संडे स्पेशल (दुधापासून केलेले पदार्थ)

साहित्य: मैदा ३ कप तूप किंवा लोणी १ कप दही ३/४ कप वेलदोडे पूड १/२ चहाचा चमचा खाण्याचा सोडा १/२ चहाचा चमचा साखर ८ कप पाणी ३ कप तेल तळण्यासाठी क्रूती: प्रथम पाणी उकळण्यास ठेवावे. पाण्याला उकळी आल्यावर साखर घालावी.साखरेचा दोनतारी पाक करून घ्यावा. प्रथम मैदा, वेलदोडे पूड , खाण्याचा सोडा एकत्र मिसळून घ्यावा.नंतर त्यात लोणी किंवा तूप घालून मळून घ्यावे. नंतर एक एक चमचा दही घालून चांगले (खूप)घट्ट पीठ भिजवावे. नंतर तेल तापण्यास ठेवावे. पीठाचा छोटा गोळा घेवून गोल करावा. नंतर किंचित तळहातावर दाबून चपटा करावा. मग त्या गोळ्याच्या मधोमध अंगठ्याने थोडासा खड्डा (बीळ नाही) करावा. मग हे गोळे तेलात लालसर खरपूस तळून कढावेत.हे गोळे पाकातून काढावेत, वरून पिस्त्याचे तुकडे घालून सजवावे. बालूशाही तय्यार :) राजमुद्रा :)