Skip to main content
Skip to main content
✍ मराठी साहित्य, संस्कृती आणि लेखनाचे व्यासपीठ
प्रवेश करा | सदस्य व्हा
मिसळपाव इरावती मराठी साहित्य

Main navigation

  • नवे लेखन
  • कथा
  • कविता
  • चर्चा
  • पाककृती
  • पर्यटन
  • ललितकला
  • नवे प्रतिसाद
काथ्याकूट

कोविड१९ : व्याप्ती आणि भवितव्य

ह
हेमंतकुमार
Fri, 07/31/2020 - 08:45
🗣 243 प्रतिसाद
करोना सार्स २ - धडकी भरवणारे विचित्र शब्द ! या विषाणूने कोविड१९ची महासाथ घडवली. आपल्या सर्वांच्या आयुष्यातील एक अभूतपूर्व घटना. तिच्या उगमाला सात महिने उलटले तरी अजूनही तिची घातकता जाणवतेच आहे. या विषयावर आतापर्यंत मी इथे दोन धागे असे प्रकाशित केलेत: १. हात, जंतू, पाणी आणि साबण २. कोविड१९ घडामोडी : समज,गैरसमज. वरील दुसर्‍या धाग्यावर बरीच साधक-बाधक चर्चा झालेली आहे. तिथल्या प्रतिसादांची संख्या आणि मजकूर एव्हाना विस्तृत झाला आहे. त्याला अनुसरून काही वाचक मित्रांनी अशी सूचना केली, की आता यावर नवा धागा उघडावा. त्यास मान देऊन हा धागा चालू करतोय. आपल्या सर्वांच्या सहभाग आणि प्रोत्साहनाबद्दल मनःपूर्वक धन्यवाद !

