चालू घडामोडी - ऑगस्ट २०२१

डॉ. आंबेडकर हयात असतानाही काँग्रेसने त्यांना कोणती वागणूक दिली होती? १९४७ मध्ये पहिल्या मंत्रीमंडळात नेहरूंनी काँग्रेससोडून इतर विचारांच्या लोकांनाही सामावून घेतले होते. त्यात अर्थमंत्री षण्मुखम चेट्टी, उद्योगमंत्री श्यामाप्रसाद मुखर्जी होतेच पण त्याबरोबरच कायदामंत्री डॉ.आंबेडकर पण होते. पण हिंदू कोड बिलाच्या प्रश्नावरून डॉ.आंबेडकरांनी राजीनामा दिला त्यानंतर काँग्रेसनी त्यांना दिलेली वागणूक खूपच वेगळी होती. १९५२ च्या पहिल्या लोकसभा निवडणुकांमध्ये काँग्रेसने त्यांच्याविरोधात नारायण सदाशिव काजरोळकर हा फारसा कोणाला परिचित नसलेला उमेदवार दिला होता आणि त्याने डॉ. आंबेडकरांना पराभूत केले होते. काँग्रेसच्या नावावर कोणीही निवडून यायचा तो काळ होता. त्यानंतर त्यांना त्यांच्या पक्षाने- शेड्युल्ड कास्ट फेडरेशनने राज्यसभेवर पाठवले. या दोन्ही वेळी त्यांच्याविरोधात उमेदवार देणार नाही असे काही काँग्रेसने म्हटले नाही. इतकेच नाही तर १९५४ मध्ये डॉ.आंबेडकरांनी भंडारा मतदारसंघातून लोकसभेची पोटनिवडणुक लढवली होती. त्यावेळी प्रजा समाजवादी पक्ष आणि काँग्रेस या दोन्ही पक्षांनी त्यांच्याविरोधात उमेदवार दिले होते. अन्यथा दलितांसाठी तोंडपाटीलकी या दोन्ही पक्षांनी भरपूर केली पण डॉ. आंबेडकरांना लोकसभेवर निवडून जाऊ दे- त्यांच्यासारखा सदस्य लोकसभेच्या सभागृहात असला तर तो सभागृहाचाच नाही तर पूर्ण देशाचा गौरव होईल असे काही दोन्ही पक्षांनी म्हटले नाही. १९५६ मध्ये डॉ.आंबेडकरांची राज्यसभेची मुदत संपली (१९५२ मध्ये राज्यसभेवर निवडून गेलेल्या सदस्यांपैकी एक-तृतियांश सदस्य १९५४ आणि १९५६ मध्ये निवृत्त होणार होते. ते निवृत्त होणारे सदस्य कोण असतील हे चिठ्ठ्या टाकून ठरवले गेले होते). त्यानंतरही त्यांना परत त्यांच्याच पक्षाने एस.सी.एफने राज्यसभेवर निवडून दिले. काँग्रेसने मात्र त्यांच्याविरोधात उमेदवार न देणे किंवा त्यांना राज्यसभेवर नियुक्त करणे यापैकी काहीही केले नाही. मग डॉ. आंबेडकरांचे त्यानंतर काही महिन्यातच निधन झाले. थोडे अवांतर- १९४८ मध्ये जयप्रकाश नारायणांबरोबर आचार्य नरेंद्र देव काँग्रेसबाहेर पडले आणि त्यांनी समाजवादी पक्षाची स्थापना केली. १९४६ मध्ये नरेंद्र देव काँग्रेसचे उमेदवार म्हणून फैजाबादमधून उत्तर प्रदेश विधानसभेवर निवडून गेले होते. आपण काँग्रेसचे उमेदवार म्हणून निवडून गेलो तेव्हा आपण पक्षाबाहेर पडत असू तर तो आपल्याला निवडून देणार्‍या मतदारांशी प्रतारणा ठरेल म्हणून आचार्य नरेंद्र देव आणि इतर ११ जणांनी आमदारपदाचे राजीनामे दिले आणि पोटनिवडणुक लढवली होती. त्यावेळी नरेंद्र देवांविरूध्द काँग्रेसने बाबा राघवदास या संन्याशाला उमेदवारी दिली होती. आचार्य नरेंद्र देव हे डाव्या विचारांचे आणि नास्तिक होते. असा नास्तिक माणूस अयोध्येतून निवडून देणार का अशाप्रकारचा प्रचार बाबा राघवदासांनी त्यांच्याविरोधात केला होता. तसेच उत्तर प्रदेशचे तत्कालीन मुख्यमंत्री गोविंद वल्लभ पंत यांनीही बाबा राघवदासांच्या बरोबरीने नरेंद्र देवांविरोधात धर्माच्या आधारावर प्रचार केला होता. स्वतः नेहरूंना हा प्रकार मान्य नव्हता असे वाचले होते. नरेंद्र देवांसारखा सदस्य विधानसभेत असू दे त्यांच्याविरोधात काँग्रेसने उमेदवार उभा करू नये असे नेहरूंचे म्हणणे होते पण त्यांचा तो आग्रह उत्तर प्रदेश काँग्रेस समितीने झुगारून दिला. उत्तर प्रदेश काँग्रेसमध्ये एकाहून एक जातीय लोक भरले आहेत असे नेहरूंचे मत होते. शेवटी त्या समाजवादी पक्षाच्या १२ च्या १२ उमेदवारांचा पोटनिवडणुकांमध्ये पराभव झाला. तेव्हा सांगायचा मुद्दा- आचार्य नरेंद्र देवांविरोधात उमेदवार देऊ नये असे नेहरूंना निदान वाटत तरी होते. पण डॉ.आंबेडकरांविरोधात उमेदवार देऊ नये असे नेहरूंना वाटत असल्याचे निदान मी तरी कुठे वाचलेले नाही. त्याप्रमाणेच जे.बी.कृपलानी, श्यामाप्रसाद मुखर्जी यांच्याविरोधातही काँग्रेसने उमेदवार दिला होता. तेव्हा १९४७ मध्ये सर्वसमावेशक मंत्रीमंडळ बनवावे हा नेहरूंचा आग्रह तेवढ्यापुरता होता का? अर्थात त्यांनी कायमच सगळ्यांना मंत्रीमंडळात घ्यायला हवे होते असे नाही पण ज्यांना आपण अशा उत्युंग व्यक्तीमत्वांना एकेकाळी मानाने मंत्रीमंडळात बोलावून घेतले होते त्यांचा लोकसभा प्रवेशाचा मार्ग सुकर केला असता तर तो एक चांगला पायंडा नक्कीच पडला असता हे नक्की.

