शिवसेनेची झोप की जाणिवपुर्वक राजकीय गोगपिद?

५० :५० चे सूत्र आणि शिवसेनेचा मुख्यमंत्री असे जर अगोदरच ठरले असेल तर शिवसेनेने १२४ (आणि भाजपने १६४) जागांवर निवडणूक लढवण्याचे कसे मान्य केले? तब्बल ४० जागा कमी लढवून शिवसेनेस अर्धा वाटा देण्याचे भाजपने अगोदरच ठरवले असेल असे अजिबात वाटत नाही. (त्यातून लढवलेल्या जागांपैकी ४५ % जागीच (५६/१२४) त्यांचे उमेदवार निवडून आले याउलट भाजपचे (१०५/१६४) ६५ % जागी उमेदवार निवडून आले आहेत.) आणि असे झाल्यानंतरसुद्धा १०५ : ५६ हि टक्केवारी ६५ :३५ येते. मग जवळ जवळ दुप्पट जागा निवडून आणल्यावर शिवसेनेचाच मुख्यमंत्री असला पाहिजे हि मागणी सुद्धा अनाकलनीय आहे. जर श्री उद्धव ठाकरे यांनी त्यांच्या वडिलांना वचन दिले होते कि मी एक ना एक दिवस शिवसेनेचा मुख्यमंत्री आणेनच तर त्यांनी १४४ जागा निवडून आणायला हव्या होत्या १२४ जागा लढवल्या तर १४४ येणे शक्य नाहीच. बरं एक ना एक दिवस शिवसेनेचा मुख्यमंत्री आणेनच असे वाचन दिले होते तर तो दिवस आजच आणि आत्ताच असा दुराग्रह कशासाठी? हा केवळ "अहंगंड" आहे असे स्पष्ट दिसते आहे.

एक ना एक दिवस सेनेचा मुख्यमंत्री आणेनच असे म्हणणारे उद्धव बाळासाहेबांचे " कोम्ग्रेसशी कधीच तडजोड करणार नाही " हे वाक्य सोयीस्करपणे विसरतात

