अधिक लिबरल असल्याने तिला तिच्या पद्धतीनेही नमाज वगैरेही पढू देत असतील फार तर... बाकी हिंदू घरात आल्यावर त्यांना होणारी मुलं ही हिंदूच बनतात ना..त्यांना नावंही हिंदूच असतात असं पाहते मी... मग मुसलमान घरात गेल्यावरही तेच होणार ना... त्यांची मुलं मुसलमान होणार आणि त्या स्त्रीला तिथल्या रिवाजांना पाळावं लागणार.. हे लग्न करण्याआधीच त्या मुलीने जाणून घ्यायला हवं, समजून घ्यायला हवं. आता ती मुलगी म्हणते, की आधी त्या मुलाने सांगितलं होतं की तुला धर्म बदलायला नाही लावणार...हा विश्वासघात असू शकतो. परंतु मुसलमान घरात जाऊन गोकुळाष्टमी साजरी करणे हे फक्त मोगले आझमच्या जोधाबाईलाच आणि तेही सिनेमातच शक्य असते. मुलींनी वाटेल तिथे लग्नं करावीत पण त्याआधी हे वास्तव समजून घ्यावे. आपल्याला कोणते आणि कितपत बदल झेपतील याचा सर्वांगाने विचार करावा. आधीच. कारण विवाहव्यवस्था ही पुरुषप्रधान आहे आणि बदल बाईला करावे लागतात. उदा. कितीही आवडला तरी घरात पारंपरिक मांसाहारी असणाऱ्या मुलाशी मी लग्न करणार नाही. तिथं मी जुळवून घेऊ शकणार नाही हा माझा विचार पक्का होता. प्यार अपनी जगह..शादी अपनी जगह भै..... स्त्रियांचा उपयोग तुमचे जाती धर्म सांभाळण्यासाठी करू नका. त्यांच्या खांद्यावर तुमच्या जाती धर्माच्या बंदुकी ठेवू नका. त्यांना खेळणं बनवू नका. सूड उगवण्यासाठी स्त्रियांचा वापर करू नका. बाकी मला माझीच एक चार ओळींची कविता आठवते (जी दोन वर्षांपूर्वी मुक्त शब्दमध्ये प्रसिद्ध झाली होती.) या जातीत, नाहीतर त्या धर्मात जन्मले असते नातिचरामि ऐवजी गच्छामि किंवा कबूल मी म्हटले असते शेवटी तर त्याच्याच घरी भाकरी थापत बसले असते अन त्याचाच वंश वाढवत बसले असते... - अलका गांधी असेरकर