(बहुतेक रेशमी "होती" !)

आमची प्रेरणा : राघवांची सुंदर कविता : ..बहुतेक रेशमी होते! आमची शंका : विडंबन हे हास्य किंव्वा बीभत्सरसात असावे असा काहीसा संकेत आहे, किमान मिपावर तरी तसे पाहण्यात आलेले आहे. "शृंगाररसातील" विडंबन केल्याबद्दल मराठी साहित्यपीठ अस्मादिकांना माफ करेल काय ;) आकार घडीव होते.. आघातही नाजुक होते! ओठांना ओठ हे भिडती.. [तेव्हा] "शब्देविण संवादु" होते! नैतिकतेचे ठाऊक नाही... [पण सीत्कार सोवळे होते!] "अंधार कर ना जरासा".. नवखेपण लाजत होते ! क्षणार्धात घडेल भलते! ते क्षण सावरायचे होते . -- सर्र्कन कशी निघाली.. बहुतेक रेशमी "होती" ! - पोपशास्त्री मार्कस ऑरेलियस