राष्ट्रीय नास्तिक परिषद पुणे

असला कोणी आस्तिक तर बिघडलं कुठं? लेख आहे अत्यंत पक्षपाती, एकतर्फी व असत्यकथन करणारा हा आहे. उदाहरणार्थ ही वाक्ये - धर्मप्रसारासाठी तलवार हाती धरा, खुशाल नरसंहार करा, असे मुळी कनवाळू देवाचे स्पष्ट आदेशच आहेत. कोणत्या देवाचे? हिंदू, बौद्ध, शीख, जैन या धर्मातील एकाही देवाने असा आदेश दिलेला नाही. फक्त एकाच पंथातील तथाकथित देवाने हा आदेश दिलाय. मग सरसकटीकरण का? नास्तिक बिचारे मवाळ आणि पापभीरू असतात. त्यांनी कुणाला पाव देऊन, शाळा-दवाखान्याच्या व्यूहात भुलवून बाटवलेले नाही. हास्यास्पद दावा. चीन, कोरिया, बल्गेरिया, रूमेनिया अश्या साम्यवादी देशातील नास्तिक सत्ताधाऱ्यांनी किती कोटी माणसे मारली याची मोजदादच नाही. नास्तिक चळवळीतल्या एका आघाडीच्या दिवंगत नेत्याच्या पत्नीच्या संशयास्पद मृत्युची कहाणी जनता विसरलेली नाही. जसे सर्वच आस्तिक पापभीरू, मवाळ असे नसतात तसेच सर्व नास्तिकही बिचारे मवाळ पापभीरू नसतात. खरं तर आसपासच्या बहुसंख्य, आग्रही आस्तिक समाजात नास्तिकांची कुचंबणाच होत असते. घरगुती अथवा सार्वजनिक धार्मिक कार्यात त्यांना बऱ्याचदा मन मारून सामील व्हावे लागते. पण लक्षात कोण घेतो? नास्तिक सुद्धा आग्रही असतात. एका कार्यक्रमात तर पाहुण्यांनी साधे दीपप्रज्वलन केले म्हणून नास्तिकांनी टीका केली होती. पुण्यातील सरस्वती मंदिर शाळेने कोणत्या तरी समारंभापूर्वी सत्यनारायण पूजा करणार असे सांगितल्यानंतर ना. ग. गोरे व काही इतर नास्तिकांनी आंदोलन वगैरे केले होते. कोणत्याही सरकारी कार्यक्रमात किंवा मंत्री वगैरे असलेल्या कार्यक्रमात एखाद्या भगवा वेषधारी असला किंवा काही पूजा वगैरे धार्मिक कृत्य केले की लगेच यांचा विरोध असतो. आता मला सांगा, ज्ञानाच्या या शाखेत, ‘मला सर्व सत्य समजलं आहे, सर्व ज्ञान झालं आहे,’ असं म्हणणारी उद्दाम; का ‘मला सर्व समजलेलं नाही’ असं म्हणणारी? अर्थातच अज्ञानाची शक्यता मान्य असणारी विनम्र आहे हे उघड आहे. मग सृष्टीच्या रीतीपासून ते समाजाच्या नीतीपर्यंत अंतिम सत्य गवसल्याचा दावा करणारे उर्मट? का हा दावा धाडसाचा आहे असं म्हणणारे? कोणते आस्तिक मला सर्व समजले आहे असा दावा करतात? नास्तिकांना नीतिमूल्यांची चाड नसते असाही एक गोड गैरसमज आहे. नास्तिकता दुराचार शिकवत नाही. नास्तिकता हाच दुराचार अशी बहुतेक धर्मात मांडणी असते ती गोष्ट वेगळी. तशी ती परधर्म हा दुराचार अशीही असते. पण नास्तिकांची नीतिमूल्ये सद्सद्विवेकातून आणि कायद्यातून येतात. अत्यंत हास्यास्पद दावे. चतुर्थी किंवा अश्याच एखाद्या दिवशी मुद्दाम गोमांस चेपणारे, मद्यप्राशन करणारे नास्तिक आहेत. नास्तिकता हा दुराचार अशी मांडणी हिंदू धर्मात तरी नाही. धर्म आणि धर्मग्रंथ आपल्याला असल्या भाकडकथांवर आंधळा विश्वास ठेवायला शिकवतात. स्वतः अनुभव घ्या असे हिंदूधर्म सांगतो. खरं तर आपला देव वगळता जगातल्या इतर देवांवर आपली श्रद्धा नसतेच. म्हणजे अल्लाच्या बाबतीत हिंदू माणूस नास्तिक असतो आणि इन्का लोकांच्या देवाचा भारतातल्या सिरियन ख्रिश्चनांस पत्ता नसतो. इन्कांच्या देवाला तरी यांचा पत्ता आहे का ते त्यालाच ठाऊक! ‘इतर सर्व देवांवर आपण का बरं विश्वास ठेवत नाही?’ आपल्या धर्माची तत्वे व या इतर धर्मांची तत्वे परस्परविरोधी असल्यावर इतर धर्मांवर कशी श्रद्धा ठेवणार? तेव्हा असला कोणी नास्तिक तर बिघडलं कुठं? बरी असतात ही मंडळी! तेव्हा असला कोणी आस्तिक तर बिघडलं कुठं? ही मंडळी सुद्धा बरी असतात!

