आज बेत काय करावा?

कोशिंबीर आणि भरीत हे अत्यंत आवडते पदार्थ. ह्यातले खालचे पदार्थ फार आवडतात: दह्यातल्या कोशिंबिरी/भरीत: दुधीचा अवकुरा, भेंडीचे भरीत , बटाट्याचे भरीत , काकडीची कोशिंबीर, बिटची कोशिंबीर, वांग्याचे दह्यातले भरीत, मुळ्याच्या पानांची कोशिंबीर, फक्त दही कांदा सुद्धा आवडतो. जर ठेचा असेल तर दही ठेचा, नाहीतर लसणीची चटणी आणि दही. काहीच नसले तर नुसतं दही. सोबत मुद्दा भाजी असेल तर आणखी छान :) (पण मग कढीपण पाहिजे.) बिन दह्याचे: कोबीची कोशिंबीर, बिटची कोशिंबीर, कोबीचे सॅलड, कांदा-टोमॅटो-लिंबू सॅलड, काकडीची आंबट कोशिंबीर.

शाबुदाण्याची बिर्याणी करा एक प्रयोग म्हणून:)

आमच्या घरात साप्ताहिक मेनू बनवून तो फलकावर लावलेला आहे. अगदी तसेच काही सबळ कारण असल्याखेरीज त्यात आम्ही बदल करत नाही. दुसऱ्या दिवशीच्या सैपाकाची तयारी आदल्या रात्री करून ठेवली जाते. बाजारहाटही आपोआप मेनूला अनुसरून होते. आम्ही शाकाहारी असल्यामुळे चांगले मासे न मिळणे, पापलेटऐवजी तिसऱ्या मिळणे वगैरेचा परिणाम पाकसिद्धीवर होत नाही. त्यामुळे "आज काय बरे बनवावे?" हा प्रश्न आमच्या घरातून तरी हद्दपार झालेला आहे.

उरलेल्या पोळ्यांचा कुट्टा तर सर्वमान्य शिळी सप्तमीतला आवडता पदार्थ ,पण त्या पोळ्या ना कात्रीने कापायच्या सरळ सरळ पट्ट्या करायच्या.मस्त तळायच्या.वरून तिखट मीठ चवीनुसार टाकायचे.एकदम क्रिस्पी.

गरमागरम पाव हा एक Common factor ठेऊन खालील जंत्री बनू शकते. गरमागरम पाव – व्हेज अंडा आम्लेट / गरमागरम पाव – अंडा आम्लेट / गरमागरम पाव – मिसळ / गरमागरम पाव – बटाटा वडा / गरमागरम पाव आणि बरच काही

सकाळी नाश्त्याला ब्रेड चहा. दुपारी जेवायला चपाती - मेथी - कारले मसाला - गवार (मी खाल्ला नाही, पण वरण भात होता) संध्याकाळी नाश्त्याला चहा आणि दुपारची एक चपाती आज रात्री चपाती - रस्सा भाजी मटकी - सुक्की टोमॅटो चटणी - वरण भात. उद्या सकाळी नाश्त्याला पोहे किंवा उपिट किंवा शिरा (अजून तांदूळ भिजत नाही घातले म्हणजे इडली डोसा नक्की नाही). कोणतीही आमटी / रस्सा / पातळ भाजी (व्हेज - नॉनव्हेज ) असल्यावर कांदा मस्ट. रोज रात्री काकडी किंवा टोमॅटो किंवा दोन्ही असतंच. corona मुळे काही महिने झाले लोणचे आणि दही टाळतोय. त्यामुळे कोशिंबीर नसते. बऱ्याचदा हिरव्या मिरचीचा ठेचा असतो तोंडी लावायला.

उद्या: पुरण पोळी, बटाट्याची भाजी, नारळाची चटणी, कटाची आमटी, वरण, भात, तूप, लिंबु आणि नंतर अनंत काळ.... आडवा.कॉम! संडे स्पेशल!!

मिपाचे माबो होत आहे काय ??

काकडीचे खमंग थालिपीठ वर लोणी आणि शिवाय दही.

दुपारचा मेनु म्हणजे, हरबर्‍याच्या डाळीचे कढिपत्त्याची फोडणी दिलेले वरण आणि भात. जोडीला काकडी आणि शेवटी कलिंगडाची फोड.

आठवड्यात - सकाळचा नाश्ता : बिन तिखट, बेदाणा टोस्ट / इतर तयार ओट (दालचिनी + बदाम ब्राझील नट, pikan नट इत्यादी ) फळे + दही , - २-३ वेळा भाजी पोळी वरण किंवा आमटी आणि इतर भारतीय पदार्थ ( पण शक्यतो एकच मुख्य भाजी सर्व लवाजमा नसतो, वेळ असले तर कोशिंबीर - २ वेळा चिनी थाई/ व्हिएतनामी पद्धतीचे काहीतरी ( घरी बनवलेलं) - १-२ वेळा इटालीय पद्धतीचे / १-२ वेळेस मेक्सिकन टॅको किंवा नाचों -२ वेळातरी ओव्हन मध्ये भाजलेले काहीतरी ( मास किंवा मग भोपळ्याचा काप किंवा तंदुरी मसाल्यातले फ्लावर, गोड करायचं इतर फळे भाजून त्यात बदाम कूट वगैरे ) - एखाद्वेळीस फिश आणि चिप्स याशिव्या वेगवेगळी चीज आठवडा अखेरी : नष्टता आणि जेवण एकाच , पोहे/ उपमा/ किंवा बेकन + टोस्ट + अंडे किंवा सामन माश्याचे काप + क्रीम चीज + सलाड संध्याकाळी BARBEQ शाकाहारी आणि मांसाहारी अधून मधून काहीतरी वेगळे म्हणजे कोरियन / ब्राझिलियन आळसामुळे राहून गेलेले : आता सुरु करायचं आहे = घरी केलेले पाव आणि स्वतःचा मागील तंदूर

घरी केलेले पाव आणि स्वतःचा मागील तंदूर भारी!!

