बो॑बील

मेल्या तुला संकष्टीला बोंबिल आठवतोय? असो, बोंबलाचं भुजणं म्हणून एक झक्कास प्रकार आहे. कुणीतरी द्या त्याची पाकृ. Doing what you like is freedom. Liking what you do is happiness.

बोंबलाच्या वासाने कुणाच्या तोंडात लाळ गळायला सुरवात होते तर त्याच वासाने कुणाची भुक मरते व मळमळायला लागत. एकाचा वासाचा काय हा महिमा. प्रकाश घाटपांडे

दारु पिताना मा॑देली फ्राय सुद्धा छान लागते,थोडा आमचाही विचार करा.

ओल्या बोंबलाच कालवण - ४-५ ओले बो॑बील, १/२ नारळ किसलेला, २ इंचा आल, १०-१२ पाकळ्या लसुण, कोथिंबीर १ छोटी जुडी , ४ हिरव्या तिखट मिरच्या, आवळ्या एवढ्या चिंचेचा कोळ, १ छोटा चमचा हळद, २ छोटे चमचे मालवणी मसाला नारळ, आल, लसुण, कोथिंबीर आणि मिरच्या वाटून घ्याव्या. बो॑बील साफ करून प्रत्येकी ३ तुकडे करून घ्यावेत. त्यात ३-४ मोठे चमचे तेल, वाटलेला मसाला, चिंचेचा कोळ, मीठ आणि २ चमचे मालवणी मसाला सगळा एकत्र लावून ५ मिनिटे ठेवावे. नंतर दाट कलवण होईल इतके पाणी ठेवून चांगली उकळी आणावी. ५ मिनिटापेक्षा जास्त उकळवु नये. गरम भाकरी बरोबर खूप छान लागते. याच कालवणात हिरवी भोपळी मिरची सुद्धा छान लागते. अजुन २-३ आहेत .. नंतर देईन

बोंबिल साफ करून प्रत्येकी ३ तुकडे करावे. नंतर प्रत्येक तुकडा मध्ये चिरावा, पण पूर्ण कापू नये. मधल्या कट्यापर्यन्त कापून ओपन करावा. त्याला मीठ, हळद, आल-लसूण-हिरवी मिरची पेस्ट, थोडी लाल मिरची पूड, लिंबाचा रस लावून १० मिनिटे ठेवावे. नंतर रवा किंवा तांदळाच्या पिठात घोळवून थोड्या तेलात फ्राय करावे. ही कृती ओल्या आणि सुकया दोन्ही साठी चालते. सुके बोंबिल पाण्यात १० मिनिटे भिजवून, थोडे ठेचून मग त्याला मसला लावावा आणी तळावे.

३ मोठे कांदे, २ मोठे टोमॅटो, ३-४ हिरव्या मिरच्या, ४-५ सुके बोंबिल, लाल तिखट, हळद, मीठ, आल-लसूण पेस्ट, कोथिंबीर कांदे-टोमॅटो बारीक कापून घ्यावे. बोंबिल बारीक तुकडे करून १० मिनिटे पाण्यात भिजवून ठेवावे. तेलावर बोंबिल, आल-लसूण पेस्ट, हिरवी मिरची परतून घ्यावी. त्यात कांदा - टोमॅटो शिजवून घ्यावा. लाल तिखट, हळद आणि मीठ घालावे. शिजल्यावर वरुन बारीक चिरलेली कोथिंबीर घालावी

बोंबिल पाकृ : कच्चे बोंबील साहीत्य : ५ किलो ओले बोंबील कृती : १. ओले बोंबील धूवून घ्या २. ताटात वाढून घ्या ३. आता करा सुरूवात चापायला - बल्लवाचार्य भीम ) टारझन

बोंबलात पाणी फार असते, तेव्हा फ्राय करण्यापूर्वी एखाद्या पाट्याखाली ठेवून त्यातील पाणी काढून टाकले तर बोंबील अधिक चांगले फ्राय होतात. सुके बोंबील म्हणजे दुधाची तहान ताकावर भागवण्याचा प्रकार. Doing what you like is freedom. Liking what you do is happiness.

जयेश माधव बो॑बला तीच्या आयला!! मी बो॑बील माश्याच्या पाककृती विषयी लिहीले होते ,इथे तर भलतेच काही,काय खर॑ नाही बुवा!!

जयेश माधव धन्यवाद!!

जयेश, रेसिपी नाही पण मी हे बोंबील आख्यान देऊ शकतो... पहा आवडतंय का !!

हा प्रकार लहानपणी खुप खाल्ला होता. माझा आवडता प्रकार म्हणुन इथे देत आहे. साहीत्य : १० / १२ बोंबील चुल / कोळश्याची शेगडी आवश्यक (बोंबला तिच्यायला . . ) कृती : बोंबील साफ करण्यासाठी ३/४ वेळेस जमीनीवर आपटा. जमल्यास हाताने साफ करा. (बास. यपेक्षा जास्त सफाइ नको). शेजारी शाकाहारी असतील तर घराची दारे / खिडक्या उघड्या ठेवा, मांसाहारी असतील तर बंद करा. आता साफ केलेले (?) बोंबील शेगडी किंवा चुलीच्या कोळश्यावर मंद भाजा. भाजुन पुर्ण होईपर्यंत मनावर ताबा ठेवा. लगेच खाउ नका. शाकाहारी शेजार्‍यांच्या आदळापटी कडे दुर्लक्ष करा. असे हे खरपुस भाजलेले बोंबील पुन्हा जमीनीवर आपटुन त्याची राख साफ करा. पहा भाजके बोंबील तयार. आता खा. सुक्या (बोंबील) मु. पो. डोंबलेवाडी ( आमच्या गावात पोस्ट हापीस नाय. लिवायचं म्हुन लिवलं.)

बोंबिलाच्या वरील पाकृ वाचून धन्य झालो! :) (बोंबिलप्रेमी) तात्या.

वाह वाह, छानच आहे, आवडले पुले शु ---- सखाराम गटणे