वाचनखूण लावा
प्रतिक्रिया देण्यासाठी लॉगिन करा

  • Log in or register to post comments
  • 107305 views

🗣 चर्चा (243)
ह
हेमंतकुमार Tue, 08/11/2020 - 06:43 नवीन
नुकतेच दीर्घकालीन मधुमेही असलेले काही परिचित दगावले. मधुमेह आणि कोविड (किंवा अन्य आजार) यांचे नाते एकमेकास अधिक खड्ड्यात घालायचे असते. ( अब > अ + ब ). मधुमेही ही कोविडग्रस्ताचे बाबतीत शरीरात अशा घटना घडतात : १. इन्सुलीनचे उत्पादन कमी होणे, २. शरीर पेशी इन्सुलीनच्या कार्यास दाद न देणे आणि ३. काही कोविडग्रस्त रुग्णालयदाखल व्यक्तींना steroidचे उपचार चालू असतात. हे औषध इन्सुलीनच्या विरोधी गटातील आहे. अशा तऱ्हेने वरील तिहेरी परिणामातून मूळचा मधुमेह अधिक बिघडतो. त्यातून कोविडची गुंतागुंत वाढून तो गंभीर होतो.
  • Log in or register to post comments
म
मराठी_माणूस Tue, 08/11/2020 - 07:20 नवीन
हे औषध इन्सुलीनच्या विरोधी गटातील आहे
असे असुन steroid का दिले जाते
  • Log in or register to post comments
ह
हेमंतकुमार Tue, 08/11/2020 - 08:02 नवीन
कारण गंभीर स्थितीतील कोविडमध्ये हे एका स्टिरॉइड औषधाचा जीवरक्षक म्हणून उपयोग होतो. सर्वांनाच काही ते दिले जात नाही.
  • Log in or register to post comments
ह
हेमंतकुमार Tue, 08/11/2020 - 06:45 नवीन
मधुमेही असलेले काही परिचित दगावले >>> "कोविडने दगावले" असे वाचावे.
  • Log in or register to post comments
ह
हेमंतकुमार Wed, 08/12/2020 - 11:55 नवीन
डॉ संकेत मेहता अभिनंदन ! हे डॉ कोविड ने स्वतः रुग्णालयात दाखल असताना आणि स्वतः ऑक्सिजनवर असताना दुसऱ्या रुग्णासाठी धावून गेले: https://m.timesofindia.com/city/surat/doc-on-oxygen-support-risks-own-life-to-save-critical-patient/amp_articleshow/77492779.cms
  • Log in or register to post comments
म
माहितगार Sun, 08/16/2020 - 09:42 नवीन
व्यावसायिक बांधीलकीचे उत्कृष्ट उदाहरण
  • Log in or register to post comments
म
माहितगार Mon, 08/17/2020 - 09:38 नवीन
आमेरीकन कोविड्लाट अजूनही चालूच असली तरी, लहानमुले करोनाला अधिक य्शस्वी तोंड देत आहेत हे पाहून आमेरीकन मंडळींनी शाळा चालू करण्याचा प्रयोग करुन पाहीला तर मुलांमधील करोनाबाधीत व हॉस्पीटलायझेशन प्रमाण सबस्टॅशिअली वाढल्याचे सांगणारे हे वृत्त
  • Log in or register to post comments
ह
हेमंतकुमार Mon, 08/17/2020 - 09:51 नवीन
खरे आहे.
  • Log in or register to post comments
म
माहितगार गुरुवार, 08/20/2020 - 12:49 नवीन
करोना संसर्गातील वास आणि चव जाणे विषयक संशोधनाचे टाईम्स ऑफ ईंडिया वृत्त दुवा - सँपल साईज फारच लहान दिसतो पण काहीच नाही पेक्षा काही बरे.
  • Log in or register to post comments
ह
हेमंतकुमार Sat, 08/22/2020 - 06:22 नवीन
कोविडबाधित मृतांचे शवविच्छेदन आता अधिक प्रमाणात होत आहे. त्यातून स्पष्ट झालेल्या काही गोष्टी : १. फुप्फुसांना झालेली इजा लक्षणीय आहे हा विषाणू तिथल्या विशिष्ट (प्रकार- 2 ) पेशींवर हल्ला करतो. या पेशी एरवी एक मेद पदार्थ निर्माण करून फुफ्फुसे लवचिक ठेवतात. आता या कार्यात बिघाड होतो. २. वरचा श्वसनमार्ग आणि फुप्फुसातील या विषाणूची घनता सार्स १/ मर्स च्या तुलनेत खूप जास्त आहे. ३. रक्तवाहिन्यांच्या आतील पातळ आवरणाला झालेली इजाही लक्षणीय.
  • Log in or register to post comments
ग
गवि Sat, 08/22/2020 - 08:44 नवीन
हे नंतर बरे होणेबल असतं की कायमचे?
  • Log in or register to post comments
ह
हेमंतकुमार Sat, 08/22/2020 - 09:15 नवीन
गवि, ते सर्व व्यक्तिगत प्रतिकारशक्तीवर अवलंबून असते. जिथे ही चांगले असते, तिथे आजाराच्या सुरुवातीच्या टप्प्यातच गोष्टी बऱ्या होऊ लागतात. पण जिथे ती खालावलेली असते, तिथे हे बदल अजून पुढे जात राहतात.
  • Log in or register to post comments
ह
हेमंतकुमार Tue, 09/01/2020 - 07:16 नवीन
गेल्या काही दिवसात असंख्य ढकलपत्रातून कोविड-विरोधी अशास्त्रीय औषधांचा प्रचार/ चुकीची माहिती देणे चालू आहे. माझ्या परिचयातील अनेकांनी मला त्याबाबत विचारणा केली. अशा ढकलपत्रांमधून उल्लेखिलेली सर्व रसायने अथवा औषधे कोविडचा प्रतिबंध अथवा उपचार यादृष्टीने अशास्त्रीय आहेत. संबंधित रसायने वापरून रुग्णांवर शास्त्रशुद्ध प्रयोग झालेले नसून त्यासंबंधी कुठलाही अधिकृत पुरावा सध्या उपलब्ध नाही. अशा रसायनांची यादी : १. चांदीयुक्त गोळ्या वा द्रव २. कण्हेरीचा अर्क ३. थायामोसिन, मेथिलीन ब्लू ४. चिंता कमी करणारी औषधे ५. नवजात बालकाच्या नाळेतील मूळ पेशींपासून तयार केलेले उत्पादन. सर्वांना विनंती की अशा प्रकारची ढकलपत्रे तुम्हाला आल्यास तातडीने डिलीट करून टाका. कृपया पुढे पाठवू नका.
  • Log in or register to post comments
म
माहितगार Fri, 09/04/2020 - 12:28 नवीन
या इंडीयन एक्सप्रेस वृत्तात दिलेल्या कोविड-१९ बाधीत महाराष्ट्रीय डॉक्टरांचा सरासरी मृत्यूदर आय एम ए च्या आकडेवारी नुसार तब्बल 9.5 टक्के म्हणजे सर्वसाधारण मृत्युदरापेक्षा जवळपास तिपटीने अधिक दिसतो आहे. डॉक्टरांना लागण होण्याचे प्रमाण अधिक असणे समजण्यासारखे आहे पण सर्वसामान्यांपेक्षा माहिती आणि सुविधा सक्षमता डॉक्टरांची अधिक असताना मृत्यूदर एवढा अधिक येण्यामागे काय कारण असावे?
  • Log in or register to post comments
ह
हेमंतकुमार Fri, 09/04/2020 - 13:47 नवीन
डॉक्टरांचा सरासरी मृत्यूदर
