Skip to main content
Skip to main content
✍ मराठी साहित्य, संस्कृती आणि लेखनाचे व्यासपीठ
प्रवेश करा | सदस्य व्हा
मिसळपाव इरावती मराठी साहित्य

Main navigation

  • नवे लेखन
  • कथा
  • कविता
  • चर्चा
  • पाककृती
  • पर्यटन
  • ललितकला
  • नवे प्रतिसाद

लोकप्रिय लेख

  • शेवटचा तुकडा..
  • राजस्थानची रोजनिशी : ७ : शेवट
  • गॅस साठी दाही दिशा ....
  • "द जिद्द ऑफ राण" आणि परिणाम
  • दक्षिण भारतातील सायकल प्रवासाचे अनुभव १: प्रस्तावना
  • शत प्रतिशत अर्थात् सेंट परसेंट..
  • सैरभैर डायरी - ३
  • कुमाऊँमधील रम्य भटकंती भाग ८ (अंतिम): दक्षिणेकडील प्रवासाची सुरूवात...
  • सावित्रीमाई फुले यांच्या शिक्षिका -सिंथिया फरार (ऐसी अक्षरे -४१)
  • मिसळपाववर लेखात कविता कशी द्यावी...
  • 1
  • 2
  • 3
  • 4
  • 5
  • 6
  • 7
  • 8
  • 9
  • ›
  • »

प्रवेश करा

  • नवीन खाते बनवा
  • Reset your password
जनातलं, मनातलं

ढेरी पॉमपॉम - बालकथा

ब
बिपीन सुरेश सांगळे
गुरुवार, 04/10/2025 - 07:37
💬 9 प्रतिसाद

ढेरी पॉमपॉम

----------------------------------------------------------------------------------

माझी आई मला ना ढेरी पॉमपॉम म्हणते . असं म्हणतात का एखाद्याला ? आता आहे माझी ढेरी पॉमपॉम ! थोडीशी मोठी . थोडीशी गोलगोल .

मला नाही आवडत असं . ती ना थोडीशी खोडकर आहे . पण काय करणार ? आईसाहेब आहेत ना . हा शब्द मी कुठून घेतला ? तर - बाबा तिला बाईसाहेब असं म्हणतात .

अन गंमत सांगू ? - खरं तर बाबांची ढेरी तर जाम पॉमपॉम आहे . मग ती त्यांना असं म्हणत नाही ते . पण मी म्हणते बरं का बाबांना - ए ढेरी -ए पॉमपॉम ! पण ते ना माझ्यावर रागवत नाहीत .

पण एकदा गंमत झाली . आई त्यांनाही म्हणाली - ढेरी पॉमपॉम ! बाबा फक्त हसले . म्हणाले - असं आहे काय ? आता मी व्यायाम करतो . आणि जादू - पोट आत !

ते असं म्हणतात . करत काहीच नाहीत . मला माहितीये ना . पण एक गोष्ट आहे . आई त्यांना असं म्हणाली , ते मला नाही आवडलं .

पण देवाला सगळं कळतं . दुसऱ्यांना त्रास दिला की तो ... बरोबर शिक्षा करतो !

आणि मला असं लक्षात आलं की आईची ढेरीपण पॉमपॉम झाली आहे . पण मी काही बोलले नाही . आणि बापरे ! ती ढेरी पॉमपॉम झाली आणि आणि - ती पॉम पॉम पॉम झाली !

तेव्हा मला राहवलं नाही . मी चिडवलं तिला तसं . तेव्हा ती हसली . तिने मला जवळ घेतलं . माझा पा घेतला .मला असं आवडतं , बरं का ? मग काय म्हणाली ती, माहितीये ?

म्हणाली - आता आपल्याकडे एक नवीन बाळ येणार आहे . तुझ्याशी खेळायला .

अच्छा ! अस्सं होतं . आईच्या पोटात बाळोबा बसले होते . आणि म्हणून तिची ढेरी पॉम झाली होती तर . हे मला नवीनच कळलं .

मला तर एकदम मज्जा वाटली . खूप आनंद झाला . मग मी पळत बाहेर गेले . मला काय करावं तेच कळेना . मग मी गोलगोल फिरले . उड्या मारल्या . मग दमले, तेव्हा एका जागी बसले . छान छान कविता म्हणल्या .

मग मी विचारात पडले . मला त्या बाळाशी खेळावं लागणार . पण ते काही लगेच खेळणार नाही . मग आधी त्याला गाणीबिणी म्हणून दाखवावी लागणार . त्याच्याशी बोबडं बोबडं बोलावं लागणार .

पण काय झालं माहितीये ? माझ्या मनात आणखी एक विचार आला - त्या नवीन बाळाची ढेरी पॉमपॉम असली तर ? ...

