आघाडी सरकारने, गेल्या वर्षभरांत किती कामे केली आहेत?

महागाई फक्त महाराष्ट्रात वाढली आहे की देशभर महागाई वाढली आहे. महागाई वाढण्यास केंद्र सरकारची धोरण जबाबदार असतात. Fuel price, आयात निर्यात,ही धोरण केंद्र ठरवते राज्य नाही. राज्यात मला तरी असुरक्षित वाटत नाही मूवी ना कसे काय आताच असुरक्षित वाटायला लागले? एक चाचपणी म्हणून mipa वर अजुन कोणाला असुरक्षित वाटत आहे का? अशी दोन चार लोक निघाली तरी मूवी ची भीती योग्य आहे असे समजता येईल. राज्यातील कोणत्याच बाजारात जीवन आवशक्य वस्तू भरपूर उपलब्ध आहेत. येथील मिपाकरांना दुकानात डाळ उपलब्ध नाही,साखर उपलब्ध नाही,भाज्या उपलब्ध नाहीत असा अनुभव आला आहे का? आला असेल तर राज्यात जीवन आवशकय वस्तू ची कमतरता आहे ह्याला आधार मिळेल.

ह्या सरकारने दीड वर्षात काहीच काम केले नाहीत पण माझ्या मते मोदी सरकारने पण 5 वर्षात काहीच चांगले कामं केले नव्हते, दुसऱ्या फेरीत ते चांगले काम करताना दिसत आहेत, या सरकारला पण थोडा वेळ दयायला पाहिजे

खूप काही लिहिण्यासारखं आहे पण लिहिल्यावर कोणीतरी घरी नेऊन वळ उठेपर्यंत मारेल.. किंवा कोणीतरी येऊन घर तोडून जाईल.. जास्तच लिहिले तर चक्क पोलिसांमार्फतच माझा खून करवून आणला जाऊ शकतो.. त्यामुळे माफ करा मुवि.. मी इथे लिहिणार सरकारविरोधी काहीही लिहिणार नाही.. !!! लिहिले तर लगेच महाराष्ट्राचा, शिवाजी महाराजांचा, मराठी माणसाचा अपमान होईल.. आणि ते पातक माझ्या डोक्यावर नको.. सरकार एकदम मस्त चालले आहे.. महाभकास सॉरी सॉरी.. महाविकास आघाडी सरकार हे जनतेचे सरकार आहे. आणि उद्धव जी ठाकरे अत्यंत चांगलं काम करत आहेत.. इतका पसारा आहे कि काम घरूनच करतात. उगा तिकडे मंत्रालयात जाण्या येण्याचा वेळ कशाला वाया घालवायचा.. ( कोण रे तो... घरबश्या म्हणतोय.. जीव वर आलाय का??? गप्प... !!!! ) तर हा.. मी हेच सांगत होतो कि सरकार अत्यंत जबाबदारी ने काम करतेय.. फक्त मुवि सारखी लोकं आहेत कि जे खबरदारी घेत नाहीत.. म्हणून थोडेफार प्रॉब्लेम होतात.. विसरलात का.. आपले मामु ( माननीय मुख्यमंत्री ) काय म्हणले होते ते?? तुम्ही खबरदारी घ्या. मी जबाबदारी घेतो.. कालच मी आजान स्पर्धा पाहून आणि ऐकून आलो.. कान कसे एकदम तृप्त झालेत.. या निमित्ताने जनाब बाळासाहेब ठाकरेंना दिलेला तो सन्मान पाहून जीव दाटून आला.. ( कोण रे तो हिंदुत्व हिंदुत्व ओरडतोय.. गप्प बस झेमण्या.. तू आता आम्हाला हिंदुत्व शिकवणार का?? ) कालच मी विजेचे बिल भरले.. वाढीव 7-8000 रुपये होते पण परवा मुख्यमंत्री म्हणले ना.. कि आता मी देखील तुमच्या घरातलाच एक आहे.. त्यामुळे मग जास्त विचार नाही केला.. म्हणलं आपले पैसे आपल्याच घरी राहतील.. त्यामुळे सगळं वाढीव बिल पूर्ण भरले.. उलट अजुन एक्सट्रा पैसे देणार होतो. पण बायकोने अडवले..!! असो. ह्या सगळ्या गोष्टी मुवि आणि त्यांच्यासारख्या इतर लोकांना कश्या काय दिसत नाहीत देव जाणे.. जाऊदे. शेवटी अंधभक्त च ते.. त्यांना काय कळणार मराठी अस्मिता, ठाकरे पॅटर्न , हिंदुत्व, वगैरे वगैरे..