थापा तुमच्याच सुरू आहेत. भारताला १९५० च्या दशकात सुरक्षा परीषदेचे कायमस्वरूपी सदस्यत्व मिळत असताना नेहरूंनी ते नाकारून भारताऐवजी चीनचे नाव पुढे केले, यासंबंधीचे पुरावे मी २-३ महिन्यांपूर्वीच एका धाग्यात दिले होते. "Letters to Chief Ministers 1947-1964, Vol 4" या ७०४ पानांच्या पुस्तकात नेहरूंनी सर्व राज्यांच्या मुख्यमंत्र्यांना वेळोवेळी लिहिलेल्या पत्रांचा संग्रह दिला आहे. या खंडाचे संपादन १९८८ मध्ये जी. पार्थसारथी या माजी राजदूतांनी केले असून प्रकाशन Oxford Press या नामवंत प्रकाशन संस्थेने केले आहे. या नेहरूंच्या जन्मशताब्दीच्या निमित्ताने भारत सरकारने हा खंड प्रकाशित केला आला होता व त्यास राजीव गांधींंनी प्रस्तावना लिहिली आहे. त्यामुळे या खंडाच्या सत्यतेविषयी तिळमात्र शंका नाही. त्यातील पान क्रमांक २३७ वर नेहरूंनी २ ऑगस्ट १९५५ या दिनांकास लिहिलेले पत्र दिले आहे. त्यात खालील वाक्ये आहेत. " Informally, suggestions have been made by the United States that China should be taken into the United Nations but not in the Security Counal, and that India should take her place in the Security Council." "We cannot of course accept this as it means falling out with China and it would be very unfair for a grrat country like China not to be in the Secunty Council. We have, therefore, made it clear to those who suggested this that we cannot agree to this suggestion. We have even gone a little further and said that India is not anxious to enter the Security Counal at this stage, even though as a great country she ought to be there. The first step to be taken is for China to take her rightful place and then the question of India might be considered separately." या वाक्यांवरून असे स्पष्टपणे दिसते की भारताला चीनऐवजी सुरक्षा परीषदेचे स्थायी सदस्यत्व देण्याचे अमेरिकेने सुचविले होते. परंतु भारताने चीनच्या प्रेमात ही सूचना नाकारली. नेहरूंच्या अनेक निर्णयात अजिबात दूरदृष्टी नव्हती व निर्णय घेताना ते बऱ्याचदा भाबडेपणाने निर्णय घ्यायचे, हे अनेकदा दिसले होते. त्यामुळे त्यांनी सुरक्षा परीषदेचे स्थायी सदस्यत्व मिळत असूनही नाकारणे अगदी स्वाभाविक होते.

