गॅस साठी आता | धावा दाही दिशा |
आम्हा फिरविली कसा |जगदीशा ||
काय आमची चूक |कसा सत्यनास |
कुणी देता का गॅस | विठू राया ||
झाली इंधन टंचाई | सिलिंडर साठी रांगा |
सुरू करा टांगा | पांडुरंगा ||
ऐका आकाशवाणी| बंद हॉर्मुझ सामुद्रधुनी |
हाताने धुवा धुणी | चक्रपाणी ||
कशी पेटवू चूल |कसे राखू घरपण |
पुन्हा शोधा सरपण |रानोमाळी ||
घ्यावी आंघोळ सुटी |नका मारू बोंब|
पुन्हा पेटवा बंब| मोरी तला||
अहंकारी आणि चक्रम |चालक ट्रम्प तात्या | मालक बुडीत खात्या |देवा धाव ||
डिलीट करा स्विगी |झाले बंद हॉटेल |
कसे चालेल हॉस्टेल | चिंतामणी ||
बाजीगर खरेदी | इंडक्शन तवा |
राईस कुकर नवा | इलेक्ट्रिक ||