साहित्य:
१ मध्यम कॉलीफ्लॉवरचा गड्डा बारीक गुच्छ काढलेला (गुच्छ साधारण जायफळाच्या आकाराएवढी)

फोडणीसाठी: १ टेस्पून तेल (अर्ध नेहमीचं व अर्ध मोहोरीचं (ऐच्छिक), किंवा एकाच प्रकारचं तेल वापरू शकता ),
१ टी स्पून चिमटी मोहोरी, १ कढीपत्त्याची डहाळी

वाटण :
४ हिरव्या मिरच्या (**जास्त तिखट नको असेल तर डिसीड करून घ्याव्या)
८ लसूण पाकळ्या, १ इंच आले साल काढून
कोथम्बीर छोटा बचकाभर, नखभर हळद

लिंबाची फोड
एक्स फॅक्टर (ऐच्छिक) : एक टीस्पून फिश सॉस , तीळ गार्निशसाठी
==============================================================
पूर्वकृती : एका उघड्या पातेल्यात (कॉलीफ्लॉवरचे बारीक गुच्छ बुडतील व वर साधारण एक इंच पाणी येईल, एवढे )
पाणी घेऊन त्यात एक टीस्पून मीठ टाकावे व उकळत ठेवावे, पाणी खळखळा उकळू लागले कि त्यात
फ्लॉवर टाकावा, साधारण २-३ मिनटे ठेवावा, **झाकण मारू नका....
साधारण तुम्ही खाता त्याच्या ८०% शिजले असे वाटते तेव्हा, गॅस बंद करा.... दोन तीन मिनिटे त्यात फ्लॉवर राहू देत .. **पातेल्यावर झाकण लावू नका....
मोठ्या जाळीतून सर्व पाणी काढून फ्लॉवर निथळत राहू द्या ....

पाणी तिकडे उकळत असता मिनव्हाईल तुम्ही कोथम्बीर आलं लसूण, चिमूटभर हळद एक चमचा पाणी टाकून मिक्सरमध्ये वाटून घ्या...

==================================================================

कृती:
कढईत तेल गरम करून त्यात मोहोरी घालावी, मोहरी तडतडली कि लगेच कढीपत्ता टाकावा, कढीपत्ता टाकल्यावर लगेच २ सेकंदाच्या अंतराने
वाटण घालावे (नाही तर कढीपत्ता जळू शकतो) साधारण २ मिनिटे परतावे. आलं लसूण फोडणीचा सुगंध दरवळू लागताच त्यात, आच मंद करावी, निथळलेला फ्लॉवर टाकावा. फ्लॉवर उलथणीने मसाल्यात माखून घ्यावा. छोटी लिंबाची फोड पिळावी.

ऐच्छिकएक्स फॅक्टर वाले आता फिश सॉस फिरवून शिंपडतील. हलक्या हाताने परतत राहा, ३०-४० सेकंदाने गॅस बंद करा.
तिळाने गार्निश करा.
**फिश सॉस टाकणारे मीठ जरा जपून वापरा (कारण फिश सॉस स्वतः खारट असतो)

गरम पोळी / फुलका बरोबर सर्व्ह करावी.