करोना : स्वलालधन्य जाहलो मी

प्रतिसाद वाचून मस्त करमणूक झाली. अरे तो काही मायक्रोन्स चा किडा त्याला मास्क वापरून कसे थोपवणार? असो सूर्याच्या रेडीएशनला नाही का आम्ही हॅट किंवा टोपी घालून थोपवतो.

पृथ्वी चौकोनी नाही,त्रिकोणी आहे. सांगतो कसे ते, सूर्य असा फिरला की उन्हाळा , थोडा अजून फिरला की पावसाळा आणि थोडा अजून फिरला की हिवाळा. त्रिकोणीच आहे.

जगात खूप साऱ्या गोष्टी मानवास खूप हानिकारक आहेत. १) रासायनिक कारखाने,शहरांचे सांडपाणी पिण्याच्या पाण्याचे सोत्र प्रदूषित करत आहेत २)विविध हायब्रीड बियाणे,जेनेटिक बदल केलेले अन्न धान्य मानव जात संपवू शकतात..३) वायू प्रदूषण खूप तीव्र आहे पृथ्वी चे हवामान बदलून मानव जात पृथ्वी वरूनच नश्ट होईल त्या बाबत मीडिया सरकार हुशार लोक जास्त बोलत नाहीत .covid चा विषय असेल तर जगातील सर्व सरकार,हुशार लोक,मीडिया ह्यांना भलती चिंता लागलेली असते. Covid माणसाचे वरील तीन गोष्टी पेक्षा जास्त नुकसान करणार नाही .होवू ध्या covid काही त्याला थांबवायची गरज नाही. उगाच हायपर होण्याची काही गरज नाही. मी तर म्हणतो होवू सर्वांना covid. उगाच स्व स्वार्थ साधण्यासाठी इश्यू करू नका. लोकं मारायला तयार आहेत.

कॉमी, तुमचा इथला प्रतिसाद वाचला. माझी मतं सांगतो. १.

यात लसी नंतर उमटणार्या प्रतिक्रियेबद्द्ल वरकरणीतरी काही उल्लेख दिसला नाही.

नाहीच दिसणार. कारण की तो लेख रुग्णालयप्रविष्ट व मृतांची सांख्यिकीय चिकित्सा करणारा आहे. त्यामागील वैद्यकीय कारणं शोधणारा नाही. २.

८% लोकसंख्या पूलमधून ५८% मृत्यु होतायत हा आकडा बरेच काही बोलून जातो.

ही टक्केवारी सर्वसाधारण जनतेची नसून फक्त रुग्णालयात प्रविष्ट झालेल्यांची आहे. म्हणून हिच्याकडे वेगळ्या दृष्टीने पाहायला पाहिजे. जर ९२ % लसीकरण पूर्ण झालं असेल तर ४२ % इतक्या मोठ्या प्रमाणावर करोनाचे रुग्ण भरती व्हायला नकोतंच मुळातून. लशीत काहीतरी गडबड आहे. ३.

जसे जसे दुसरा डोस, तिसरा/चौथा डोस- पुढे पुढे जाता तसे एकूण मृत्युमधला वाटा कमी होत जातो आणि मृत्युदर देखील कमी होतो.

नेमक्या याच बळजबरीस माझा आक्षेप आहे. एकदा का लशीचा पहिला ढोस घेतला की पुढचे घ्यावेच लागतात. ४.

म्हणजे सगळ्यांचे लसीकरण झाल्यावर एक माणूस मेला तर १००% मृत्यु लसीकरण झालेल्यांचेच आहेत म्हणत तुम्ही "लस घेउन आम्हाला काय फायदा झाला ?" असा तर्कदुष्ट सवाल करणार.

असा सवाल करायलाच पाहिजे. तो मरणारा माणूस नेमका मीच असलो म्हणजे? समजा जर मी लस घेतली तर माझ्या संरक्षणाची कसलीही हमी नाही. वर माझ्या प्रतिकारयंत्रणेची मोडतोड सहन करायची. आणि हे दुष्टचक्र सतत चालूच राहणार. एका ढोसात काम थोडंच भागणार आहे. ५.