प्रश्न चांगला आहे पण उत्तर गुंतागुंतीचे आहे. त्यासाठी निव्वळ मृत्युदर ही माहिती त्रोटक राहिल. मृत्यू झालेल्या डॉक्टरांचे सखोल विश्लेषण करावे लागेल. त्यात खालील मुद्दे पहावे लागतील : • वयोगट व लिंग • मधुमेह, उच्च रक्तदाब हे आजार होते का ? • धूम्रपान • कोविडने रुग्णालयात दाखल झाल्यानंतर अन्य जिवाणूंचे संसर्ग झाले होते का, इत्यादी. अशा विश्लेषणात बरेच किचकट संख्याशास्त्रीय निकषही लावावे लागतात. त्यानंतर चित्र स्पष्ट होते
  • Log in or register to post comments
म
माहितगार Fri, 09/04/2020 - 14:56 नवीन
आपण म्हणता तसे वयोगटाचा मुद्दा महत्वाचा असू शकतो की सर्वसाधारण लोक्संख्येपेक्षा डॉक्टरमंडळींचे सरासरी वयोमान अधिक होते आणि ज्येष्ठ नागरीक असलेल्या डॉक्टर मंडळींना कोविड-१९ संसर्गाला तोंड देणे जमले नाही. पण डॉक्टर मंडळी नैसर्गिक प्रतिकार शक्ती विषयक माहिती आणि सुविधा बाबतीत अधिक सक्षम असण्याची शक्यता कायम रहाते. दुसरे असेही शक्य आहे की सर्वसाधारण लोक्संख्येपेक्षा डॉक्टरांच्या मृत्यूंची नोंद अधिक व्यवस्थीत झाली असू शकेल. असे असेल तर सर्वसाधारण मृत्यूदराचे अंडर रिपोर्टींग प्रचंड होत आहे असा अर्थ निघेल. स्वतःच्या मधुमेह, उच्च रक्तदाब व्यवस्थापनात डॉक्टर मंडळी अधिक सक्षम असतील असे गृहीत धरता यावयास हवे आणि फारतर सर्वसाधारण जनते एवढ्याच मर्यादा आहेत असे समजता येईल पण या मुद्याने तफावतीचे आकलन निटसे होत नाही. एक विचार करण्यास अवघड शक्यता अशी की मधुमेह, उच्च रक्तदाब व्यवस्थापनात वापरली जाणार्‍या एखाद्या औषधींचे अनाहुत साईड इफेक्ट भोवत नाहीत ना याचा शोध घेण्याची गरज नाही ना अशी शंका मनाला चाटून गेली. (अर्थात हा मुद्दा तज्ञ आणि संशोधकांसाठी आहे, सर्वसामान्य लोकांनी लगेच खरा समजून पसरवू नये)
कोविडने रुग्णालयात दाखल झाल्यानंतर अन्य जिवाणूंचे संसर्ग झाले होते का, इत्यादी
इलाज करणार्‍या डॉक्टरांना आणि इस्पितळ कर्मचारी वर्गास आजारी डॉक्टरांबद्दल अधिक आस्था असेल आणि ते असे सर्व इस्पितळातून सरसक्ट होऊ देणार नाहीत अशी अपेक्षा करण्यास हरकत नसावी. * धुम्रपान बाबतही डॉक्टर सर्वसाधारण लोक्संख्येपेक्षा अधिक सजग असतील किंवा फारतर मेळ खातील त्यामुळे तिपटीचा मृत्यूदर लक्षात येत नाही. *सॉरी माझ्या आधीच्या प्रतिसादात संदर्भ वृत्त दुवा देण्याचे बाकी राहीले होते.
  • Log in or register to post comments
ह
हेमंतकुमार Fri, 09/04/2020 - 15:30 नवीन
पुन्हा एकदा हा मुद्दा - विदाचे सखोल विश्लेषण उपलब्ध झाले पाहिजे. संख्याशास्त्रात confounders अशी एक संकल्पना असते. बरेचदा ती लावल्यानंतर दोन गोष्टींचा संबंध खरा नसल्याचेही उघडकीस येते. यावरील अधिक चर्चा शास्त्रीय व्यासपीठावरच होऊ शकते. इथे नाही. आता अन्य काही मुद्दे : १. सध्या रुग्णतपासणी करणाऱ्या डॉक्टर्सना सामान्यांच्या तुलनेत विषाणूचा डोस हा सतत आणि खूप मोठ्या प्रमाणात सोसावा लागत आहे. २. सामान्यांपेक्षा डॉक्टर्स हे प्रचंड तणावाखाली आहेत. ३. अशावेळेस शरीरात तणावकालीन हार्मोन्सची पातळी वाढते ही हार्मोन्स इन्सुलिन विरोधी असतात. ४. समजा, अशा डॉक्टरांना मधुमेह असेल तर मग १ व ३ चा एकत्रित दुष्परिणाम खूपच जास्त होतो. ५. रुग्णालयात दाखल झाल्यावर अन्य काही संसर्ग झाल्यास त्यावरील औषधांना डॉक्टर मंडळी बऱ्याच वेळा जास्त रेझिस्टंट असू शकतात. ...... Doctors are the worst patients असे गमतीने म्हटले जाते, परंतु त्या विनोदामागे एक गंभीर वास्तव सुद्धा दडलेले आहे !
  • Log in or register to post comments
म
माहितगार Fri, 09/04/2020 - 15:40 नवीन
पुन्हा एकदा हा मुद्दा - विदाचे सखोल विश्लेषण उपलब्ध झाले पाहिजे.
सहमत आहे . अर्थात या मुद्यांची चर्चा घडल्या शिवाय पुरेसे लक्ष घातले जाईल याची शाश्वती नसते. आणि किमान प्राथमिक निष्कर्ष निघावेत यासाठी सहा महिने हा तसा पुरेसा कालावधी आहे, तसे ते निघाले नसतील तर चिंताजनक बाब आहे.
अन्य काही मुद्दे :
हे रॅशनली पटण्यासारखे वाटतात. आपल्या माहितीपूर्ण प्रतिसादांसाठी अनेक आभार
  • Log in or register to post comments
म
माहितगार Fri, 09/04/2020 - 15:32 नवीन
अनलॉककाळात प्रवास आणि खानपानावरील बंधने शिथील होताना दोन वेगवेगळ्या बातम्यांकडे लक्ष गेले एक हरियाणातील मुख्य रस्त्यांवरील धाब्यातून कोविड-१९चा मोठास संसर्ग पसरत असल्याचे लक्षात आले , दुसरी बातमी पुणे जिल्ह्यातील महामार्ग काठच्या ग्रामीण भागात संसर्ग इतर ग्रामीण भागापेक्षा अधिक असल्याची बातमी वाचली. तात्पर्य येते वर्षभर शक्यतोवर बाहेर खाण्याचा मोह टाळून प्रवास करताना शिदोरी घरून घेऊनच निघावे हे श्रेयस्कर असावे.. आणि चहा घरी प्यावा. किमान गर्दी असलेल्या ठिकाणी चहा वडापाव आणि धाब्यांचा मोह टाळावा.
  • Log in or register to post comments
ह
हेमंतकुमार Fri, 09/04/2020 - 18:07 नवीन
विषाणूविरोधी प्रतिकारशक्ती कशी काम करते हे दाखवण्यासाठी एक सोपी स्वरचित आकृती खाली देत आहे. त्यातून T आणि B पेशी, अँटीबॉडीज इत्यादींचे काम स्पष्ट होईल. Image removed.
  • Log in or register to post comments
म
माहितगार Sat, 09/05/2020 - 04:05 नवीन
एकुण किती प्रकार होतात? सध्याच्या वाचनावरून खालील तीन गोष्टींबद्दल चर्चा चालू आहे हे लक्षात येते. त्यांचा परस्पर संबंध अद्याप माझ्या नीटसा लक्ष्यात आलेला नाही. १) सर्वसाधारण प्रतिकार शक्ती २) विशीष्ट विषाणूंना सरावलेली प्रतिकार शक्ती ३) "टि" पेशी
  • Log in or register to post comments
ह
हेमंतकुमार Sat, 09/05/2020 - 05:59 नवीन
