न्यूड फोटो शूट

एका अभिनेत्रीची न्यूड फोटोशूटवरची मुलाखत पाहीली. तिचं नाव वनिता खरात. ती म्हणतेय, "आत्तापर्यंत आयुष्यात कधी स्लीव्हलेस सुद्धा घातलं नव्हतं आणि आता न्यूड फोटो. या सगळ्याच्या यशाचं श्रेय जातं ते दिग्दर्शक आणि कॅमेरामन यांना त्यांनी हे सगळं अक्षरशः पटापट दोन तासात उरकलं. हे दोघे आजूबाजूला असताना माझ्या अंगावर कपडा नाही याचं मला काहीही वाटलं नाही" पुढे ती म्हणते, "या शूटनंतर छान वाटते आहे. कॉन्फिडन्स खूप वाढला आहे. आज मी पतंग तरी समोर धरला भविष्यात भूमिकेची गरज असेल तर मी समोर पतंगसुद्धा ठेवणार नाही" मुलाखतकार विचारते, तुमच्या या शूटचा पतंग हा अविभाज्य भाग आहे पण मग पतंगच का ? याबाबत ती म्हणते की मला उंच उडायचे आहे. पतंगासारखं फ्लाय हाय हा संदेश यातून द्यायचा आहे. आतापर्यंत सौंदर्याच्या कल्पना म्हणजे सडपातळ, गोरा रंग अशा होत्या. पण आता यापुढे गोरं नसलेलं, जाड हेही सौंदर्य असू शकतं हे यातून मला सांगायचं आहे. यातून सौंदर्याच्या व्याख्या बदलायच्या आहेत. पण प्रश्न हा की खरंच या खटाटोपामधून सौंदर्याच्या व्याख्या बदलतील का ? मुलाखतीची लिन्क पहील्या कमेंटमधे