जे न देखे रवी...

लद्दाख

अ — अनन्त्_यात्री,

भूशास्त्राच्या अंकलिपीची
पाने इथली उलटी
रंगभारले पहाड, अवघड
रस्त्याची वेलांटी

रण वाळूचे पायतळी अन्
हिमकण माथ्यावरती
किती विरोधाभास पचवुनी
फुलते इथली सृष्टी

रंग नभाचे प्राशुनी वाहे
निवळशंख हे पाणी
रौद्र नि प्रशांत उभय रसांचे
मिश्रण केले कोणी

(नुकत्याच केलेल्या लद्दाख वारीदरम्यान रेखाटलेले शब्दचित्र)

| 3097 वाचन |
💬 प्रतिसाद
क
कर्नलतपस्वी गुरुवार, 09/22/2022 - 17:09 नवीन
शब्दचित्र आवडले.
प
प्राची अश्विनी Fri, 09/23/2022 - 05:42 नवीन
वाह!
ज
ज्ञानोबाचे पैजार Fri, 09/23/2022 - 05:49 नवीन
शब्दचित्र आवडले, पैजारबुवा,
ब
बाजीगर Sat, 09/24/2022 - 06:41 नवीन
खूप भाsssssssरी कविता ! मी गेलो होतो दोन महीन्यापूर्वी महिन्यात. (आपल्यापासून स्फूर्ती घेऊन, ह्या ओळी खरडल्या...) पँगाँग-लेक उंच सरोवर, जणू आकाश वितळले! पाणी कसे नीळेशार, जागेपणी स्वप्न निथळले !!
श
श्रीगणेशा Fri, 09/30/2022 - 12:50 नवीन
रौद्र नि प्रशांत उभय रसांचे मिश्रण केले कोणी
छान शब्दचित्र!
श
श्वेता२४ Fri, 09/30/2022 - 13:47 नवीन
आवडली
म
मनिष Fri, 09/30/2022 - 13:50 नवीन
लडाख/लद्दाख हा एक वेगळाच अनुभव आहे...