तुमच्या आवडत्या तुनळी वाहिन्या कोणत्या?

आमची प्रेरणा-- ह्या दोन बातम्यांमध्ये एवढा विरोधाभास का आहे? नमस्कार मिपाकर ईतिहास काळात घरोघरी मंडळी लवकर रात्रीची जेवणे वगैरे आटोपुन पत्ते,कॅरम्,पट वगैरे खेळत बसायची म्हणे. गेला बाजार जेवताना किवा चहा पिताना एकमेकांशी गप्पा वगैरे मारायची. शेजार्‍या पाजार्‍यांकडे वर्तमानपत्र वाचायला किवा शिळोप्याच्या गप्पा मारायला, रमी किवा बुद्धीबळ खेळायला जायची. काहीच नसेल तर घरीच गॉसिपिंग करत बसायची. पुढे रेडिओ आणि मग टि.व्ही. आले, आणि रिकामा वेळ घालवायला माणसाला एकमेकांची गरज उरली नाही. आणि आता तर काय? स्मार्ट फोन आल्यापासुन रेडिओ,टि.व्ही. सगळे हातातच आले आहे. (त्यात मिपाही आलेच :) रेडिओ मस्त होते, जाता येता ऐकता यायचे. टि.व्ही. हे प्रकरण मला फारसे कधीच आवडले नाही. त्यातल्या त्यात एपिक्,डिस्कव्हरी,नॅट जिओ, हिस्टरी अश्या वाहिन्या कधी मधी बघतो, पण ते ठराविक कार्यक्रमासाठीच. एका जागी बसुन ३ तास चित्रपट किवा तासभर मालिका बघणे मात्र कधीच जमले नाही. अ‍ॅमेझॉन्/नेट्फ्लिक्स/हॉट स्टार वगैरे फार थोडा काळ वापरले,पण त्यासाठी वेगळे पैसे द्यावे लागत आणि ते सतत वाढत गेल्याने हळुहळु बंद केले. मात्र वर्क फ्रॉम होम सुरु झाल्यापासुन दोन मीटिंगच्या मध्ये किवा ईतर वेळी करमणुक म्हणुन चकटफु तुनळीवरचे कार्यक्रम बघता बघता अनेक चॅनल सबस्क्राईब करत गेलो आणि काही चॅनलवरचे आशय खरोखरच आवडु लागले. असे काही चॅनल्स खाली देत आहे. मिपाकरांनी त्यात भर घालावी ही सर्वांना विनंती न्युज वि ऑन वैचारिक थिंक बँक बोलभिडु भटकंती रानवाटा मुक्ता नार्वेकर झुंजारमाची पाककृती वाह रे वाह मधुरा किचन तबला तेज सिंग शेअर्स लेट्स क्रिएट वेल्थ याशिवाय काही कामाचे टेक्निकल चॅनल्स, दुरदर्शनचे जुने कार्यक्रम (भारत एक खोज, गजरा, जुन्या मुलाखती,सुरभि वगैरे), गाण्याचे चॅनल्स, बागकामाबद्दल्चे चॅनल्स, स्टोरी टेलिंगचे चॅनल्स, वैद्यकिय ज्ञान देणारे चॅनल्स एक ना दोन. तर असेच चांगले आणि आपापले आवडते चॅनल्स मिपाकरांनी इथे या धाग्यावर शेअर करावेत अशी विनंती करुन ईथेच थांबतो.