मिसळ पाव म्हणजे एक लयी भारी संकेत स्थळ आहे काय ?

नमस्कार, गांधीवादीने, "हे साफ चुकीचे आहे" हा धागा काढून संपादकांवर टिका चालू केली. म्हणून झोपायला जायच्या आधी मी खालील व्य.नि. पाठवला आहे. आता जे जागे असतील (आणि झोपेत नसतील ;) ) त्यांनी कृपया विचार विनिमय करून योग्य निर्णय घ्यावा. त्यांना मी खालील व्य.नि. पाठवला आणि त्याच वेळेस त्यांचा व्य.नि. देखील संपादकमंडळाच्या आयडीवर आला होता. पण तो मी नंतर वाचला. धन्यवाद.

नमस्कार, तुमचे "मिसळ पाव म्हणजे एक लयी भारी संकेत स्थळ आहे काय ?" हे लेखन सध्या अप्रकाशीत करण्यात आले आहे. आपले मिपासंकेतस्थळाच्या नावाचा वापर करत विचारत असलेले, "३) त्यांच्या दृष्टीने इतर संकेत स्थळ फडतूस आहेत कि काय ?, आणि ४) बाकी संकेत स्थळावर चर्चा करणारे लोक बावळट, मूर्ख आहेत काय ?" हे प्रश्न, आपल्या नकळत असेल, पण येथील सदस्यांवर अप्रत्यक्ष आरोप करत त्यावरच चर्चा करत दुखावणारे आहेत, असे वाटल्याने तुर्तास संपादक मंडळ ते प्रकाशीत करायचे का नाही यावर विचारविनिमय करत आहे. योग्य निर्णय घेऊन पुढील काही तासांमधे कळवू अथवा धागा प्रकाशीत करू. आपण "हे साफ चुकिचे आहे."धागा काढण्याऐवजी संपादक मंडळास व्यनि अथवा खरडीने विचारू शकता. म्हणून तो धागा देखील अप्रकाशीत केला आहे. धन्यवाद संपादक मंडळ

धागा अप्रकाशित केल्याबद्दल आभारी........! :) इतर संकेतस्थळावरील चर्चा मिपाच्या विचारपिठावर चालू द्यायच्या की त्याबाबत धोरण ठरवले पाहिजे. टीका सोडून इकडचे दुवे तिकडे, तिकडचे दुवे असे हरकत नाही. पण मागे एकदा मी मनोगताबद्दल टीका करणारेच असे काही तरी लिहिले होते तर, तेव्हाच्या संपादकांनी निरोपानिरोपी करुन हा प्रतिसाड उडवला पाहिजे असे सांगितले होते. आणि माझा सुंदर टीका करणा-या एका मोठ्ठ्या प्रतिसादाला दोन संपादक मित्रांनी सुरुंग लावला होता. :) ”तिकडची धुणी तिकडेच धुतली पाहिजे” अशा माझ्या प्रतिसादामुळे सदस्यांच्या भावना दुखावल्या दिसतात. त्यामुळे चर्चाप्रस्ताव आलेला दिसतो. आपण संपादकांनी योग्य निर्णय घ्यावा. -दिलीप बिरुटे

आधी इकड-तिकडची धुणी म्हणजे काय? वसुलि नावाचे एक सदस्य मिपावर चर्चा आली की त्या अनुषंगाने काहीतरी उपक्रमावर टाकतात. याला कोणी धुणी म्हटले तर मला पटण्यासारखे आहे. गांधीवादींनी एकच चर्चा उपक्रमावर आणि मिसळपावावर टाकली. याप्रमाणेच, काही इतर लेखकही एकच लेख अनेक संकेतस्थळांवर टाकतात. त्यांना धुणी धुणे वगैरे म्हटलेले मला आठवत नाही. बाकी, मनोगताच्या प्रतिसादाचे वगैरे काय झाले हे मला माहित नाही. टिका सकारात्मक असेल तर जरूर करावी परंतु तत्या टिकेतून उगीच व्यक्तिगत स्कोर सेटल होत असेल तर ती अनावश्यक वाटते. असो. वरील धागा अनावश्यक होता. विकास यांनी काढला ते उत्तम झाले.

इतर संकेतस्थळावरील चर्चा मिपाच्या विचारपिठावर चालू द्यायच्या की त्याबाबत धोरण ठरवले पाहिजे.

माझ्यामते, जे संकेतस्थळांवर दिसते/ प्रकाशित होते ते जाहीर असते. त्यावरून दुसरी चर्चा सुरु करणार्‍याचा हेतू नेहमीच स्वच्छ असेल असे नाही परंतु जाहीर विषयाला पकडून सुरु झालेली/ केलेली चर्चा अप्रकाशित करणे म्हणजे मुस्कटदाबी आहे. (पुन्हा यात धोरणात बसणे, संकेतस्थळांवर उगीच टीका वगैरे मुद्दे आहेतच) त्यापेक्षा अशा चर्चा सकारात्मक दिशेने वळवणे किंवा जर सदस्य गोंधळ माजवणारे प्रतिसाद देऊ लागले तर त्याचा हवाला देऊन चर्चा अप्रकाशित करणे मला योग्य वाटते.

उत्तम!!!