भाजप शिवाय, इतर पक्षांकडे, राष्ट्रीय पातळीवर नेते आहेत का?

एकाच वर्गात ४०वर्ष शिकणारा विद्यार्थी मोदींना काय शिकवणार? "पंजाब ला पुन्हा अस्थिर करण्याचं पातक सरकारने करु नये"-शरद पवार. पवारसाहेब आपला सल्ला सरकारने का मानावा? कारण..... पहिलं पातक आपल्याच काळात १९७६ ते १९८४ दरम्यान चाललं होतं --- त्यावेळी आपण कोठे होता? अतृप्त आत्मा जसा बेचैन होतो,तसं आपण १९७६-७८ ला बैचेन झाला होता.कोणालाही व्यवस्थितरीत्या राज्य करु दिले नाही.सरकार पाडले.तुम्ही तुमच्या कर्माने १९८० ला विरोधात बसलात.पक्ष फोडलात.सत्ता मिळवण्यासाठी सतत कुरापती काढत बसलात.सत्तेविना ६ वर्षाचा कालावधी तुम्हाला अनेक युगासारखा वाटला.नाईलाज झाला म्हणून समाजवादी कॉंग्रेस पक्ष १९८६ ला विसर्जित केलात व १९८८ला सत्ता मिळवलीत. १९९४ च्या १३ नोव्हेंबरला १२५ वर्षांची पार्श्वभूमी असलेल्या गोवारी समाजाचा,इतर मागास जमाती मध्ये समावेश करण्यासाठी नागपूर विधानसभेवर निघालेल्या मोर्चात आंदोलन करणाऱ्या गोवारी समाजाच्या ११३ लोकांना पायदळी तुडवून तुडवून मारलेत.त्यामध्ये ७१महिला आणि २३ बालकांचा समावेश होता.हे कदाचित आपण विसरलात. आज उलटे झाले आज येथे आंदोलकाकडूनच सरकारने मार खाल्ला.तुमच्या या कृतीचे फळ तुम्हाला मिळाले.महाराष्ट्रातील सत्ता तुम्ही घालवून बसलात.तुमचा अतृप्त आत्मा राष्ट्रीय कॉग्रेसकडे वळला.लोक म्हणतात आपणाला बदलत्या हवामानाचा अंदाज चांगला कळतो.वास्तव वेगळेच आहे.तुम्हाला चुकीच्या हवामानाचा अंदाज बरोबर कळतो.तुमची वृत्ती आत्मकेंद्रित आहे.हे तुम्ही तुमच्या कृतीतून सिद्ध केलेत. पहिलीआत्मकेद्रित वृत्ती १९७८ ला केलीत. स्वत:साठी संघटना(अर्स) कॉंग्रेसची स्थापना केलीत.आणि तुम्ही इयत्ता ४थी च्या वर्गात प्रवेश घेतलात. शेरा: कॉपी करून पास झालेली पुलोद आघाडी. दूसरी आत्मकेंद्रित वृत्ती - १९८० स्वतः च्या वृत्तीचे प्रदर्शन करण्यासाठी नापास झालात.पास विद्यार्थी फक्त ४७ शेरा-नापास झालेल्या वर्गात परत एकदा. तिसरी आत्मकेंद्रित वृत्ती - १९८५ स्वतःच्या स्वार्थासाठी समाजवादी कॉग्रेस दावणीला बांधलीत.चौथीतील वरिष्ठ विद्यार्थी म्हणून तुमचा गौरव होत होता.खोट्या हवामानावर आरुढ होऊन जोमाने अभ्यास केलात तरीही एकूण पास विद्यार्थी फक्त ५४ शेरा:पुन्हा एकदा नापास.ई बी सी सवलत बंद करण्याची वेळ आली. चौथी आत्मकेंद्रित वृत्ती-१९९० समाजवादी पक्षाचं स्वतःचं घर गहाण ठेवलत.१४१ विद्यार्थ्यांच्या कुबड्या घेऊन एटीकेटीत पास झालात.तरीही जनतेने तुम्हाला इयत्ता ४थी मध्येच बसवले. शेरा:ठरवून नापास होणारा हुशार विद्यार्थी पाचवी आत्मकेंद्रित वृत्ती व कृती-१९९५ कॉपी करून पास होण्याच्या नादात गोवारी प्रकरण व डॉक्टर बाबासाहेब आंबेडकर मराठवाडा विद्यापीठ प्रकरणामुळे तुम्हाला परत एकदा सपशेल नापास केले.राष्ट्रीय कॉग्रेस तुमच्या नादाला १९९५ लागली आणि फसली. शेरा: वारंवार नापास विद्यार्थ्याला शाळेतून काढले. सहावी आत्मकेंद्रित वृत्ती व कृती-१९९९ स्वतःची वृत्ती ला खतपाणी मिळण्यासाठी,अस्तित्वाच्या खोट्या लढाईत परदेशी नागरिकांचा मुद्दा उपस्थित करुन पुन्हा एकदा दुसऱ्या शाळेत इयत्ता ४ थी त आदरणीय महोदयांनी राष्ट्रवादी पक्षाच्या नव्या नावाने प्रवेश मिळवला.व हवा बघून १९९९-२००४,२००५-२००९,याच कॉग्रेस कडे भीक मागून सत्ता मिळवलीत. अलीकडचा महोदयांचा प्रवास सर्वानाच परिचयाचा झाला आहे.एवढे करूनही २०१९ पर्यंत एकाच वर्गात अभ्यास करणारा नेता फक्त ५४ विद्यार्थ्यांना घेऊन शिक्षण घेत आहे. शेरा:एकाच वर्गात राहणारा हा विद्यार्थी आत्मकेंद्रित वृत्ती मुळे पंतप्रधान होऊ शकला नाही.याला महाराष्ट्राचे दुर्दैव म्हणावे लागेल.मोदी सरकारने अजूनही शहाणपणाने वागावे,असा सल्ला देणाऱ्या या नेत्यांने स्वतः शहाणपणाने वागावे,असा त्यांच्या सल्लागारांनी त्यांना जरूर सल्ला द्यावा. वरील इतिहास चुकीचा असेल तर, आनंदच होईल