प्रतिकारशक्तीचे प्रकार असे आहेत : १. नैसर्गिक (innate) प्रतिकारशक्ती : कुठलाही जंतू शरीरात घुसल्यावर सर्वसाधारण पांढऱ्या पेशी त्यावर प्रतिहल्ला करतात. त्यातून दाह होतो हे काही मिनिटात घडते. २. बऱ्याच वेळा १ मधील कृती पुरेशी ठरते >> आजार होत नाही. पण, ती अपुरी ठरल्यास पुढील यंत्रणा कामाला लागते. ३. आता विशेषज्ञ यंत्रणा कार्यान्वित होते. ती संपूर्णपणे वरील आकृतीत दाखवलीच आहे. T पेशी विशिष्ट विषाणू विरोधी काम करतात. हा १ पेक्षा फरक आहे. ४. त्याचा सारांश : T व B पेशी हे दोन विभाग. T पेशी विषाणू बाधित पेशींना उद्ध्वस्त करतात, तर B पेशी antibodies तयार करतात.
  • Log in or register to post comments
म
माहितगार Sat, 09/05/2020 - 09:29 नवीन
हे सोपे आहे समजण्यासाठी. अनेक आभार.
  • Log in or register to post comments
म
माहितगार Sat, 09/05/2020 - 04:32 नवीन
मुंबईतून डॉक्टरांनाच पुर्नसंसर्गाची बातमी येताना दिसते आहे. तुरळक पुर्नसंसर्गाच्या शक्यतांच्या बातम्या सर्वसाधारण लोकांबद्दल जगभरातून येताना येताना दिसल्या तरी डॉक्टरांनाच पुर्नसंसर्गाची बातमी मुंबईतून वाचण्यात येत आहे उर्वरीत जगातील बातमी वाचण्यात अद्यापतरी आले नाही. एकदा संसर्ग होऊन गेला पुन्हा होणार नाही असे गृहीत धरून भारतीय डॉक्टरच बेसावध रहात नाहीएत ना ? पुर्नसंसर्गाचा अभ्यास हा तज्ञ आणि संशोधकांसाठीही क्लिष्ट प्रकार असावा असे दिसते आहे. पुर्नसंसर्गाचा अभ्यास शास्त्रीयपणे व्हावा म्हणून आधीच्या संसर्गचाचणीचे सँपल जपून ठेवणे मग नंतर पुन्हा संसर्ग आढळल्यास आधीच्या आणि नंतरच्या दोन्ही सँपलचे जेनेटीक सिक्वेन्सिंग करणे आणि नंतरच्या संसर्गातील वीषाणू क्रियाशील आहे की अक्रियाशील आहे; आधीचाच आहे की म्युटेट झालेली आवृत्ती आहे हे तपासणे. (सध्या साशंकीत पुर्नसंसर्गा सँपलचे जेनेटीक टेस्टींग होत नाही त्या सुविधा वाढवाव्या लागतील असे दिसते) आणि मग प्रतिकारशक्ती किती प्रभावी ठरते आहे, पुर्नसंसर्ग झालेली व्यक्ती इतरांना संसर्ग प्रसारण किती करेल, लसीकरणावरील प्रभाव काय असतील पुर्नसंसर्ग ह्याचा अभ्यास करणे एकुण प्रकरण क्लिष्ट आहे आणि एकदा संसर्ग होऊन गेलेल्यांनी सावधानता पुढेही बाळगावी असे चित्र तुर्तास दिसते आहे. काही अलिकडील बातम्यांचे दुवे https://indianexpress.com/article/cities/mumbai/maharashtra-mumbai-pune-thane-coronavirus-live-news-updates-covid-19-cases-deaths-unlock-guidelines-6582475/ https://theprint.in/opinion/theres-very-good-news-about-coronavirus-immunity-reinfection-iceland-study-says/495203/ https://economictimes.indiatimes.com/magazines/panache/can-you-get-the-coronavirus-twice-scientists-says-a-reinfection-may-be-possible/articleshow/77909450.cms https://www.firstpost.com/world/us-sees-first-suspected-case-of-coronavirus-reinfection-in-nevadas-reno-25-year-old-much-sicker-than-last-time-officials-say-8767241.html https://indianexpress.com/article/explained/why-first-reinfection-cases-do-not-change-much-in-approach-to-covid-6576628/ https://www.nature.com/articles/d41586-020-02506-y https://theswaddle.com/covid19-reinfection-myth-or-not-well-its-complicated/
  • Log in or register to post comments
ह
हेमंतकुमार Wed, 09/09/2020 - 14:31 नवीन
व्यक्तिगत संपर्कातून काही जणांनी एक महत्त्वाचा प्रश्न विचारलेला आहे. तो म्हणजे, सध्याच्या आजारात घडलेल्या काही आश्चर्यकारक घटनांबद्दल. उदाहरणार्थ, एखादे १०३ वर्षाचे गृहस्थ सुद्धा या आजारातून खडखडीत बरे झाले आणि दुसऱ्या टोकाला 35 ते 40 वयोगटातील काहीजण चक्क मृत्युमुखी पण पडले. तर हे असे का ? या संदर्भात “संसर्गजन्य आजारांची सहनशीलता” (tolerance) या संकल्पनेवर गेली पंधरा वर्षे संशोधन चालू आहे. बरेचसे प्रयोग प्राण्यांवर झालेले आहेत आणि मानवी प्रयोगही आता टप्प्याटप्प्याने होत आहेत. समजा, दोन समान वय आणि लिंग असलेल्या व्यक्तींची तुलना आपण करतो आहोत. त्या कोणालाही अन्य कुठला दीर्घ आजार नाही. आता दोघांना एकच जंतुसंसर्ग होतो. त्याचे शरीरातील परिणाम मात्र असे असतात : १. एकाचा आजार अगदी सौम्य किंवा लक्षणविरहीत देखील राहू शकतो, तर २. दुसऱ्याचा आजार अति गंभीर होतो. वरील १ मध्ये शरीरात जंतुविरोधी दाह प्रक्रिया अगदी गरजेइतकीच मोजून-मापून होते. त्याने जंतूंचा नाश तर होतोच आणि शरीरातील बाकीच्या पेशींना इजाही पोहोचत नाही. परंतु २ मध्ये मात्र हीच प्रक्रिया अनियंत्रित किंवा विचित्र प्रकारची (erratic) होते. त्यातून जे ‘वादळ’ उद्भवते. त्यातून शरीरातील अन्य पेशी आणि पर्यायाने अवयवांना देखील इजा पोहोचते. ही प्रक्रिया शरीरातील कशामुळे नियंत्रित केली जाते, त्याचाच हा अभ्यास आहे. कोविडच्या निमित्ताने भविष्यात हे संशोधन अधिक गती घेईल अशी आशा आहे.
  • Log in or register to post comments
म
माहितगार Sun, 09/13/2020 - 10:17 नवीन
Covid-19: Masks can slow spread & help build immunity, says journal टाईम्स ऑफ ईंडिया वृत्त दुवा
  • Log in or register to post comments
ह
हेमंतकुमार Sun, 09/13/2020 - 10:28 नवीन
सहमत. मास्क ही गरिबांची लस असेही म्हटले जाते !
  • Log in or register to post comments
ह
हेमंतकुमार Mon, 09/14/2020 - 08:31 नवीन