१. मला तरी असेच वाटतेय की, राकाँ व काँग्रेसच्या सहाय्याने मुख्यमंत्री पद मिळवायचे शिवसेनेने अगोदरच ठरवलेले असावे. अन्यथा निवडणूक निकाल लागण्याची प्रक्रिया चालू असतानाच, सर्व पर्याय खुले असण्याची घोषणा झाली नसती. ती घोषणा, एका प्रदीर्घ घटनेतील एक टप्पा असावी असेच माझे मत बनले. शिवसेनेच्या हातात कोणतीच हुकमाची पाने नव्हती हे आता कळल्यावर, शिवसेनेचा आक्रमकपणा पाहून माझे हे मत जास्त पक्क झालंय. मनसे शिवसेनेचा कट्टर शत्रू. त्यालापण शिवसेनेची मते जाताहेत हे जाणवल्यावर माझा हा संशय जास्तच बळावला. हे तपासायला पुण्याचे उदाहरण पुरेसे आहे. अजून लढवलेल्या जागांवरची टक्केवारी जाहीर झाली नाहीये. ती मिळाली असती तर जास्त पुराव्यानिशी माझे मत मांडता आले असते. असो. २. त्यामुळे जिथे भाजपाचा उमेदवार उभा होता तिथे शिवसेनेची बरीच मते राकाँ व काँग्रेसला गेली आहेत. कारण या दोघांचा निवडणूक निकालानंतर पाठिंबा मिळवायचा असेल तर त्यांचे आमदार निवडून आले पाहिजेत ही तर शिवसेनेचीच गरज बनते व भाजपाचे १४४ आमदार होऊ नयेत ही जबाबदारी ठरते. ह्या दोन्ही गोष्टी पवारसाहेबांच्या फायद्याच्या असल्याने त्यांनीही तोंडभरून आश्वासने दिली असणे शक्य आहे. ३. १९६७ पर्यंत काँग्रेसला विरोधकांची भिती वाटत नव्हती. पण लोहियांची विरोधी पक्षांची युती बनवून काँग्रेस विरोधात एकास एक उमेदवार देण्याची निती यशस्वी होते म्हणल्यावर, विरोधकांची एकजूट होऊ नये यासाठी डावपेच आखणे हे काँग्रेसचे मुख्य धोरण बनले.  त्यानुसारच पवारसाहेब राजकारण करतात व त्यात ते सद्या तरी सर्वात प्रविण आहेत असे वाटते. यावरून महाराष्ट्रात युती भारी पडतेय म्हणल्यावर त्यात फूट पाडणे हेच महाआघाडीचे दिर्घकालीनधोरण असणार यात काही संशय नाही.  थोडक्यात महाराष्ट्रातील निवडणूकांत काँग्रेस व राष्ट्रवादीने एकत्रीत लढणे व शिवसेना व भाजपाने वेगवेगळे लढणे हा एक मार्ग आहे जो महाआघाडीला सत्तेपर्यंत नेऊ शकतो.  जर युती तुटली असेल तर ती फक्त ताणली जात राहील एवढेच फक्त पहावयाचे आहे व परत जोडली जाऊ नये यासाठी प्रयत्न करावयाचे आहेत. त्यासाठी शिवसेनेचे सरकार यावयाची जरूरी नाही. ४. परत निवडणुका झाल्या तर त्या शिवसेना व भाजपाने एकत्रीत लढवू नयेत एवढीच महाआघाडीची इच्छा किंवा धेय्य असावे असे वाटतेय. यासाठी प्रथम राज यांना बाजूला केले. या राजच्या त्रासातून शिवसेना खूप मागे खेचली गेली. बाळासाहेबांची पुण्याईही कामी येऊ शकली नाही. त्याचा फायदा त्यांना २०१४ पर्यंत झाला. फोडा व झोडा पध्दतीत नेहमी रागीट माणसाला हाताशी धरले जाते. कारण रागाच्या भरात त्याच्यावर कबजा मिळवणे सोपे असते. त्यामुळे यावेळी राऊतांद्वारे शिवसेनेला जाळ्यात पकडण्यात आलेय. राऊतांवरचा ऊध्वजींचा विश्वास हे हत्यार वापरले गेलंय. ५. पण मोदी उदयानंतर सगळंच गणित फिसकटायला लागलेय. शिवसेनेच्या बळावर मोठे होण्याची अगतिकता भाजपाची राहिलेली नाही. भाजपचे वाढते बळ त्याचा पुरावा आहे. त्यामुळे परत निवडणुका झाल्या व शिवसेना वेगळी लढली तर त्यांची आघाडीला गेलेली मते परत फिरतील.  भाजपकडे यावेळेस इच्छूक जास्त झाले होते व जागा २०१४ पेक्षा कमी झाल्या होत्या. पण परत निवडणुका झाल्यास, लढायच्या जागा १५६ वरून २८८ झाल्यामुळे बंडखोरांचा प्रश्न सुटेल. भाजपातील लाॅयल कार्यकर्ते त्यामुळे खुष झाल्याने पुढच्या निवडणुकीत मतदान टक्केवारी वाढेल, जी शहांची नेहमीचीच रणनिती आहे. ६. जर शिवसेनेने पुढील निवडणुकीत महाआघाडीशी हात मिळवणी केली तर भाजपाला ते हवेच असेल. ध्रुविकरण भाजपाला नेहमीच फायद्याचे ठरत आले आहे.  काँग्रेस विरोधातील आपला अवकाश शिवसेना आपणहून सोडून देत असेल तर भाजपा नक्कीच खूष होईल. भाजपा यापध्दतीनेच मोठी होत आली आहे. मात्र यासाठी संधीची वाट बघत बसायला लागते व त्यासाठी खूप पेशन्स लागतो. तो मोदी शहांकडे नक्कीच आहे असे वाटते. ७. थोडक्यात, भाजपा, काँग्रेस व राकाँ यांचे पुढील धोरण निव्वळ वेळकाढूपणाचे असेल असे वाटते. यासाठी एखादी कोर्टकेस वगैरे सारखा उपाय योजणे हा मार्ग मस्त. जो काँग्रेस नेहमीच अवलंबते. फक्त कोणाकडे तरी बोट दाखवता आले की झाले. राऊतांनी बोलणी पवारांशी केली. ते आता पवारांकडे बोट दाखवत असतील. पवार बोट दाखवताहेत काँग्रेसकडे. काँग्रेस बोट दाखवतीय केरळ काँग्रेसकडे. ८. पण जास्तीचं काहीही न देता शिवसेना जवळ येत असेल तर भाजपा ही संधी साधेल असं वाटते. दीड दोन महिने फडवणीस संपले संपले असं वाटत असताना परत उभे राहतात, असं बऱ्याच वेळेस झालंय. यावेळेसही हे होऊशकते. यावेळेसही फडणवीस यांनी समारोपाच्या वेळी युतीच सरकार बनवेल असं म्हणूनच ते थांबले आहेत. ९. असंच होणं योग्य असेल. कारण राजकारणात डाव ओळखून प्रतिडाव टाकावा लागतो. बाकी सगळे गौण याचे भान राखावे लागते. जर युती तुटावी हा डाव असेल तर युती टिकवनणे हाच प्रतिडाव असतो. शिवसेना कशी वागली याबाबत सर्वसामान्य भाजपा कार्यकर्त्यांना येणारा राग नेत्यांना पोटात ठेवावा लागतो. भाजप पुढेमागे युती तोडेलही. पण ती सोयीची वेळ ते ठरवतील. पवार साहेबांनी त्यांच्या सोयीने निवडलेली वेळ भाजपाने साधणे शहाणपणाचे ठरणार नाही. अर्थात हे सर्व राजकारणी माझ्यापेक्षा नक्कीच हुषार असणार म्हणा. :)

हा विडिओ निवडणुकीच्या धामधुकीत शिव सेनेने ने पाहणे शक्य नाही ,हा विडिओ मागचे १५ दिवस पण कोणाला सापडला नव्हता