मे महिन्यात ह्याच विषयावर अगदी सविस्तर चर्चा झाली होती. त्या दरम्यान, हाच उल्लेख आल्यावर तुम्ही हे अगदी असेच म्हणाले होतात. त्यावरून श्रीगुरुजी व चंद्रसूर्यकुमार ह्यांच्यात मिळून जी चर्चा झाली (व जिच्यात तुम्ही काहीच सहभाग घेतला नाहीत) त्यांत अगदी तपशिलासकट व दुव्यांसह बरीच माहिती देण्यात आली होती. ती इथून पुढे पहावी. आणि आता शक्य झाल्यास त्याचा प्रतिवाद करावा. (जोंवर चर्चा सुसंकृतरीत्या सुरू राहील, तोंवर, मिपा संचालकांचा त्यावर काही आक्षेप नसावा. तेव्हा ती भीति नको).

खूप पेक्षा जास्त केसेस ह्या खोट्या असतात. काय संगाता ? मग इतक्या बलात्कराच्या बातम्या रोज येतात त्या पण खोट्याच का ? सगळ्यात जास्त बलात्कार होणार्‍या देशांच्या यादीत आपले स्थान बहुतेक ३ किंवा ४ थे आहे. --- -- - थोड्या वेळा पूर्वी हा लेख वाचला :- ‘या’ सरकारचे डोके ठिकाणावर असल्याची ‘चिन्हे’ मुख्यमंत्री उध्दव ठाकरे यांनी जी नेमकी भूमिका मांडली आणि कळीच्या प्रश्नांना हात घातला, ते पाहताना लोकमान्य टिळकांच्या ‘त्या’ प्रश्नाची आठवण झाली आणि असे वाटले, की या सरकारचे डोके ठिकाणावर असल्याचे दिसते आहे! आता अजुन अजुन काही बातम्या :- 'त्या' ५६ हजार जणांसाठी मुख्यमंत्र्यांनी मदत जाहीर केली; पण सरकारकडे त्यांची यादीच नाही मुंबई लोकलसाठी पास मिळण्यास सुरुवात; तुम्ही पात्र आहात का? कोणती कागदपत्रं हवीत? मोठी बातमी! हॉटेल, रेस्तराँ, मॉल्सलाही रात्री १० वाजपेर्यंत सुरू ठेवण्यास ठाकरे सरकारची परवानगी दोन लस घेतलेल्या लोकांना परत करोना होत नाही का ? तर होतो... मग सरकारने कुठलं डोकं वापरुन ही अट ठेवली ? भाजी मार्केट इतर दुकाने सुरु आहेत मग तिथे दोन लशींच्या पात्रतेची अट का नाही ? मुंबईची रेल्वे या आर्थिक राजधानाची धमनी समजली जाते, लाखो लोक या सेवेवर फार मोठ्या प्रमाणात अवलंबुन आहेत. रेल्वेत बॉम्ब स्फोट घडवुन झाल्यावर देखील ती सेवा सुरळीत केली होती हे आपल्याला माहितच आहे. लोकांचा संयम आता सुटला आहे, आज व्हॉटअ‍ॅपवर मुंबईतील एका स्त्रीचा व्हायरल झालेला व्हिडियो पाहिला तीला ५०० रु दंड आकारल्यावर तिच्या असंतोषाचा भडकाच उडाला ! मा. मुख्यंत्र्यांचे तीने तोंड भरुन कौतुक केले आहे. जो पर्यंत लोक आणि व्यापारी वर्ग रस्त्यावर उतरुन हिंसक होत नाही तो पर्यंत या सरकारचे डोके ठिकाणावर येणार नाही असंच दिसतय ! जाता जाता :- मनोरंजन » “तैमूरच्या जन्मानंतर स्तनपान करताना…”; करीना कपूरने केला ‘या’ गोष्टीचा खुलासा प्रेग्नंसीदरम्यान; सेक्स लाइफविषयी पहिल्यांदाच उघडपणे बोलली करिना