हुय्या ! माझ्या जोडीला आणखी एक ढेरी पॉमपॉम !

--------------------------------------------------------------


  • Log in or register to post comments
  • 1878 views


वाचनखूण लावा
| 1878 वाचन |
प्रतिक्रिया देण्यासाठी लॉगिन करा

💬 प्रतिसाद (9)
अ
अनन्त्_यात्री Fri, 04/11/2025 - 15:58 नवीन
आवडली.
  • Log in or register to post comments
म
माहितगार Sat, 04/12/2025 - 04:39 नवीन
कथा लोभस आणि अप्रतिम झाली आहे. हिच कथा जेमिनी एआयला देऊन जेमिनी एआय काय बदल देऊ शकते हे पाहिले जेमिनीने दोन व्हर्शन्स दिल्या १ लहानगी राधा: राधा, नाकात छोटीशी नथ, केसात मोगऱ्याचा गजरा, आणि रंगीबेरंगी फ्रॉक घालून अंगणात खेळत होती. तिचे गोल मटार डोळे आणि खळी पडलेले गाल खूपच गोंडस दिसत होते. "आई, बघ ना बाबांची ढेरी किती गोलू मोलू आहे!" राधा हसत म्हणाली. राधाचे बाबा, विनायकराव, धोतर आणि सदरा घालून पेपर वाचत बसले होते. तिला हसून म्हणाले, "अगं, माझी ढेरी नाही, माझं पोट आहे." राधाची आई, जानकी, नऊवारी साडी नेसून स्वयंपाकघरात काम करत होती. ती हसत म्हणाली, "विनायकराव, तुमची ढेरी गोलू मोलूच आहे." राधाला नवीन बाळ येणार आहे, हे ऐकून खूप आनंद झाला. ती म्हणाली, "आई, मला एक छोटी बहीण हवी आहे, जिची ढेरी माझ्यासारखी गोलू मोलू असेल." २ माझी आई मला ना 'गोलू मोलू' म्हणते. असं म्हणतात का एखाद्याला? आता आहे माझी गोलू मोलू! थोडीशी मोठी. थोडीशी गोलगोल. मला नाही आवडत असं. ती ना थोडीशी खोडकर आहे. पण काय करणार? आईसाहेब आहेत ना. हा शब्द मी कुठून घेतला? तर - बाबा तिला 'राणीसाहेब' असं म्हणतात. अन गंमत सांगू? - खरं तर बाबांची ढेरी तर जाम गोलू मोलू आहे. मग ती त्यांना असं म्हणत नाही ते. पण मी म्हणते बरं का बाबांना - ए ढेरी -ए गोलू मोलू! पण ते ना माझ्यावर रागवत नाहीत. पण एकदा गंमत झाली. आई त्यांनाही म्हणाली - ढेरी गोलू मोलू! बाबा फक्त हसले. म्हणाले - असं आहे काय? आता मी व्यायाम करतो. आणि जादू - पोट आत! ते असं म्हणतात. करत काहीच नाहीत. मला माहितीये ना. पण एक गोष्ट आहे. आई त्यांना असं म्हणाली, ते मला नाही आवडलं. पण देवाला सगळं कळतं. दुसऱ्यांना त्रास दिला की तो... बरोबर शिक्षा करतो! आणि मला असं लक्षात आलं की आईची ढेरीपण गोलू मोलू झाली आहे. पण मी काही बोलले नाही. आणि बापरे! ती ढेरी गोलू मोलू झाली आणि आणि - ती गोलू मोलू मोलू झाली! तेव्हा मला राहवलं नाही. मी चिडवलं तिला तसं. तेव्हा ती हसली. तिने मला जवळ घेतलं. माझा मुका घेतला. मला असं आवडतं, बरं का? मग काय म्हणाली ती, माहितीये? म्हणाली - आता आपल्याकडे एक नवीन बाळ येणार आहे. तुझ्याशी खेळायला. अच्छा! अस्सं होतं. आईच्या पोटात बाळोबा बसले होते. आणि म्हणून तिची ढेरी गोलू मोलू झाली होती तर. हे मला नवीनच कळलं. मला तर एकदम मज्जा वाटली. खूप आनंद झाला. मग मी पळत बाहेर गेले. मला काय करावं तेच कळेना. मग मी गोलगोल फिरले. उड्या मारल्या. मग दमले, तेव्हा एका जागी बसले. छान छान कविता म्हणल्या. मग मी विचारात पडले. मला त्या बाळाशी खेळावं लागणार. पण ते काही लगेच खेळणार नाही. मग आधी त्याला गाणीबिणी म्हणून दाखवावी लागणार. त्याच्याशी बोबडं बोबडं बोलावं लागणार. पण काय झालं माहितीये? माझ्या मनात आणखी एक विचार आला - त्या नवीन बाळाची ढेरी गोलू मोलू असली तर? ... हुय्या! माझ्या जोडीला आणखी एक गोलू मोलू! जेमिनीच्या पुर्नलेखनाला काही झाले यरी बिपीन सुरेश सांगळे यांच्या मूळ लेखनासारखा फिल येत नाही. ढेरी पॉमपॉम मधला फिल नुसतेच गोलूमोलू शब्दाला येत नाही. म्हणजे अजून तरी कृत्रिम लेखन नैसर्गिक लेखनाची बरोबरी करू शकत नाही. या प्रतिसादातील जेमिनी पुर्नलेखनाचे प्रताधिकार सुद्धा श्री बिपीन सुरेश सांगळे यांचे स्वाधिन करत आहे.
  • Log in or register to post comments
म
माहितगार Sat, 04/12/2025 - 05:12 नवीन
ढेरी पॉमपॉम बडबड गीत प्रेर्ना अर्थातच बिपीन सुरेश सांगळेंच्या उपरोक्त कथेची
  • Log in or register to post comments
व
विजुभाऊ Sat, 04/12/2025 - 10:30 नवीन
ही कथा बालकथा या ऐवजी "बाळ" होण्याची कथा म्हणता येईल
  • Log in or register to post comments
म
माहितगार Sat, 04/12/2025 - 12:58 नवीन
भावंड होण्याची कथाय हो, बाळ होण्याची कथा आई-बाबांची असते, बहीण भावांची असते ती भावंड होण्याची कथा !!
  • Log in or register to post comments
क
कंजूस Sat, 04/12/2025 - 16:43 नवीन
लहानांचं मन बरोबर पकडलंय. शीर्षकही आवडेल असं नाद असलेलं.
  • Log in or register to post comments
ब
बिपीन सुरेश सांगळे Mon, 04/14/2025 - 08:10 नवीन
मुलांच्या गोष्टीला इतका प्रतिसाद . आनंद आहे मंडळी खूप आभार पण ज्यांच्याकडे बच्चे कंपनी आहे , त्यांना ही गोष्ट ऐकायला मिळावी ही अपेक्षा मोठ्या मंडळींना पुन्हा धन्यवाद
  • Log in or register to post comments
ब
बिपीन सुरेश सांगळे Mon, 04/14/2025 - 08:14 नवीन
सर्व वाचक मंडळींचे खूप आभार विशेषतः माहितगार खूप छान , मजा वाटली . तुम्ही घेतलेल्या ए आय गंमतीसाठी आणि दीर्घ प्रतिसादासाठी . तसेच नोंदवलेल्या निरीक्षणांसाठी सलाम .
  • Log in or register to post comments
म
माहितगार Tue, 04/15/2025 - 04:17 नवीन
__/\__
  • Log in or register to post comments

