जाप करा हो !

जाप करा हो जाप करा या मंत्राचा जाप करा ! डिप्रेशन ? हात्तिच्या मारी ! अंधश्रद्धा ? हात्तिच्या मारी ! फोबियाज ? हात्तिच्या मारी ! कर्करोग ? हात्तिच्या मारी ! व्यसनाधिनता ? हात्तिच्या मारी ! कोरोना ? हात्तिच्या मारी ! रोग मुळातच भ्रम असे, उपचारांची का भ्रांत असे ? जादू आपल्यात सुप्त असे गुरूंनी ती जागविली असे ! मंत्र असे हा साधा सोप्पा घोका, न मारता फुकाच्या गप्पा तर तर तर तर तर ......? मंत्र असे हा sssssssssss क्काsssss य ? (कोरस.) आपल्या विचारात भिनलय विष, काळ -शरीराच्या कल्पना नीच हो कल्पना नीच हो कल्पना नीच, ह्हो ! हा मंत्र मिळाला गुरुकृपेने [नसतो बरका दिला देवतेने] मंत्र असे हा असा जादुई सर्व व्याधींची होत असे- पळता sss भुई sss थोडी , ह्हो ! (कोरस.) मंत्र जाणावा, मंत्र बाणावा, भ्रम पाडावा, भ्रम मारावा । मंत्र असे तो sssssss अ sssss सा ! (कोरस.) "नसते शरीर आणि नसतो काळ पहिला जाणून घे रे बाळ । नसते मन हो नसते बुद्धी असतात स्मृती पण नसते भीती । नसतात मिती हो नसतात तिथी । कसला फोबिया, कसलं काय, कसली अंधश्रद्धा, कसलं काय ।" -डॅनी.