कोणत्याही पक्षाने ज्या नेत्याच्या नावावर मते मिळतील आणि ज्याला मजबूत जनाधार आहे या माणसालाच प्राधान्य दिले पाहिजे. भाजपा ने ते २०१४ ला केले (सुषमा, अडवाणी यांच्या समर्थकांना शांत करून) त्याची फळे त्यांना मिळाली. मोदींचे काम बहुतांश लोकांच्या पसंतीस उतरले आणि २०१९ चा मोठा विजय भाजपाला मिळाला. काँग्रेसने मात्र जयराम रमेश, पृथ्वीराज चव्हाण सारखे चांगले, वरीष्ठ नेते तसेच जोतिरादित्य शिंदे, राजेश पायलट सारखे तरुण तडफदार नेते स्वतंत्र विचार करू शकतात म्हणून दाबून ठेवले आणि सलमान खुर्शीद, सुरजेवला, कमलनाथ, सुशीलकुमार शिंदे, मल्लिकार्जुन खर्गे यांचा उदोउदो केला त्याचे फळ त्यांना मिळाले. आताही नवीन पटनाईक आहेत पण त्यांना ओरिसा पलीकडे सपोर्ट नाही. त्यांना अजूनही कोणी कॅम्पेनर भेटला आणि ब्रँड बिल्डिंग केलं तर ते मोदींना टक्कर देऊ शकतात. त्यांचीदेखील तेवढी इच्छाशक्ती पाहिजे. तीच गोष्ट केजरीवालची. त्यांना दिल्लीकरांचा मजबूत पाठींबा आहे पण पूर्वी केलेला वाचळवीरपणाने त्यांची इमेज खूपच खराब झाली आहे कदाचित त्यांना पण हे समजले असावे म्हणूनच हल्ली ते असली बाष्कळ विधाने, बेछूट आरोप करताना दिसत नाहीत. काँग्रेसमध्ये गुलाम नबी, सिब्बल वगैरे तर आता मधेमधे उघडपणे नाराजी व्यक्त करत आहेत. त्यांनी थोडी धमक दाखवून गांधींची घराणेशाही जुगारून नवीन नेतृत्व उभे केले तर काँग्रेससुध्दा चमकदार कामगिरी करू शकते. २०२४ ला अजून खूप वेळ आहे. पण आता सारखेच चालू राहिले तर मोदी आणि भाजपाला मैदान मोकळे आहे.

हे किती धोकादायक आहे ह्याची जाणीव तुम्हा लोकांना आहे का? लोकशाही जिवंत ठेवायची असेल तर सशक्त विरोधक असेलच पाहिजेत. तर च सरकार डोकं जागेवर ठेवून काम करते . नाही तर जनतेवर अन्याय ,अत्याचार करायला मागे पुढे पाहिले जात नाही. मग परत लोकांना स्वतःच्या संसार वर निखारा ठेवून लढा द्यावा लागतो. काँग्रेस असेल किंवा बाकी विरोधी पक्ष हे सशक्त च हवेत. तसेच शेजारी राष्ट्र हे कधीच भुके,कंगाल गरीब असू नये. तिथे बेबंदशाही maju नये. नाही तर अशा कंगाल राष्ट्र च त्रास होतो. सुरक्षेला धोका निर्माण होतो.

भारताचा GDP 20 -21 ह्या आर्थिक वर्षात वजा 7 वर खाली गेला आहे. आर्थिक सर्वे चा रिपोर्ट. असा gdp minus मध्ये जाण्याचा भारताच्या इतिहासातील हा कितवा प्रसंग आहे ह्या वर जाणकारांनी प्रकाश टाकावा. की पहिल्यांदाच ही कामगिरी मोदी सरकार नी करून दाखवली आहे.

माझ्यामते कॉन्ग्रेसकडे पन्तप्रधानपदासाठी सक्षम पर्याय आहेत. उदा: जयराम रमेश, शशी थरूर, सचिन पायलट वगैरे. परन्तु राहुल गान्धी त्याना पुढे येऊ देत नाहीत. आपल्याशिवाय इतर कोणालाहि त्यान्चे राश्ट्रीय प्रोफाईल वाढवायला सन्धी द्यायची नाही असा डाव राहुल व सोनिया खेळतात त्यामुळे कॉन्ग्रेसमधून तरी मोदीना कोणी पर्याय असेल असे सध्या तरी दिसत नाही व पुढील अनेक वर्शे तरी येईल असे वाटत नाही. त्यामुळे निदान २०२९ पर्यन्त मोदीच पन्तप्रधान असतील असे मला वाटते.

भारताचा GDP 20 -21 ह्या आर्थिक वर्षात वजा 7 वर गेला आहे.>>>> कोरोनामुळे अनेक देशान्चे जीडीपी खाली गेले आहेत. परन्तु प्ढल्या वर्शी भारताचा जीडीपी ११.५ टक्क्यानी वाढेल असा अन्दाज आय एम एफ ने वर्तवला आहे. जगातल्या सर्व देशापेक्षा हे जास्त आहे.

त्यांच्या जागी हे जाणार मग ह्यांच्या जागी कोण ? कुणी सापडले का ?