हेच म्हणतो.

अलका धुपकर, यनावाला, अजित अभ्यंकर हे सुद्धा आहेत. या परीषदेस राष्ट्रीय नास्तिक परीषद याऐवजी "राष्ट्रीय निधर्मांध परीषद" असे नाव चपखल ठरेल.

+१

+ १०० नास्तिक आणि लिब्रान्डु किंवा निधर्मांध यात मूलभूत फरक आहे. नास्तिक असण्याबद्दल आक्षेप नाही. पण आम्हीच सर्वात जास्त विज्ञानवादी किंवा सुधारणावादी असा दंभ घेऊन हि मंडळी वावरत असतात. याशिवाय सर्वात भेकड आणि दांभिक अशी हि जमात आहे. हिंदू बौद्ध जैन अशा चालीरीतींवर टीका करताना हे सर्वात पुढे असतात पण मुसलमानाना काही बोलायचे तर यांची बोबडी वळते.

अगदी हेच लिहायला आलो होतो. टंकनश्रम वाचले.

या परीषदेत सहभागी होणाऱ्यांची नामावळी पाहिल्यानंतर या परीषदेचा खरा दुष्हेतू काय हे लक्षात आले होते. या परीषदेच्या समर्थकांचे प्रतिसाद वाचल्यानंतर याची खातरीच जाहली. फक्त एकच मुद्दा पटला नाही. या तथाकथित नास्तिक भोंदूंची बजबजपुरी २०१४ पूर्वी सुद्धा अशीच होती. लोकमत बदलण्यासाठी या परीषदेला खूपच परीश्रम करावे लागणार आहेत कारण जनता या भोंदूंना पूर्ण ओळखून आहे.

समर्थक, परीषदेत जाऊन समर्थक करणार का इथेच पाट्या टाकण्यात धन्यता मानणार, हे लौकरच कळेल.

पूर्ण सहयत! या परीषदेसाठी राष्ट्रीय दांभिक परीषद, राष्ट्रीय भोंदू परीषद, राष्ट्रीय ढोंगी परीषद यापैकी एक नाव सुयोग्य ठरेल.

हो, पण श्रावणात हॉटेल मधून मांस गायब करत नाहीत. अरब देशातल्या रमजान सारखे.. तिथे म्हणे रमजान मध्ये दुपारी जेवणच मिळत नाही हॉटेलात.

कार्यकारणभाव समजावून देऊ शकत नसल्याने ते असल्या फंदात पडत नाही, सरळ मॉर्निंग वॉकला विषय संपवून टाकतात. हो का? मग राष्ट्रीय नास्तिक परीषद, देवाला रिटायर करा या शीर्षकाचे अनेक परिसंवाद, यनावालांनी मिपावर पाडलेले डझनभर लेख व नंतर त्या लेखांचे पुस्तक, लोकसत्तात वाचकांच्या पत्रात लिहिलेली पत्र . . . विषय संपविण्यासाठी होते का? हे प्रकार मॉर्निंग वॉकलाच करायचे का?