जसे जसे दुसरा डोस, तिसरा/चौथा डोस- पुढे पुढे जाता तसे एकूण मृत्युमधला वाटा कमी होत जातो आणि मृत्युदर देखील कमी होतो.

हे या विदातून कुठेही स्पष्ट होत नाही. उलट लस घेऊन मेलेल्यांचं प्रमाण ४२ % इतकं अतिप्रचंड आहे. ६.

लस घेणार्यातले १% सोडा, ०.०००००१% सुद्धा लसीमुळे रिअ‍ॅक्शन येऊन मेले नाहियेत.

हे विधान तुम्ही कोणत्या विदाच्या वा पुराव्याच्या आधारे केलं ते कळेल काय? ७.

कोण कुठला हा एक्ष्पोसे पेपर- काय ती शेंडा व बुडखा नसलेली बातमी. मुलाचे नाव नाही, वैद्यकिय तज्ञांचे मत नाही, लस आणि मृत्यु मध्ये संबंध काय तर १३ दिवसांचे अंतर इतकेच. VAERS हा आजिबात विश्वसनीय स्त्रोत नाहिये. त्यात कोणीही काहिहि लिहू शकतं.

VERS हे लसहानी ( vaccine injury ) च्या नोंदी ठेवण्यासाठी अमेरिकी सरकारने खोललेलं संकेतस्थळ आहे. तुम्ही कोणत्या आधारे त्यास अविश्वसनीय स्रोत ठरवंत आहात ? मेलेल्या मुलाचा VERS क्रमांक २१५२५६० ( = 2152560 ) आहे व तो या धारिकेत सापडतो : https://vaers.hhs.gov/eSubDownload/index.jsp?fn=2022VAERSVAX.csv मृताचा नावगाव वगैरे तपशील उघड करायचा नसतो असा सरकारी कायदा आहे. मृत्यू १३ दिवसांनी झाला म्हणून काय झालं? लस टोचल्यावर लगेच मरायला हा काय हिंदी सिनेमा आहे का? ८.

बर, तुम्हाला भारतातली परिस्थीती हवी होता ना- ही बघा. Unvaccinated account for 92% Covid deaths in 2022: ICMR

हा जुना ०४ मार्च २०२२ चा दुवा आहे. त्यानंतर व्ही.के.पॉल यांनी करोनाच्या बळींची संख्या फुगवून सांगणे अयोग्य असल्याचे विधान केले आहे. तत्संबंधी दुवा : https://tittlepress.com/covid19/1719836/ असो. लस हाच विषाणू आहे. लशीबद्दल प्रश्न विचारायला हवेतंच हवेत. आ.न., -गा.पै.