Recent comments

  • गैरसमज आहे तुमचा. जगात आपल्या
    15 hours 22 minutes ago
  • कशातूंनही आपल्याला हवा तो
    15 hours 34 minutes ago
  • भक्तांनी मारुतीच्या बेंबीत
    15 hours 36 minutes ago
  • सुंदर !!
    15 hours 38 minutes ago
  • सहमत. इराण हा इस्राएल व
    15 hours 42 minutes ago

नवीन सदस्य

  • सदस्य: chetanasvaidya
    नोंदणी: Wed, 12/24/2025 - 07:26
  • सदस्य: अनुचंदन
    नोंदणी: Tue, 11/18/2025 - 05:13
  • सदस्य: सुनील खोडके
    नोंदणी: Sun, 10/19/2025 - 20:52
  • सदस्य: सीमा कुलकर्णी
    नोंदणी: Sun, 10/19/2025 - 20:49
  • सदस्य: प्रा. रुपेश पोटभरे
    नोंदणी: Sun, 10/19/2025 - 20:45
  • 1
  • 2
  • 3
  • 4
  • 5
  • 6
  • 7
  • 8
  • 9
  • ›
  • »
नवीन सदस्यांकरीता
  • 1सदस्य व्हा
  • 2नेहमीचे प्रश्न व उत्तरे
लेखकांसाठी
  • 1लेखकांसाठी मार्गदर्शन उपलब्ध
  • 2लेखन मार्गदर्शन
संपर्क
  • 1सर्व मराठीप्रेमींचे मनापासून स्वागत!
  • 2अभिप्राय द्या
  • 3संपर्क साधा
© 2026 Iravatee.com  ·  Disclaimer  ·  Privacy Policy मराठी साहित्य व संस्कृतीसाठी  ·  प्रवेश  |  सदस्य व्हा