सध्या या आजाराच्या निदानासाठी जो नाकातील स्वाब घेतात ती प्रक्रिया रुग्णांसाठी काहीशी त्रासदायक ठरते. मध्यंतरी काही कार्यालयात तेथील संपूर्ण कर्मचारी वर्गाचे स्वाब घेतले गेले. त्यातील काहींनी त्या प्रक्रियेनंतर दिवसभर डोके दुखत होते अशी तक्रार केली. आता यावर तोडगा म्हणून रुग्णाच्या लाळेची तपासणी हा एक पर्याय पुढे आलेला आहे. नाकाच्या तुलनेत लाळेची तपासणी ही कमी संवेदनक्षम आहे. सध्या त्याचे काही चाचणी संच परदेशात वापरात आलेले आहेत. यातून आभासी नकारात्मक निष्कर्ष काहीसे अधिक येऊ शकतात हेही खरे. तूर्त चाळणी चाचणी म्हणून ती ठीक आहे. यासंदर्भात इस्राईलमध्ये अजून एक संशोधन चालू आहे. त्यात रुग्णांनी फक्त एक गुळणी डिशमध्ये गोळा करायची आहे. आणि मग spectral तंत्रज्ञान वापरून केवळ एक सेकंदात रोगनिदान करता येईल अशी चाचणी विकसित होत आहे.
  • Log in or register to post comments
ह
हेमंतकुमार Wed, 09/16/2020 - 07:23 नवीन
मागील भागात हा प्रश्न (प्र. क्र. १४) आलेला आहे. त्यावर आता अधिक संशोधन झाल्याने त्याचे विस्तारित उत्तर इथे देतो. प्र. हा आजार उच्चरक्तदाबाच्या रुग्णांना जेवढा वाईट आहे तेवढा दम्याच्या लोकांना नाही, असे वाचले. हे खरं आहे का ? होय त्यात काही तथ्य आहे. या आजाराचा विषाणू पेशीत शिरताना एका विशिष्ट एंझाइमला ( ACE२) चिकटतो आणि मग पुढील प्रक्रिया होतात. त्यातून आजार उद्भवतो. रक्तदाबाच्या आणि हृदयविकाराच्या रुग्णांमध्ये या एंझाइमचे प्रमाण जास्त असते. याउलट ते प्रमाण दम्याच्या बऱ्याच रुग्णांमध्ये कमी असते. अधिक संशोधनातून खालील भर पडली आहे : दम्याचे रुग्णांना अजून एक फायदा होतो. हे रुग्ण तोंडावाटे steroids चा फवारा घेत असतात. या औषधामुळे श्वसनमार्गात ACE२ एन्झाइमचे प्रमाण कमी होते. त्यामुळे अशा लोकांना कोविड झाल्यास तो बऱ्यापैकी नियंत्रणात राहतो. मात्र धूम्रपानी व्यक्तींत वरील एन्झाइमचे प्रमाण वाढलेले असते. त्यामुळे त्यांचा कोविड अधिक वाईट होऊ शकतो. तसेच अशा व्यक्तींनी धूम्रपान सोडल्याचेही सुपरिणाम दिसले आहेत.
  • Log in or register to post comments
अ
अनिंद्य गुरुवार, 09/17/2020 - 11:03 नवीन
प्रचुर मद्यपान करणारे आणि मधुमेही यांची कोविडशी लढण्याची क्षमता कमी असते का ? काही संशोधन झालयं का यावर ?
  • Log in or register to post comments
ट
टर्मीनेटर गुरुवार, 09/17/2020 - 11:25 नवीन
@ अनिंद्य प्रचुर मद्यपान करणारे माझे काही मित्र गंमतीने म्हणतात बाकी लोकं अल्कोहोलचा वापर हात सॅनिटायझ करण्यासाठी करतात, आम्ही त्याचे प्राशन करून शरीर आतूनही सॅनिटायझ करतो 😀 अर्थात त्यातला गमतीचा भाग सोडून देऊ खाली प्रतिसादात कुमार साहेबांनी त्याबद्दल माहिती दिलीच आहे.
  • Log in or register to post comments
अ
अनिंद्य गुरुवार, 09/17/2020 - 11:28 नवीन
भारी लॉजिक !
  • Log in or register to post comments
ह
हेमंतकुमार गुरुवार, 09/17/2020 - 11:40 नवीन
प्राशन करून शरीर आतूनही सॅनिटायझ करतो
थोर लोक 😀 😁
  • Log in or register to post comments
ह
हेमंतकुमार गुरुवार, 09/17/2020 - 11:15 नवीन
मधुमेही कोविडग्रस्ताचे बाबतीत शरीरात अशा घटना घडतात : १. इन्सुलीनचे उत्पादन कमी होणे, २. शरीर पेशी इन्सुलीनच्या कार्यास दाद न देणे आणि ३. काही कोविडग्रस्त रुग्णालयदाखल व्यक्तींना steroidचे उपचार चालू असतात. हे औषध इन्सुलीनच्या विरोधी गटातील आहे. अशा तऱ्हेने वरील तिहेरी परिणामातून मूळचा मधुमेह अधिक बिघडतो. त्यातून कोविडची गुंतागुंत वाढून तो गंभीर होतो .......................... मद्यपान करणारे >>> त्यांच्यात यकृत (आणि परिणामी अन्य अवयव) किती बिघडले आहे ते पहावे लागेल. सर्वांना लागू असे एक विधान नाही.
  • Log in or register to post comments
अ
अनिंद्य गुरुवार, 09/17/2020 - 11:22 नवीन
लस आणि त्याच्या चाचणीची गुंतागुंत मोठीच असणार नक्की पण सामान्य रुग्णांना लस कधी आणि कितपत effective यावर थोडे लिहाल का?
  • Log in or register to post comments
ह
हेमंतकुमार गुरुवार, 09/17/2020 - 11:36 नवीन
कोविड विरोधात सध्या ज्या ३ प्रकारच्या लसींचे प्रयोग चालू आहेत त्यांचा तुलनात्मक तक्ता : Image removed.
  • Log in or register to post comments
ड
डीप डाईव्हर Fri, 09/18/2020 - 21:11 नवीन
लसीच्या प्रयोगांची माहिती मौलिक आहे 👍
  • Log in or register to post comments
ह
हेमंतकुमार Fri, 09/18/2020 - 10:07 नवीन
गेल्या चार दिवसांत Ab8 या नव्या संशोधन- उपचाराबद्दलचे ढकलपत्र बरेच फिरलेले दिसते. म्हणून त्याबद्दलची सद्यस्थिती : १. ही सूक्ष्म आकाराची अँटीबॉडी आहे. २. ती मानवी रक्तातूनच वेगळी काढून विकसित केली आहे. ३. ती सार्स-२ ला मारक आहे. ४. तूर्त तिचे उंदीर व अन्य प्राण्यांवरच प्रयोग झालेले आहेत. त्याचे निष्कर्ष आशादायक आहेत. ५. ती औषध रुपाने शरीरात गेल्यावर मानवी पेशींना इजा करणार नाही. त्यामुळे तिचे दुष्परिणाम कमीत कमी होतील. ६. तिच्या सूक्ष्म आकारामुळे हे औषध नाकाद्वारेही देता येऊ शकेल. ७. तिचा रोगप्रतिबंधक म्हणूनही उपयोग होऊ शकेल.
  • Log in or register to post comments
म
मदनबाण Fri, 09/18/2020 - 16:35 नवीन
कुमार१ आपले लेख वाचतो आहे. चायनीज व्हायरोलॉजिस्ट Dr. Li-Meng Yan यांनी कोव्हिड -१९ लॅब मध्ये बनवल्याचा दावा केला आहे, यावरचा एक लेख पाहण्यात आला आहे. Unusual Features of the SARS-CoV-2 Genome Suggesting Sophisticated Laboratory Modification Rather Than Natural Evolution and Delineation of Its Probable Synthetic Route आपल्याला जमल्यास वरील लेखातील आपणास महत्वाचा वाटणारा भाग इथे समजवल्यास आभारी असेन.