गामाजी, तुमच्या मुद्द्यांना शक्य तितके काउंटर केले आहे. यापुढेही काही रोचक आणि चुकीचा दावा दिसल्यास करीन. पण तुमचे मुद्दे ग्रीक दंतकथांमधल्या हायड्रा राक्षसासारखे आहेत. एक डोकं कापलं कि तात्काळ दुसरं डोकं उगवतं. कापलेले डोके सुद्धा हळूच पुन्हा वर येते. उदाहरणार्थ- विषाणू आयसोलेट केलेला आहे, पूर्ण जिनोम सिक्वेन्सीन्ग उपलब्ध आहे असा पुरावा दिल्यावर विषाणू आयसोलेट केलेला आहे ह्यावर तुम्ही अजिबात मत प्रदर्शित करत नाही, त्या लेखातल्या तिसऱ्याच गोष्टींवर टिप्पणी करता. आणि पुढच्या प्रतिसादात पुन्हा- विषाणू विलग केलेला नाही असा दावा करता. काही लेखांचे चुकीचे इंटरप्रिटेशन करून टाकले होते. ऑक्सफर्डचा असो किंवा आत्ताचा ताजा निधी आयोगाचे पॉल काय म्हणले तो असो. मी शक्यतो तुमच्या एकन एक मुद्द्यांना ऍड्रेस करण्याचा प्रयत्न करतोय, पण मला तसे तुमच्याकडून होताना दिसत नाही. म्हणजे कोव्हिड पॉजीटीव्ह झालेल्या लोकांच्या गटात, लसीकरण झालेल्या गटात मृत्युदर आणि हॉस्पिटलात भरती होण्याचा दर कमी, आणि तोच दर लसीकरण न झालेल्यांच्यात काही पटीने जास्त आहे आहे याकडे साफ दुर्लक्ष करत तुम्ही फक्त एकूण मृत्यूमध्ये लसीकरण झालेले ४२% आहेत यावर आडून बसला. त्यावर मी शक्य तितके स्पष्टीकरण दिले आहे, पण तुम्ही त्यावरच अडून आहात. बरं, जगात इतके जास्त लोक मेले आहेत- १.५ करोड. करोना थोतांड असेल तर इतके लोक मेले कसे काय ? आणि जे मेले ते बरोबर कोव्हिड ज्या वेळेस उच्चस्तरावर होता त्यावेळेतच कसे मेले ? त्या एक्सेस मॉर्टलिटी वर सुद्धा काहीच टिप्पणी नाही. बरं आता चर्चेत ANECDOTES आणायचे नसतात म्हणून मी थांबलेलो. पण सांगतोच. लस येण्याच्या आधी- पहिल्या आणि दुसऱ्या लाटेत माझे ३ विविध वयाचे नातेवाईक/मित्र गेले. त्यांना रातोरात श्वास घ्यायला त्रास झाला आणि गेले. त्याहून संख्येने कित्येक जास्त ओळखीचे गंभीरपणे आजारी होते, त्यांना ऑक्सिजनवर ठेवावे लागलेले. लस आल्यानंतर पुढे जी ओमीक्रोनची तिसरी लाट आली त्यात जवळपास दिसेल तो माणूस पॉझिटिव्ह अशी परिस्थिती होती. नुसता पाझिटिव्ह नाही तर माईल्ड आजारी सुद्धा- खोकला, ताप. पण (बहुदा) लसीकरणामुळे कोणालाही हॉस्पिटलमध्ये पायसुद्धा ठेवावा लागला नाही. सध्यापुरता तरी विराम. - आ. न., कॉमी.

काजव्याणे सूर्याची बरोबरी करणे हा मूर्खपणाच पण गिर्र अंधारात काजव्यांचा प्रकाश पण सूर्य प्रकाश पेक्षा खूप जास्त किमतीचा असतो लस लस लस. ह्या वर चर्चा चालू आकडे वारी फेकली जात आहे. पण साथीच्या रोगांचे जीवन चक्र हे पण लक्षात घेणे गरजेचे आहे. जसे सुरवंट पासून फुल पाखरू बनते ते एक चक्र आहे. साथीचे रोग. लागण,उच्च पातळी,कमजोर होणे .आणि शेवटी नष्ट होणें Covid जर साथी चा रोग असेल तर तो काही वरील नियमाला अपवाद असू च शकत नाहीं. पहिली लाट लागण. दुसरी लाट उच्च पातळीवर. तिसरी लाट सौम्य. आणि नंतर नष्ट. Covid बाबत हेच घडले आहे .प्रथम फक्त लागण झाली होती .नंतर दुसऱ्या लाटे मध्ये मृत्यू वाढले.आणि तिसऱ्या लाटेत omiycron.विषाणू सौम्य झाला. लस नसती घेतली तरी हेच घडले असते. हे नैसर्गिक आहे.

लस घेतलेल्या लोकांपेक्षा लस न घेतलेली लोक जास्त गंभीर होती. जी लस न घेतलेली लोक जास्त गंभीर होती त्यांना पहिली covid ची लागण झाली होती की नव्हती. ह्याची माहिती अती म्हणजे खूप महत्वाची आहे. कोविड लाटेत कधी मृत्यू वाढले. ह्याचे उत्तर पण खूप महत्वाचे आहे... निसर्ग नियमानुसार साथीचा covid साथ उच्च पातळीवर होती तेव्हाच ना? ह्याचे उत्तर जरुर दिले जावे. .लस उपलब्ध नसती तर आज काय स्थिती असती ह्या वर मत व्यक्त करावे. माझ्या मतानुसार काही फरक पडला नसता.फुकट abjo रुपये फुकट गेले आहेत . सर्व शक्यता गृहीत धरून आकडे वारी द्यावी. ती उपलब्ध असणारं च नाहीं पूर्ण खात्री आहे.

