ए० आय० पेक्षा भयानक तंत्रज्ञान येत आहे...
माझ्या या पोस्ट्मध्ये (https://www.misalpav.com/node/52703) २०२२४ मध्ये एका संघोट्याशी झालेल्या भांडणाची हकीकत लिहीली होती. चीनबद्दल मी जेव्हा ही भूमिका घेतली तेव्हा ब्लूमबर्गने आयोजित केलेल्या एका परिसंवादात केलेल्या भाषणाचा त्याला आधार होता. हा चीनचा प्रतिनिधी मोठ्या अभिमानाने सांगत होता की आमची पॉलिसी डॉक्युमेण्ट वाचा. आमच्या पंचवार्षिक योजनांच्या अंमलबजावणीचा दर ८०-८५% टक्के आहे. भविष्यात चिनी अर्थव्यवस्था मुख्यतः ए० आय० आणि कृत्रिम जीवशास्त्र या दोन तंत्रज्ञानामधल्या चीनच्या आघाडीवर अवलंबून असेल.
या चीनी प्रतिनिधीच्या आवेशाने मी स्तब्ध झालो होतो. कृत्रीम जीवशास्त्र या शब्दांनी माझे कान ट्वकारले गेले. मग कृत्रीम जीवशास्त्राबद्दल जेव्हढी मिळेल तेव्हढी माहिती वाचायला, पहायला सुरुवात केली. थोडक्यात सांगायचे तर कृत्रीम जीवशास्त्र म्हणजे निसर्गात लूडबूड करायचे तंत्रज्ञान. हे प्रत्यक्षात यायला अजून वेळ लागेल असा मी माझा समज करून घेतला...
पण आज हे माझ्या कालरेषेवर झळकलं आणि चर्र झालं...माझ्या आकलनानुसार हे तंत्रज्ञान ए०आय० पेक्षा भयानक असेल कारण याचे फायदे सर्वसामान्याना मिळणे मला तरी अवघड वाटते. ज्या राष्ट्रांना हे तंत्रज्ञान मिळेल त्याना अनफेअर आघाडी मिळणार हे निश्चित...