स्वतःचा मागील // लै चुका करतो मी लिहिताना आणि मग अर्थाचा अनर्थ होतो ... " स्वताकच्या घरातील मागील दारी" असे म्हणायचे होते

ब्रेक्फास्ट आठवडा १ व ३ रविवार ----- मिसळ ( वाटण करून ) सोमवार ------ उपमा मंगलवार ------ मुगाचे डोसे बुधवार ------- कान्दे पोहे /बटाटे पोहे/वान्गी पोहे/कोबी पोहे पैकी १ गुरुवार------ इडली साम्बार शुक्रवार------- राईस नुडल उपमा शनिवार ------वाफवलेले मूग आठवडा- २ व ४ रविवार ----- वडा साम्बार सोमवार ------ आप्पे मंगलवार ----- कान्दा उत्तपा बुधवार ------- तिखटमिठाचा शिरा गुरुवार------ शेंगोळे वा भाजणी वडे शुक्रवार------- तान्दळाच्या पापड्या शनिवार ------ सन्ड्विच रोज सकाळी जेवणात पोळी ( चपाती ) , कसली तरी कोशिन्बीर. उसळ वा परतून पालेभाजी वा फळभाजी , मुगाचे वरण वा साधे वरण ( तुरीचे) वा वान्ग्याची,टोमॅटो ची वा मुळ्याची आमटी बरोबर माईन मुळीचे लोणचे, आम्ब्याचे ,लिम्बाचे वा हळदीचे ,लसून चटणे सोलापुरी चटणी, कडेपत्ता चटणी, जवसाची चटणी खाराची मिरची यापैकी १ सायंकाळी अठवड्यातून दोन वेळा ज्वारीची भाकरी एकेक दिवस रव्याचे धिरडे,टोमॅटोओम्लेट,भाजणीचे वा ज्वारीचे थालीपीठ ,साधा डोसा,तिहट मिठाच्या पुर्या असे काहीतरी .त्याबरोबर दाणे खोबरे चटणी कधी पानीपुरी दही भात ,कधी रगडा पॅटिस दही भात ,कधी हक्का नूडल दही भात. कधी मुगडाल खिचडी व कढी भाकरी असेल तर झुणका,मेथीची गोळा भाजी, उडदाचे घुटे ई चे कालवण असते. सायकाळी, भेळ,दडपे पोहे .पोह्याची लाटी ,चिवडा असे काही तरी दररोज कोणते तरी फळ खाणे कम्पलसरी.

धिरडे मी नेहमी भाजणीच्या अथवा तांदळाच्या पीठाचे करतो. रव्याचे धिरडे कसे करायचे? ताक घालून? तुम्ही कसे करता?

मुगाचे डोसे कसे करायचे याची पाकृ देता का कुणी?

रात्रीच्या जेवणाला व्हाईट सॉस व्हेज पास्ता केला होता - ऑलिव्ह तेलात भरपूर भाज्या घालून वर ईट्लियन हर्ब आणि मिरपूड घातली. भाज्या वेगळ्या परतून घेतल्या आणि पास्ता मिठाच्या पाण्यात उकडून घेतला होता. चाईट सॉस साठी पीठ आणि दूध वापरले होते. पास्ताचा फन्ना उडाला. लेक आज शाळेत डब्याला पण घेऊन गेली! :)

भेंडीची भाजी पोळी + गरमागरम वरणभात वर तूप आणि लिंबु!

पावभाजी सोबत काकडी आणि शेवटी कलिंगड

जंगी बेत होईल !

आज सांबार भात, जोडीला मक्याचे कणीस उकडलेले, थोडे अ‍ॅस्प्रेग्स ओलिव्ह तेलात फ्राय करून आणि गोड शेवट - आंबा!! साधा सोपा मेनु - आणि हेल्दी! &#128515

राजमा चावल - पण भात मात्र लाल तांदळाचा केला होता. मस्त लागतो!

लाल भोपळ्याची खोबर्‍याचा कीस आणि तीळ घालून परतून केलेली खमंग भाजी. आणि मिश्र पीठाची पोळी. जोडीला काकडी.

आज भरपूर भाज्या टाकून नूडल्स वर एक ऑम्लेट.

पालक पनीर - पण पालक अगदी बारीक केलला नाही. वर क्रीम आणि लिंबू पिळलेला, जोडीला तूप लावलेल्या पोळ्या आणि कांदा.

आज दही बुत्ती भात आणि पेस्तो रोस्ट पंपकीन फेटा रिसोनी असा बेत झाला. माझी भूमिका मदतनीस इतकीच होती. पेस्तो रोस्ट पंपकीन फेटा रिसोनी बनवायला वेळ लागला पण मस्त लागत होते. शेवट आंब्याने झाला. अगदी गोड!

काल वड्यांची मसालेदार भाजी केली होती. जोडीला सॅलड होते. शेवटी गोड म्हणून रसाळ खजूर खाल्ले.

विजयादशमी चे खास म्हणून शेवयांची खीर आणि नारळाच्या दूधातील दुधीची भाजी.