ज्यांचा bmi जास्त होता आणि ज्यांना जनुकीय बिघाड झाल्यावर जो रोग होती तो मधुमेह हा रोग झाला होता त्या लोकांचा मृत्यू अमेरिकेत covid मुळे जास्त झाले आहे असे dr खरे दावा करत आहेत. रोगप्रतिकार यंत्रणा त्या यंत्रणेची कुवत,क्षमता आणि bmi म्हणजे लठ्ठ पना ह्याचा काही ही कुठून पण लांबून तरी संबंध आहे का? हे स्पष्ट करावे.

संदर्भ : लोकसत्तामधील बातमी (दुसरा दुवा) लोकसत्ता दि ७ मार्चच्या अंकातली बातमी - राज्यातील सुमारे एक कोटी ६४ लाख लोकांनी कोव्हिड लशीची एक मात्रा घेतली पण दुसरी मात्रा घेतलेली नाही. समजा यातील निम्याहूनही अधिक (साधारण एक कोटी म्हणू) लोकांचे दुसरी मात्रा न घेण्याचे कारण बेफिकिरी, दिरंगाई , वैयक्तिक अडचणी यापैकी काही असेल असे मानले तरी उरलेल्या किमान साठ लाख लोकांनी दुसरी मात्रा का बरं घेतली नसेल ? तेही शासकीय केंद्रात मोफत उपलब्ध असताना ? साधारणपणे कोव्हिड लस पुर्णतः सुरक्षित असाच प्रचार प्रसारमाध्यमांतून केला गेला आहे. आणि कोव्हिड लस न घेणे म्हणजे अडाणीपणा, हेकटपणा किंवा कुठल्यातरी अंधविश्वासातून उपजलेला विरोध असेच समजले जात आहे. पण एक मात्रा घेवून झाल्यानंतर दुसरी मात्रा न घेणारे लोक तसं केवळ कुठल्यातरी चुकीच्या व अवैज्ञानिक विचारप्रवाहात अडकून करत असतील असे मानणे योग्य होईल का ?राज्यातील हे साठ लाखांहून अधिक लोक स्वतःला किंवा निकटच्या लोकांना अनुभवास आलेल्या लशीच्या दुष्परिणामामुळे तर दुसरी मात्रा घेण्याचे टाळत असतील असे तर नाही ना ? कोव्हिड लस (वा लसीकरणाची पद्धत) संपुर्णतः सुरक्षितच आहे , म्हणजे लशीचे काही दुष्परिणाम असणाची शक्यताही पुर्णपणे नाकारणे हे विज्ञानाच्या तत्वांना कितपत धरुन आहे ? एकुणातच एखाद्या गोष्टीत त्रुटी असण्याची शक्यताही नाकारणे म्हणजे सुधारणेची कवाडे स्वतःहून बंद करणे. मी एका आरोग्यविषयक व्हॉट्स अ‍ॅप समूहाचा सदस्य आहे. या समूहाच्या अ‍ॅडमिन असलेल्या एक आयुर्वेदतज्ज्ञ फक्त त्या समूहात पोस्ट करतात. एका पोस्टमध्ये त्यांनी स्पष्ट शब्दांत नमूद केले होते की "कोविड होऊन गेल्यानंतर, किंवा कोविडसाठी लसीकरण केलेल्या रुग्णांमध्येही आम्लपित्ताचे प्रमाण खूप मोठ्या प्रमाणात दिसून येत आहे" . दुर्दैवाने बहुतांशी डॉक्टर मात्र अशा प्रकारे लशीच्या विपरित परिणामाबद्दल उघडपणे बोलताना दिसत नाहीत. माझी भूमिका लसीकरणाच्या विरोधी नाही पण लशीच्या परिणामांचा अधिक विस्ताराने व खोलवर अभ्यास व्हावा असा माझा आग्रह आहे. खरेतर देशात कोट्यावधी लोकांनी लस घेतलेली असताना लशीच्या बर्‍या वाईट परिणामांचा मोठा विदा अगदी सहज गोळा होवू शकला असता. या विदाचा उपयोग करुन लस वा लस घेण्याची पद्धत (दोन मात्रांमधील अंतर , मात्रा घेण्यापुर्वी व नंतर घ्यावयाची विशेष काळजी , पूरक औषधे, आवश्यकतेप्रमाणे जीवनसत्वांच्या गोळ्या ई.) या सगळ्यात अधिक सुधारणा करता आली असती. पण लस उत्पादक कंपन्या वा सरकारही याबाबत उत्साही आहेत असे दिसत नाही. पण अजूनही वेळ गेलेली नाही. प्रसारमाध्यमांतून जाहिराती करुन संपर्काची विविध माध्यमे उपलब्ध करुन देत याबाबतचा विदा गोळा केला जावू शकतो. डॉक्टर्स व पॅथॉलॉजी लॅब्स यांनाही प्रोत्साहित करुन अधिकाधिक विदा गोळा केला जावा आणि या विदाच्या आधारे येणार्‍या काळात लसीकरण अधिकाधिक सुरक्षित करण्यासाठी प्रयत्न व्हावेत.