तुमच्या केव्हा लक्षात राहिला ? मागचे १५ दिवस दिसला कोणाला हा विडिओ ? काल viral झालाय ,त्याच्या आधी दाखवा मागच्या १५ दिवसात

https://www.transliteral.org/dictionary/%E0%A4%97%E0%A5%8B%E0%A4%AE%E0%A4%BE-%E0%A4%97%E0%A4%A3%E0%A5%87%E0%A4%B6-%E0%A4%AA%E0%A4%BF%E0%A4%A4%E0%A4%B3%E0%A5%80-%E0%A4%A6%E0%A4%B0%E0%A4%B5%E0%A4%BE%E0%A4%9C%E0%A4%BE/word गोमा गणेश पितळी दरवाजा

महाराष्ट्रीय जनतेशी हि फसवा फसवी का चालू आहे ? अहो हे सगळं जनतेच्या भल्यासाठी आणि शेतकर्‍यांच्या हितासाठी चालु आहे, इतकी साधी गोष्ट कळतं नाही ? :))) ५ वर्ष युतीत सडुन दाखवले, मग राजिनामे खिशातच ठेवुन दाखवले, अफजखानाची फौज असे कोणी तरी कोणाला तरी म्हणुन दाखवले इ.इ.इ आणि अनेक ! आता फक्त कुंथुन दाखवले हेच म्हणायचे बाकी ठेवले आहे ! :))) बादवे... वाचाळवीरता करायला मेंदु वापरावा लागतच नाही, हे अनेक { सर्व पक्षिय बरे का ! ] नेत्यांना २०२० समोर येउन ठेकले आहे तरी अजुन समजत नाहीये... :))) असो... भाजपा आयटीसेल काम करतोय हे असे व्हिडियो "वेळेवर" पसरले की लगेच समजते ! हा गुण त्यांच्याकडुन घेण्यासारखा आहे. हे बघा मंडळी कोण खरं आणि कोण खोटं ते मला काय बी समजत नाय बघा, म्या पडलो अडाणी माणुस... हल्लीच मी खोट बोलणारी अवलाद नाही अशी कोणी तरी स्वत: बद्धल बतावणी केल्याची अफवा माझ्या कानावर पडली होती ! अजुनही मला कळतं नाही की वरचं खरं की सध्या चाललयं ते खरं ? :))) जाता जाता :- अजित पवार पहिले अडीच वर्ष मुख्यमंत्री होतील आणि नंतरच्या अडीच वर्षाचे गाजर कोणाला तरी देण्यात येइल, शिवाय गॄहमंत्री पद आणि महसुल मंत्री पद देखिल कॉग्रेस आणि राष्ट्रवादीकडे जाईल असे होउ शकेल का ? तुम्ही विचार करुन बघा ! ;) { टिपी म्हणुन हो... }

मदनबाण.....

आजची स्वाक्षरी :- Hara Hara Hara Hara Mahadev | Naan Kadavul | Ilaiyaraaja Live In Concert Singapore

माझ्या मते युती तोडणे हि शिवसेनेची गरज आहे. मुळात त्यांन्नी ती निवडणूकीच्या आधीच तोडणे अपेक्शीत होते, पण आघाडी बनल्यामुळे त्यांच्यासमोर युती करण्याशिवाय पर्याय ऊरला नाही. शिवसेना हा प्रादेशीक पक्ष आहे, त्यात आता छोटा भाऊ बनल्याने युतीत राहून हळूहळू पक्ष अस्ताला जाण्याची शक्यता जास्त. त्यापेक्षा एकदाच फारकत घेऊन आणी त्याची पुढच्या निवडणूकीत किंमत मोजून पुढे सरकणे ठाकरेंना जास्त सोयीचे वाटले असेल. ह्या सगळ्या खेळात रा.कॉ. आणी काँ. मात्र खुष असतील, पुन्हा निवडणूका झाल्यास आणी सेना भाजप वेगळे लढलयास आघाडीला पेपर सोपा जाईल.

एक गोष्ट आज दिसते आहे की छगन भुजबळ राष्ट्रवादीचे मुख्यमंत्रीपदाचे उमेदवार असणार आहेत. अजितदादा पवार यांचा राग त्यामुळेच आहे. शरद पवार एक दगडात अनेक पक्षी त्यातून मारणार आहेत. सेना हा अपमान सत्तेसाठी कसा मुकाट्याने झेलते अथवा नाही हे पाहण्यासारखे असेल. या सरकारचा रिमोट कुणाच्या हातात असेल आणि त्या तालावर कुणाला नाचावे लागेल याबद्दल कोणतीही शंका आता राहणार नाही.

हा व्हिडीओ 13 व्या मिनिटाला मराठी मधून नंतर 16 व्या मिनिटापासून 2 मिनिटे हिंदीतून फडणवीसचे ऐका, 27 व्या मिनिटाला उध्दवच्या तोंडून ऐका. हे लोकसभा इलेक्शनच्या वेळी युती झाली तेव्हा आहे. त्यावेळी कोणी ऑब्जेक्शन घेतले नाही कारण भाजप ला गरज होती. गरज सरो वैद्य मरो या उक्ती नुसार लोकसभेची गरज संपल्यावर सेनेला बाजू केले.