कोविडच्या काळात सगळ्यांचीच आर्थिक स्थिती नाजूक झाली होती, केंद्राची आणि सर्व राज्यांची. महाराष्ट्रात सरकार स्थापून स्थिरस्थावर होण्यापूर्वीच कोविड संकट आले. केंद्र सरकारपेक्षा महाराष्ट्र सरकारची आर्थिक स्थिती वाईट होती. पैशाचे सोंग करता येत नाही. विकासाचे सोंग करणाऱ्या सोंगाड्याचे अनुकरण करण्यात महाराष्ट्राचे सरकार कमी पडले हे मान्य करतो.

व्यक्तिपूजा, खंडणीखोर वृत्ती आणि रस्त्यावरील गुंडगिरी ह्या पायावर निर्माण झालेल्या पक्षाकडून जास्त अपेक्षा ठेवणे चुकीचे आहे. शिवसेनेचा उदय शक्य झाला तो काँग्रेस च्या भ्रष्ट आणि सरंजामशाही वृत्तीमुळे. तोंडाने महाराजांचा जाप करायचा आणि गरीब आणि निशस्त्र लोकांवर हिंसा वापरून आपले पौरुष सिद्ध करायचे हेच शिवसेना आधीपासून करत आली आहे. शिक्षण, कायदा सुव्यवस्था, अर्थ व्यवस्था, संस्कृती, व्यापार पर्यटन कुठल्याच विषयावर ह्यांच्या नेत्यांना चार शब्द बोलता येत नाहीत, काही दूरगामी धोरण निर्माण करायचे दूरच ठेवा मुंबई जगाची आर्थिक राजधानी, पण अजून ह्यांना एक रस्ता धड मेंटेन करता येत नाही. पण कुणा नटीला घाबरावयाचे तर ह्यांच्या मिशीला पीळ चढतो. शिवसेनेची प्रगती ज्या काली झाली त्या काली शिवसेनेची गरज होती. सुदैवाने मराठी समाज प्रगत झाला आहे. आता रस्त्यावर मारामारी, संप, बंद असली थेरे भूतकाळ झाला आहे. हिंदी मुस्लिम कार्ड विशेष चालत नाही. परप्रांतीय-स्थानिक हा भेदभाव लोक जास्त करायला जात नाहीत. सुमित राघवन सारखा तामिळ माणूस अस्सलखीत मराठीतून चित्रपट काढतो आणि मराठी भाषेच्या नावाने मतांची भीक मागणारे आपल्या पोरांना "बोंबे स्कॉटिश" मध्ये पाठवतात आणि कुणा गरिबाने "बोंबे" म्हटले तर त्याला धमकावतात. महाराजांचे नाव घेणाऱ्या मंडळींनी हि असली भाकडकृत्ये करायची ह्या पेक्षा मोठे पाप नाही. शिवसेनेची एक्सपायरी डेट कधीच होऊन गेली होती. भाजपाला सुद्धा हे लक्षात आले असावे. शिवसेनेचा वाघ आता काँग्रेसचे मांजर आहे. जो पर्यंत गरज आहे तो पर्यंत वापरले जाईल नंतर उकिरड्यावर फेकले जाईल. आता कुणी म्हणेल कि राग फक्त शिवसेनेवर का ? काँग्रेस सुद्धा आहे ना सत्तेत. तर काँग्रेस हा कॅन्सर आहे. ह्यांना लोकांचे, देशाचे सोयरसुतक नाही. हि मंडळी उद्या राहुल ला थंडी वाजली म्हणून अक्खा महाराष्ट्र जाळून गरमी निर्माण करतील. ह्यांच्याकडून फक्त निलाजऱ्या लोकांनी अपेक्षा ठेवाव्यात.