नमस्कार मंडळी!गणेशोत्सवाच्या सगळ्यांना शुभेच्छा! गणपतीचे घरोघर आगमन झालेच असेल. दरवर्षी दहा दिवस येणारा बाप्पा यावर्षी दोन दिवस जास्तच मुक्कामाला आहे तर रोज नविन काय नैवेद्य करायचा हा गहन प्रश्न असतोच. आज केलेत बटाटा्याचे कानवले/करंजी.

साहित्य:

बटाटे उकडुन कुस्करलेले दोन वाट्या
खसखस : एक चमचा
सुकामेवा: हवा तेवढा
गूळ : एक ते दीड वाटी
वेलदोडा पूड: एक चमचा
तूप: एक चमचा
तेल : तळणीपुरते

करंजीच्या पारीसाठी :

कणिक+दोन चमचे
बारीक रवा+एक चमचा
तेलाचे मोहन
.

.
.

.
.
कृती:

प्रथम कुस्करलेला बटाटा तुपावर खमंग परतून घ्यावा, छान चोकलेटी रंग आल्यावर त्यात गूळ मिसळून परतून घ्यावे. छान गोळा तयार झाला की त्यात खसखस, सुकामेवा, वेलदोडा पूड घालून एकत्र करुन घ्यावे. खमंग सारण तयार होइल.

पारीसाठी कणकेत बारीक रवा आणि गरम तेलाचे मोहन घालून एकत्र करुन घ्यावे त्यात पाणी घालून कणिक भिजवून घ्यावी. साधारण अर्धा तासानंतर बटाट्याचे सारण भरून करंज्या तयार करुन घ्यव्यात व तळाव्यात.
.
.