निकाल वाचला त्या दिवशी तुमची आठवण झालीच होती. लशीच्या थोतांडाच्या धाग्याचा मी तर फॅनच होतो. त्यामुळे आपल्या मताशी सहमती आहेच. सालं देशात आणि जगात माणसाला मरणाची इतकी भितीच घातली गेलेली होती की, लशी टोचून नै घेतल्या तर आपली इहलोकाचा कार्यकाळ भरला इतकी ती दहशत होती. मिडिया, वृत्तपत्रे यांचा तर त्यात वाटा होताच. रुग्णांनी भरलेले दवाखाने, मृतांचे आकडे, व्हायरल होणा-या चित्रफिती, त्यात मित्रो, आज रात्री आठवाजेपासून यंव बंद आणि त्यंव बंद, हे उघडं ते बंद. सालं जगण्यासाठी लशीशिवाय पर्यायच नाही, असे ते वातावरण करुन टाकलं होतं. कितीतरी रुग्ण नुसते भितीने गेले असावेत इतकी ती दहशत. एकदाच्या लशीचा शोध लागला आणि आपण सर्वांनी हुश्श केलं. आता काय नै, एकदा लशीचा डोस घेतला की झालो अमर, असे वातावरण होते. लस टोचून घेण्यासाठीचे ते जुगाड, ती गर्दी, विकत-मोफत हे सर्व एक नवंच नाटक होतं. बाकी, लशीमागचे राजकारण काय होते, वैद्यकशास्त्र काय म्हणते, त्यापाठीमागचा व्यापार काय होता. मताचे राजकारण किती होते हे सगळं सोडलं तरी, लशीसाठी केलेली सक्ती आपल्याला आवडली नव्हती. दॅट्स ऑल. -दिलीप बिरुटे

कॉमी, तुमचा इथला प्रतिसाद वाचला. माझी मतं सांगतो. १.

एक डोकं कापलं कि तात्काळ दुसरं डोकं उगवतं.

तसं उगवायला पाहिजेच. एकतर करोना हा सर्दीपडशासारखा आजार आहे, फारतर फ्ल्यू सारखा म्हणता येईल. त्याच्यासाठी लस कशाला पाहिजे? सर्दी-फ्ल्यू वर कोणी जनुकोपचार ( MRNA ) लस काढतं का? डास मारायला रणगाडा कशाला ? आणि ते PCR चाचणी नसून अभिवर्धनतंत्र ( = amplification technique ) आहे. त्याचा लागणीशी अणुमात्र संबंध नाही. लागण ( clinical infection ) आधी होते आणि नंतर त्याची चाचणी करायची असते. पण करोनाचा उलटा कारभार आहे. आधी PCR 'चाचणी' करायची आणि नंतर त्यावरनं लागण झाली आहे असं ठोकून द्यायचं. थोतांड ते थोतांडच. म्हणून इतकी असंख्य डोकी उगवताहेत. २.