नास्तिक परिषदेविषयी आपली उत्सुकता पाहून आपलं समाधान करण्याचा प्रयत्न करतो. आपण जे काही प्रश्न विचारले त्यावर चर्च झाली की नाही ते माहिती नाही पण आपले प्रश्न बिंदुगामी नक्की आहेत, यात काही वाद नाही. त्यावर सविस्तर कधीतरी एक विवेकवादी म्हणून कधीतरी त्यावर बोलता येईल. सध्या नास्तिक परिषद वृत्तांत. संविधानाने कोणताच देव किंवा धर्म स्वीकारला नाही. संविधानात भारतीयत्वाच्या सांस्कृतिक सौंदर्याच्या खुणा आहेत. श्रद्धा जोपासण्याचे स्वातंत्र्य जसे व्यक्तिगत हक्कांचा भाग आहे, तसेच स्वतःला अमान्य असणाऱ्या श्रद्धा नाकारण्याचे स्वातंत्र्यही मान्य झाले पाहिजे. नास्तिक ईश्वरावर, धर्मावर सतत टीका करत असले तरी धर्मचिकित्सा मात्र तितके गंभीरपणे करतांना दिसत नाही. बहुतेक धर्मांधांचा धार्मिक अभिनिवेश हा त्यांना त्यांच्या धर्माच्या असलेल्या अज्ञानातून येतो. गंभीर धर्मचिकित्सा केल्यास धर्मातील परस्पर विसंगती पुढे आणता येतात. नास्तिक स्वतः धर्मापासून मुक्त होऊ शकत असले, तरी आजूबाजूच्या समाजासाठी ते नेहमीच शक्य नसते. अशावेळी गांधी, विनोबा यांचा मार्ग किंवा वारकरी परंपरा हेदेखील सुधारणावादी प्रवाहच आहेत हे लक्षात घेऊन काम करणे आवश्यक आहे- डॉ.विश्वंभर चौधरी. कट्टरवादी हिंदूंनी, कट्टर मुस्लिमांनी व इतर कट्टर धर्मियांनी धर्मपालनाला कर्मकांडाशी जोडले आणि कर्मकांडांच्या दिखाऊपणाला राजकारणाशी जोडून धर्मतिरेक वाढवला. देव-धर्म कलुषित करून निर्बुध्दता जोपासली. विचार केला, तर जीवनात शुद्धता आणणे अजूनही शक्य आहे. साधनेचे सात्विकिकरण करण्यातून सुबुद्धता येईल आणि तेव्हाच इतरांच्या मतांचा आदर करण्याची परंपरा तयार होईल. वैज्ञानिक दृष्टिकोन जरी मूलभूत कर्तव्यांचा भाग आहे तरी वागणुकीच्या पातळीवर आणल्याशिवाय वैज्ञानिक दृष्टिकोन भारतीय समाजाच्या कायदेशीर जबाबदारीचा भाग होणार नाही. धार्मिक भावना दुखावल्या या कारणाखाली दाखल होणारे अनेक गुन्हे खोटे असतात व पोलिसांनाच न्यायाधीश होऊ देणारी प्रक्रिया बंद झाली पाहिजे. संविधानातील कलम २५(१)नुसार देव मानण्याचा हक्क आहे तसेच देव ही संकल्पना न मानता जगण्याचे स्वातंत्र्य प्रत्येकाला आहे. मत स्वातंत्र्याला नाकारणारी नैतिक राखणदारी भारताला मागासलेल्या विचारांचा देश ठेवेल,” असं मत असीम सरोदे यांनी व्यक्त केलं. अलका धुपकर यांनी लोकशाहीला आणि विवेकाला धर्मांध संघटनांचा कसा विरोध आहे याबद्दल मत मांडले. पत्रकार प्रसन्न जोशी यानी नास्तिकांनी इतर समाजघटकांशी संवाद वाढवण्याबद्दल मार्दर्शन केले. पहिल्या सत्राचे अध्यक्षीय भाषण काठमांडूहून आलेले ‘ह्यूमनिस्ट्स् इंटरनॅशनल’चे उत्तम निरौला यांनी केले. विचारवंत आणि विवेकवादी लोकांना होणाऱ्या त्रासाविरोधात जागतिक पातळीवर आवाज उठवला पाहिजे, असे मत त्यांनी व्यक्त केले. दुसऱ्या सत्रात वेगवेगळ्या क्षेत्रातील मान्यवर आणि उपस्थित श्रोते यांच्यात चर्चा आणि प्रश्नोत्तरे झाली. प्रामुख्याने शास्त्रज्ञ अनिकेत सुळे यांनी सोप्या भाषेत वैज्ञानिक दृष्टिकोन समजावून सांगितला. ब्राईट्स संघटना काय आहे? वैज्ञानिक दृष्टिकोनातून समाजाचे शैक्षणिक प्रबोधन करणे, बुद्धिप्रामाण्यवादी नास्तिकांमध्ये साहचर्य, सुसंवाद निर्माण करणे, त्यांच्या समस्यांचे निराकरण करणे इत्यादी उद्दिष्टे पूर्ण करण्यासाठी ब्राइटस् सोसायटीची स्थापना करण्यात आली आहे. ( वृत्तसौजन्य लोकसत्ता) -दिलीप बिरुटे

कोणीतरी नास्तिक माणसाने किंवा अंधश्रद्धा निर्मुलनवाल्यांनी त्यांच्या नाडीपट्टीवर पाय दिला असावा. कोणीतरी परस्पर हिशेब चुकते करावे म्हणून त्यांनी नाडी सोडली, सॉरी काडी टाकली असावी असे वाटते. -दिलीप बिरुटे

माझे अनेक अहिंदू मित्र घरातील अन्य सदस्य आस्तिक असूनही नास्तिक आहेत आणि त्यातील काही अनिसचे कार्यकर्ते आहेत. ह्यातील बरेच अविवाहित आहेत, कारण ..... माहीतच असेल इथल्या अस्तिकांना.

हिंदु धर्माने नास्तिकतेला दर्शनाचा दर्जा देउन केव्हाच धर्माचा भाग बनवून पचवून टाकले आहे