मदनबाण.....

आजची स्वाक्षरी :- बन जा तू मेरी रानी तेनु महल दवा दूंगा बन मेरी महबूबा मैं तेनु ताज पवा दूंगा... :- तुम्हारी सुलू
  • Log in or register to post comments
ह
हेमंतकुमार Fri, 09/18/2020 - 17:23 नवीन
मबा, धन्यवाद. संबंधित अहवाल तब्बल 26 पानी आहे. त्यात सूक्ष्मजीवशास्त्र आणि जनुकशास्त्र यातील बरेच किचकट भाग देखील आहेत. मला जमेल तसे मी सवडीने त्यातल्या निवडक भागावर नजर टाकेन. तूर्त एक सांगतो. या विषयावर सहा महिन्यांहून अधिक काळ प्रचंड काथ्याकुट झालेला आहे. तो नैसर्गिकच आहे असे म्हणणारेही काही संशोधन मागे वाचण्यात आले होते. प्रस्तुत संशोधन हेही अपुरेच आहे. तेव्हा हा वाद लवकर मिटेल असे मला काही वाटत नाही. मला मनापासून असे वाटते, की विषाणूचा उगम कसाही असला तरी उपचारांमध्ये असा काय फरक पडणार आहे ? सामान्य माणसाच्या दृष्टीने उपचार आणि प्रतिबंध हेच तरसर्वात महत्त्वाचे आहेत. ‘संशोधन हे निव्वळ संशोधनासाठीच की थेट जनहितार्थ’ असा विचार मनात येतो. अर्थात मी संशोधक नसल्याने ते स्वाभाविक आहे. तरी पण बघतो एक नजर टाकून. मलाही त्यांचा हेतू समजू शकेल. अर्थात वेळ लागेल.
  • Log in or register to post comments
म
मदनबाण Fri, 09/18/2020 - 20:37 नवीन
तेव्हा हा वाद लवकर मिटेल असे मला काही वाटत नाही. मला मनापासून असे वाटते, की विषाणूचा उगम कसाही असला तरी उपचारांमध्ये असा काय फरक पडणार आहे ? अगदी मान्य आहे. तरी पण बघतो एक नजर टाकून. मलाही त्यांचा हेतू समजू शकेल. अर्थात वेळ लागेल. काही हरकत नाही, तुम्हाला मी हक्काने विचारु शकतो असे वाटल्यानेच विचारणा केली. विषाणूंच्या रचनेनुसार त्यांचे DNA व RNA असे दोन प्रकार आहेत आणि करोना- २ RNA या प्रकाराचा आहे हे आपल्यामुळेच मला पटकन समजले. :) गेले दीड आठवडा मी विषाणूच्या त्रासातुन जात आहे, हा कोव्हिड आहे का ते ठावूक नाही पण अवस्था बेकार झाली आहे. कमालीचा अशक्तपणा आला आहे. माझ्या बरोबरच माझ्या मातोश्री आणि तिर्थरुपांना देखील हे कष्ट उद्भवले आहेत. काळजी म्हणुन झिंक आणि व्हिटामिन -डी यांचा देखील समावेश औषधात केला आहे.