कापलेले डोके सुद्धा हळूच पुन्हा वर येते.

त्याचं काये की लबाडी तोकड्या चादरीसारखी असते. डोक्यावरनं ओढून घेतली की पाय उघडे पडतात. करोनाची लबाडी तशीच आहे. ३.

उदाहरणार्थ- विषाणू आयसोलेट केलेला आहे, पूर्ण जिनोम सिक्वेन्सीन्ग उपलब्ध आहे असा पुरावा दिल्यावर विषाणू आयसोलेट केलेला आहे ह्यावर तुम्ही अजिबात मत प्रदर्शित करत नाही, त्या लेखातल्या तिसऱ्याच गोष्टींवर टिप्पणी करता. आणि पुढच्या प्रतिसादात पुन्हा- विषाणू विलग केलेला नाही असा दावा करता.

रोग्याच्या नमुन्यापासनं करोनाचा विषाणू विलग केलेला नाही. तुम्ही दिलेल्या लेखात उल्लेखलेला नमुना इतरत्र वाढवलेला आहे. इथे इंग्लंडात सांख्यिकीय विभागाकडे करोना विषाणू अलग केल्याचा पुरावा नाही ( इंग्रजी दुवा ) : https://www.ons.gov.uk/aboutus/transparencyandgovernance/freedomofinformationfoi/proofthatcovid19hasbeenisolatedinalaboratory मात्र असा पुरावा इतरत्र असू शकतो, म्हणून ब्रिटीश मेडिकल जर्नल मध्ये शोध घेतला. तिथे करोनाच्या अस्तित्वाबद्दल काही प्रश्न उपस्थित केले आहेत ( इंग्रजी दुवा ) : https://www.bmj.com/content/370/bmj.m3379/rr-2 त्यानुसार १२ ऑक्टोबर २०२० पर्यंत करोनाचा अस्सल नमुना अस्तित्वात नव्हता. नंतरचं माहित नाही. पण ज्याअर्थी विषाणू मिळाल्याचा गवगवा झाला नाही, त्याअर्थी ही परिस्थिती तशीच असावी असं वाटतंय. ४.

काही लेखांचे चुकीचे इंटरप्रिटेशन करून टाकले होते. ऑक्सफर्डचा असो किंवा आत्ताचा ताजा निधी आयोगाचे पॉल काय म्हणले तो असो.

चूक झाली हे खरंय. कारण की माझा अन्वयार्थ ( = इंटरप्रीटेशन ) माझा जीव वाचवण्यापुरतंच होतं. त्यामुळे थोडी गफलत झाली. मी यांतला तत्ज्ञ नाही. जे जाणकार आहेत ते तोंडात मिठाची गुळणी धरून बसलेत. मग माझ्यासारख्या स्खलनशील माणसाला प्रयत्न करावे लागतात. ५.

तुम्ही फक्त एकूण मृत्यूमध्ये लसीकरण झालेले ४२% आहेत यावर आडून बसला.

कारण की, मला मरायचं नाहीये. लस घेऊनही मी जर ४२ % मध्येच अडकणार असेन, तर लस घ्यायचीच कशाला? ६.

बरं, जगात इतके जास्त लोक मेले आहेत- १.५ करोड. करोना थोतांड असेल तर इतके लोक मेले कसे काय ?

मृतांवर करोनाचे खोटे छाप मारल्याने. यावर कायझाद कापडिया यांच्या मृत्यूचं उदाहरण अगोदर https://henryclubs.com/kaizad-kapadia-fitness-expert-and-founder-of-k11-school-is-49-died-of-covid-in/ दिलं होतं. निरर्थक व खोटे छाप मारून आकडा फुगवण्यात आला आहे. ७.

त्या एक्सेस मॉर्टलिटी वर सुद्धा काहीच टिप्पणी नाही.

