चित्र-कथा गुंफण

नमस्कार मित्रांनो ! सर्वांना गणेशोत्सव आणि मिपा वर्धापन दिनाच्या हार्दिक शुभेच्छा. या धाग्याद्वारे एक उपक्रम चालू करतो आहे. अनेकांच्या सहकार्याने तो पुढे चालू ठेवता येईल. खाली एक चित्र दिले आहे. त्यावरुन आपल्याला एक काल्पनिक दीर्घकथा लिहायची आहे. कथेची सुरुवात मी करून देतो. त्यानंतर आपल्यातील कोणीही ती पुढे चालू ठेवू शकतो. एका चित्रावरून कथा लांबवण्याची मुदत 48 तास ठेवूया. त्यानंतर अन्य कोणी सभासद नवे चित्र देईल आणि पुढची कथा सुरू करून देईल. कथा आपण वाटेल त्या प्रकारे आणि आपापल्या शैलीत पुढे नेऊ शकता. कथेतील मजकूर चित्रावर आधारित असावा. सर्वांचे या उपक्रमात स्वागत ! चित्र १ ........ आज त्याचे लक्ष सारखे मनोऱ्यावरील घड्याळाकडे होते. तशा त्याने आतापर्यंतच्या आयुष्यात अनेक परीक्षा दिल्या होत्या आणि स्पर्धाही जिंकल्या होत्या. परंतु आजची कसोटी काही वेगळीच होती. तिने त्याला साडेचार वाजताची वेळ दिली होती. तेव्हा ते दोघे इमारतीच्या त्या ठराविक कोपऱ्यात भेटणार होते. तिला तिच्या पूर्वायुष्यातले एक मोठे गुपित त्याला सांगायचे होते. ते ऐकल्यानंतर पुढे काय होणार आहे याची मात्र कोणालाच कल्पना करता येत नव्हती...... चला तर, यापुढे गोष्ट लांबवत न्या.....