मदनबाण.....

आजची स्वाक्षरी :- बन जा तू मेरी रानी तेनु महल दवा दूंगा बन मेरी महबूबा मैं तेनु ताज पवा दूंगा... :- तुम्हारी सुलू
  • Log in or register to post comments
ह
हेमंतकुमार Sat, 09/19/2020 - 04:43 नवीन
डी डा, धन्यवाद. मबा , प्रथम लवकर बरे होण्यासाठी शुभेच्छा. गरजेनुसार डॉ चा सल्ला अवश्य घ्या. धीर धरून सकारात्मकतेने याला सामोरे जायचे.
  • Log in or register to post comments
म
मदनबाण Sat, 09/19/2020 - 06:26 नवीन
गरजेनुसार डॉ चा सल्ला अवश्य घ्या. हो,आमच्या फॅमेली डॉक्टर च्या सल्ल्याने औषधे घेतली आहेत. धन्यवाद.

मदनबाण.....

आजची स्वाक्षरी :- Tera Ghata | Gajendra Verma Ft. Karishma Sharma | Vikram Singh | Official Video
  • Log in or register to post comments
ह
हेमंतकुमार Sat, 09/19/2020 - 06:34 नवीन
@ मबा संदर्भ त्याचा सारांश : सध्याची महासाथ घडवणारा सार्स-२ हा नक्की कसा उगम पावला याबाबत सध्या दोन थिअरीज आहेत - नैसर्गिक आणि कृत्रिम( प्रयोगशाळेत घडवलेला). १. नैसर्गिक थिअरीनुसार वटवाघूळातील करोना विषाणू आणि माणसातील सार्स-२ यांच्यात 96% जनुकीय साम्य आहे. मूळ वटवाघूळात असलेला हा विषाणू पुढे खवलेमांजरात गेला आणि तिथे त्याची उत्क्रांती झाली. त्यामुळे त्याला माणसात प्रवेश करणे सोपे झाले. बरेच वैज्ञानिक या थिअरीचे समर्थक आहेत. २. आता या थिअरीला प्रस्तुत अहवालातून आव्हान दिले गेले आहे. ३. कृत्रिमची थिअरी मांडणाऱ्या वैज्ञानिकांच्या मते त्यांच्याकडे याचे काही पुरावे आहेत. त्यांच्या थिअरीतील काही मुद्दे असे: a. वटवाघुळातील विषाणू हा पायाभूत म्हणून वापरला गेला. पुढे त्याच्यावर प्रयोगशाळेत बदल केले गेले. त्यामुळे त्याच्या टोकदार प्रथिनाचे गुणधर्म बदलले. b. म्हणून हा विषाणू मानवी शरीरातील एका विशिष्ट एंझाइम शी (ACE 2) संयोग करू शकला. त्यातूनच मानवी आजार घडला. c. एवढेच नाही तर हा आजार प्रचंड संसर्गजन्य, सुरुवातीस कमालीचा लक्षणविरहित आणि पुढे खूप घातक क्षमतेचा झाला. त्यामुळेच सध्याचा हाहाकार घडला. ४. या वैज्ञानिकांनी या अहवालात नैसर्गिक विषाणूवर प्रयोगशाळेत कसे बदल करता येतात याचे साद्यंत वर्णन केलेले आहे. आता यावर नैसर्गिक थिअरीचे समर्थक काय स्पष्टीकरण देतात हे पाहणे औत्सुक्याचे ठरेल. एकूणच, एकमत होणारा हा विषय नाही. विषयाच्या दोन्ही बाजूंना खंदे समर्थक आहेत.
  • Log in or register to post comments
स
सुबोध खरे Fri, 09/25/2020 - 06:58 नवीन
वैयक्तिक पातळीवर विचार केला तर हा जिवाणू नैसर्गिक आहे कि कृत्रिम आहे याचा फरक पडणार नाही. परंतु जर चीनने हा जैविक अस्त्र म्हणून निर्माण केला असेल तर त्याला जगभर भरपूर (कु)प्रसिद्धी देऊन चीनला त्याची प्रचंड किंमत मोजायला लावणे आवश्यकआहे. असे केले तर एखादे नीच राष्ट्राला/ हुकूमशाहीला जैविक अस्त्र निर्माण करून जगाला वेठीस धरण्याचा विचार करण्यापासून परावृत्त करू शकता. चीनच्या रुग्णांची / मृतांची संख्या ८३ हजार/४५०० नंतर चावी फिरवल्यासारखी कशी बंद झाली आणि आता चीनचा क्रमांक ४३ वर कसा घसरला. ( अर्थात कुणीच यावर विश्वास ठेवत नाही) षडयंत्र गृहीतात (CONSPIRACY THEORY) दोन गोष्टी उद्भवतात- १) चीन मध्ये काही लाख लोक मृत्यू पावले असून त्यांना सरळ जाळून टाकले असावे.वूहान मध्ये प्रचंड मोठी दहनगृहे कित्येक दिवस रात्रंदिवस चालू होते असे उपग्रहाच्या चित्रांवरून दिसून आलेले आहे. २) चीन ने हा विषाणू तयार करण्याबरोबरच लस सुद्धा तयार केली परंतु सार्वत्रिक लसीकरण करेपर्यंत हा विषाणू चुकून प्रयोगशाळेतून बाहेर पडला आणि चीन च्या वूहन प्रांतात पसरला. यानंतर चीनने संपूर्ण लॉक डाऊन केले आणि सार्वत्रिक लसीकरण केले यामुळे हि रुग्ण संख्या वाढली नाही. एखादे वेळेस दोन्ही गोष्टी एकत्र घडल्या असाव्यात. म्हणजे प्रचंड संख्यने लोक मृत्यू पावले तेही लपवून ठेवले आणि सार्वत्रिक लसीकरण ही केले गेले असल्यामुळे साथ लवकर आटोक्यात आली. जैविक अस्त्र निर्मिती बद्दल जगाला हीच शंका आहे कि प्रथम स्वतः साठी लस तयार करायची, आपल्या जनतेला सार्वत्रिक लसीकरण करून सुरक्षित ठेवायचे आणि शत्रूच्या देशात रोगराई पसरवून हाहा:कार माजवायचा. हे काळे धंदे चीनने केले नाहीत असे कोणीही छातीठोकपणे म्हणू शकत नाही. चीन मध्ये काय चालू आहे हे आपल्याला कळणे कधीच शक्य होणार नाही.
  • Log in or register to post comments
म
मराठी_माणूस Fri, 09/25/2020 - 08:16 नवीन
त्यांच्या कडच्या बातम्या न येणे हे खरेच आश्चर्यकारक आहे. गेले कित्येक दिवस हाच विचार मनात येत आहे. जर त्यांच्या कडे ही साथ आटोक्यात आली असेल तर त्यांनी लस बनवली असण्याची शक्यता आहे, त्या बाबतीत सगळ्या जगाकडुन दबाव आणुन माहीती घेणे आवश्यक आहे. कमीत कमी अमेरिकेकडुन (त्यांची पॉवर लक्शात घेता आणि त्यांच्या कडे ही साथ अजुन आटोक्यात आली नसताना) तरी हे व्हायला हवे.
  • Log in or register to post comments
प
प्रा.डॉ.दिलीप बिरुटे Wed, 09/30/2020 - 06:04 नवीन
जैविक अस्त्र निर्मिती बद्दल जगाला हीच शंका आहे कि प्रथम स्वतः साठी लस तयार करायची, आपल्या जनतेला सार्वत्रिक लसीकरण करून सुरक्षित ठेवायचे आणि शत्रूच्या देशात रोगराई पसरवून हाहा:कार माजवायचा.
पटण्यासारखं आहे, अगदी एखादं चलचित्र पॉज केल्याप्रमाणे तेथील रुग्ण संख्या संक्रमण अगदी अचानक थांबले आहे, कोणतीच बातमी बाहेर येत नाही. मात्र लस तयार केली असेल असे वाटत नाही. तसे असते तर कदाचित यव आणि त्यव माध्यमांवर दबाव असला तिकडच्या बातम्या बाहेर येत नाही असे सर्व असले तरी काही हेरांकडून अथाव तत्सम व्यवस्थेकडून लशीबाबत बातमी बाहेर आली असती असे वाटते. चीनी लोक मरण पावत असावेत किंवा भारतीयांप्रमाणे उपचार घेऊन बरेही होत असावेत अशीही एक शंका येते. -दिलीप बिरुटे
  • Log in or register to post comments
म
मदनबाण Tue, 09/29/2020 - 18:37 नवीन
@ कुमार१ माहिती बद्धल धन्यवाद आणि आभारी आहे.