इथे इंग्लंडात फ्ल्यूचे मृत्यू करोनाखाली लपवण्यात आले आहेत. मृतावर करोनाचा छाप मारण्यासंबंधी या लेखात प्रश्न उपस्थित केले आहेत ( इंग्रजी दुवा ) : https://www.bmj.com/content/375/bmj.n2514 या लेखातलं वाक्य : Deaths from covid-19 were most pronounced in people over 75 with chronic kidney disease or dementia and in black people with obesity, diabetes, or chronic kidney disease. करोनामृत्यूचा निरोगी असलेल्या धडधाकट माणसाशी कसलाही संबंध नाही. ८.

त्यांना रातोरात श्वास घ्यायला त्रास झाला आणि गेले. त्याहून संख्येने कित्येक जास्त ओळखीचे गंभीरपणे आजारी होते, त्यांना ऑक्सिजनवर ठेवावे लागलेले.

तुमचे आप्तेष्ट अकाली गेले याबद्दल खेद आहे. पण एक सांगायला हवं की, श्वासोत्तेजक व प्राणवायू हा करोनावरील उपचार नव्हे. आयव्हरमेक्टिन हा उपाय असू शकतो. तो डॉक्टरांच्या चर्चेत का येत नाही? इथे थोडी माहिती आहे : https://www.covid19treatmentguidelines.nih.gov/therapies/antiviral-therapy/ivermectin/ ९.

लस आल्यानंतर पुढे जी ओमीक्रोनची तिसरी लाट आली त्यात जवळपास दिसेल तो माणूस पॉझिटिव्ह अशी परिस्थिती होती. नुसता पाझिटिव्ह नाही तर माईल्ड आजारी सुद्धा- खोकला, ताप. पण (बहुदा) लसीकरणामुळे कोणालाही हॉस्पिटलमध्ये पायसुद्धा ठेवावा लागला नाही.

तिसरी लाट आलीच नाही हे डॉक्टर रवी गोडसे यांचं मत आहे : https://maharashtratimes.com/maharashtra/mumbai-news/coronavirus-third-wave-dr-ravi-godse-opinion-on-3rd-wave-of-corona/articleshow/89009661.cms असो. जमेल तशी टिपणी केली आहे. आ.न., -गा.पै.

सुबोध खरे, तुमचा इथला प्रतिसाद वाचला. हे वाक्य मला उद्देशून आहे असा मला वाटतं :

आकाशातील ग्रहांची शांती करता येते दुराग्रहाची नाही.

माझं म्हणणं आहे की; फुटबॉल खेळाडू मैदानावर मरताहेत, आणि मी दुराग्रही? इंग्लंडातल्या आरोग्यसेवेने लहान मुलांना लशीपायी हृत्शूल ( = हार्ट अॅटॅक ) येऊ नये म्हणून पत्रक काढलंय, आणि मी दुराग्रही? राफेल नदाल लशीमुळे छातीत गडबड वाटते म्हणून सांगतो, आणि मी दुराग्रही? याचा अर्थ असा की तुम्ही ज्यास दुराग्रह म्हणता, त्या दुराग्रहामुळे माझा जीव वाचला आहे. एक विनंती आहे. डॉक्टर एलिझाबेथ हम्फ्री यांनी लशीच्या इतिहासाबद्दल जे पुस्तक लिहिलंय ते वाचून त्याबद्दल अभिप्राय द्यावा. ते पुस्तक इथे पीडीएफ स्वरूपात उपलब्ध आहे : https://drive.google.com/file/d/1ZAR7v0i5t62JOUqmPlWR2v90ntpJfXRD/ तुम्ही आकडेवारीच्या पलीकडल्या सत्याचा उल्लेख केला आहे. मग करून टाका त्या पुस्तकाचं खरंखोटं. सत्याला आकड्यांची भीती कशाला? आ.न., -गा.पै.

"जितके आपण ईश्वराच्या जवळ असू तितकं आपलं संरक्षण सुकर होणार आहे. म्हणूनंच आपण अधिक जोमाने नामजप करूया." हे अजिबात पटलेले नाही .... नामजपात इतके सामर्थ्य आहे तर, मुस्लिम आणि ख्रिश्र्चन धर्माचे, हिंदुस्थानावर आक्रमण झालेच नसते.... धर्म राखल्या जातो, तो फक्त तलवारीच्याच बळावर ... मेक्सिको, इराण ही उदाहरणे पुरेशी आहेत .... परवाच एक जण अशीच गोष्ट करत होता की बाबा लोकांच्या अंगात दैवी शक्ती असते... इतकी जर शक्ती बाबा लोकांच्या अंगात असेल तर, विडीच्या एका झुरक्यात, सगळ्या ब्रिटीश लोकांना का नाही मारून टाकले? हा वाद, गामा पैलवान, यांच्या बरोबरच आहे .... सुज्ञ माणसे चोंबडेपणा करायला येत नाहीत ...