मज्जा आहे. करून दाखवावेच सुप्रीम लीडर नी, खरंय... आता सत्तेत आहेत तर कोणते बहाणे करतात तेच पहायचे आहे. शेफाली वैद्य ह्यांनी तर ह्याचे खापर हिंदूवरच फोडले आहे. म्हणे भाजपाला मत दिले नाही म्हणून असे होत आहे. वैद्य बाईंना कोणत्या तरी वैद्याला दाखवायला हवे ! :))) मदरश्यांमध्ये काय शिकवले जाते ? Do you know that this book is compulsory teaching in all madarsas of Indian sub-continent? This is Fatawa Alamgiri. It was commissioned by a Sufi - Aurangzeb. Head and deputy of the project were also Sufis - Sheikh Burhanpuri and Shah Abdul Rahim. Some excerpts :-

मदनबाण.....

आजची स्वाक्षरी : - Little Mix - Black Magic (Official Video)

यामुळे ट्विटरविषयी पहिल्यापासून वाईट मत असलेल्यांना चांगले वाटेल त्यापेक्षा ट्विटरविषयी सुरवातीपासून चांगले मत असलेल्यांना नक्कीच अधिक वाईट वाटेल. रस्त्यावरच्या गुंडाने क्वचितप्रसंगी एखादी चांगली गोष्ट केली तर त्यामुळे जितके चांगले वाटेल त्यापेक्षा एखाद्या सज्जन आणि प्रामाणिक माणसाने खून केल्यानंतर अधिक वाईट वाटेल त्याप्रमाणेच. आमच्यासाठी ट्विटर पहिल्यापासूनच हलकट होते (रस्त्यावरच्या त्या गुंडासारखे) पण विचारवंतांसाठी ते खूप खूप चांगले होते (त्या सज्जन आणि प्रामाणिक माणसासारखे). आणि विचारवंतांची एखाद्याला चांगले म्हणायची व्याख्या एकदम साधीसरळ असते. आणि ती म्हणजे मोदी सरकारविरोधात असणे. तेव्हा इतके दिवस ट्विटर मोदी सरकारविरोधात होते म्हणून चांगले होते पण आता काँग्रेसवरच कारवाईचा बडगा उगारला आहे म्हणून त्याला वाईट ठरवावे की नाही ही गोची नक्कीच या विचारवंतांची होणार. अर्थात विचारवंतांकडे सगळ्या गोष्टींकडे उत्तर असतेच. आता ट्विटरने मोदी सरकारच्या दबावाखाली ही कारवाई केली आहे असा प्रचार ते करायला लागले आहेत. काही का असेना- पूर्वी मोदी सरकारच्या दडपशाहीविरोधात बाणेदारपणे उभे राहिलेल्या ट्विटरने शेपूट घातलीच हे तरी विचारवंतांना कबूल करावेच लागेल.

ट्विटर ने काँग्रेस ची खाती लॉक केल्याने आनंद नक्कीच झाला नाही, फक्त गंमत वाटली. बाकी ज्या अतिरेक्यांचे समर्थन काँग्रेस पक्ष करतो त्यांच्याकडून एखाद्या पुरोगाम्याला यमसदनाला धाडले जाते तेव्हा आनंद नक्कीच होत नाही. फक्त त्या फुरोगाम्याची दया येते.

मास्तर, तुम्ही दिलेल्या लिंक मध्ये तर लिहिलेय की अकाउंट काही काळासाठी बंद केले होते म्हणून.. आणि तुम्ही तर गोषवारा म्हणून काहीतरी वेगळेच लिहिलेय. स्वातंत्र्य मला पण आवडते, पण इतके?

ट्वीटरने राहुल गांधी यांचं खातं बंद केलं नाही, पण एका पिडितेचं छायाचित्र टाकलेलं होतं ते चित्र ट्वीटरने हट्वले होतं. इतकीच माहिती आहे. स्वत:चे गलिच्छ राजकारण चालविण्यासाठी बलात्कार पिडितेच्या कुटुंबियांची प्रकाशचित्रे प्रसिद्ध करून त्यांची ओळख जाहीर करणे हे अत्यंत घृणास्पद कृत्य असून हा फौजदारी गुन्हा आहे. मृतांच्या टाळूवरचे लोणी ओरपणे, बलात्कार पीडितांचा राजकारणासाठी वापर करणे, मतांसाठी अत्यंत खालची पातळी गाठणे हे कॉंग्रेससाठी नेहमीचीच गोष्ट आहे.