मदनबाण.....

आजची स्वाक्षरी :- Tumse Milne Ki Tamanna Hai... :- [ S. P. Balasubrahmanyam ] Saajan (1991)
  • Log in or register to post comments
च
चौकटराजा Sun, 09/20/2020 - 06:55 नवीन
आमच्या सोसायटीतील एक केस .. दुपारी दीडच्या सुमारास पती घरून डबा घेऊन गेला ( रुग्णालय खाजगी ). ट्रीटमेंटला वीस दिवस झालेले . पत्नीने थोडेसे जेवण केले. पती घरी आला तो फोन " त्या सिरीयस झाल्या आहेत. पती तिथे पोचताच खुलासा त्या आता या जगात नाहीत. फक्त १ तासाचा खेळ ! ( सायटोकाईन स्टॉर्म ......?)
  • Log in or register to post comments
ह
हेमंतकुमार Sun, 09/20/2020 - 07:20 नवीन
चौरा, यात बऱ्याच शक्यता असतात. रुग्ण समोर नसताना इथून नक्की काय ते सांगता येणार नाही. तसेच अन्य कुठला दीर्घ आजार आहे का हे पाहणे फारच महत्त्वाचे आहे. दोन प्रकारच्या केसेस पाहण्यात आल्या : १. मधुमेही + कोविड झाला. तो बरा झाला पण पुढे हृदयविकाराचा झटका आला व मृत्यू . २. दाह प्रक्रियेतील चढउतार >> अचानक श्वसनअवरोध >> गंभीर होणे, हेही शक्य आहे.
  • Log in or register to post comments
  • «
  • ‹
  • 1
  • 2
  • 3
  • 4
  • 5
  • ›
  • »

Recent comments

  • गैरसमज आहे तुमचा. जगात आपल्या
    1 day 21 hours ago
  • कशातूंनही आपल्याला हवा तो
    1 day 22 hours ago
  • भक्तांनी मारुतीच्या बेंबीत
    1 day 22 hours ago
  • सुंदर !!
    1 day 22 hours ago
  • सहमत. इराण हा इस्राएल व
    1 day 22 hours ago

प्रवेश करा

  • नवीन खाते बनवा
  • Reset your password
इरावती.कॉम बद्दल
  • 1आम्ही कोण?
  • 2Disclaimer
  • 3Privacy Policy
नवीन सदस्यांकरीता
  • 1सदस्य व्हा
  • 2नेहमीचे प्रश्न व उत्तरे
लेखकांसाठी
  • 1लेखकांसाठी मार्गदर्शन उपलब्ध
  • 2लेखन मार्गदर्शन
संपर्क
  • 1सर्व मराठीप्रेमींचे मनापासून स्वागत!
  • 2अभिप्राय द्या
  • 3संपर्क साधा
© 2026 Iravatee.com  ·  Disclaimer  ·  Privacy Policy मराठी साहित्य व संस्कृतीसाठी  ·  प्रवेश  |  सदस्य व्हा