लोकहो, मंकीपॉक्स रोगासाठी अमेरिकेने ५००००० ( अक्षरी पाच लाख ) लशींची मागणी नोंदवली आहे. संबंधित ( इंग्रजी ) बातमी : https://www.politico.com/news/2022/06/10/us-monkeypox-vaccine-00038776 याचा अर्थ करोनाचं थोतांड गुंडाळी करून थंड्या बस्त्यात बांधायची तयारी सुरू झाली आहे. त्याबद्दल मी स्वत:ची परत एकदा लाल करवून घेतो आहे. अशी संधी सारखीसारखी मिळंत नसते. बाकी, मंकीपॉक्सला मराठीत प्रतिशब्द काय योजावा? माकडपुळी अगदीच पुचाट वाटतो. माकडफोड कसा वाटतो? किंवा मग माकडमोड हा माकडास मोड आल्यागत वाटतो. कुठला समर्पक आहे? आ.न., -गा.पै.

लोकहो, पंढरीच्या वारीवरील अधिकाऱ्यांना वर्धकमात्रेची सक्ती करण्यात आलेली आहे. संबंधित बातमी : https://divyamarathi.bhaskar.com/local/maharashtra/solapur/news/dose-for-employees-officers-appointed-for-ashadhi-wari-order-of-additional-129947501.html लससक्तीचा आदेश न्यायालयाच्या उपरोक्त टिपणीच्या विरोधात आहे. आ.न., -गा.पै.

लोकहो, इंग्लंडच्या राष्ट्रीय सांख्यिकी कार्यालयाने लस व मृत्यूविषयी विदा प्रकाशित केला आहे. सर्वात अद्यतन धारिका येथे आहे : https://assets.publishing.service.gov.uk/government/uploads/system/uploads/attachment_data/file/1066759/Vaccine-surveillance-report-week-13.pdf हिच्यातनं उचललेला मृत्यूंचा विदा खाली मांडला आहे. हा विदा रुग्णालयातल्या मृत्यूंचा आहे. हे मृत्यु करोना विषाणूशी संबंधित ( करोनामुळे झालेले नव्हे ) आहेत. साल महिना - किमान एक लस घेतलेले / लस न घेतलेले Year Month - Ever vaccinated / Unvaccinated २०२१ जानेवारी - ३४९३ / २४३६४ २०२१ फेब्रुवारी - ४८९२ / ७६६० २०२१ मार्च - १७७३ / १३११ २०२१ एप्रिल - ५२४ / २३८ २०२१ मे - २१३ / ७७ २०२१ जून - २२४ / ९७ २०२१ जुलै - ८३५ / ३३७ २०२१ ऑगस्ट - १६५७ / ५९० २०२१ सप्टेंबर - २१६४ / ४९६ २०२१ ऑक्टोबर - २३६९ / ४३० २०२१ नोव्हेंबर - २३७५ / ५५६ २०२१ डिसेंबर - १९९० / ६८२ २०२२ जानेवारी - ३९१४ / ६९३ २०२२ फेब्रुवारी - २४४७ / २६४ २०२२ मार्च - २६५८ / २०२ २०२२ एप्रिल - ३३६५ / २०६ २०२२ मे - १२८२ / ८२ करोनाशी संबंधित मृत्यूंमध्ये लस न घेतलेल्यांचं प्रमाण झपाट्याने उणावतंय हे संयुक्त साम्राज्याच्या शासनाने ( UK government ) अधिकृतरीत्या मान्य केलं आहे. घ्या लस टोचून आणि व्हा परलोकी मार्गस्थ. आ.न., -गा.पै.