[कविता' २०२०] - देता निरोप तुजला

देता निरोप तुजला

देता निरोप तुजला, स्मरले क्षणात काही.. सांगायचे तुला जे, विरले मनात काही.. तू घाव जे दिलेले, सारे भरून गेले. व्रण मात्र खोल त्याचे, उरले उरात काही.. मन थांबता जरासे, सुख सापडून गेले. जे शोधण्या उगा ते, फिरले दिशात दाही.. मिळते म्हणे प्रसिद्धी, सफलतेच्या कथांनी मम बर्बादीचे किस्से, फिरले जनात काही.. करण्या उजाड मजला, ढग संकटांचे आले. बरसून काही गेले, विरले नभात काही.. ही जिंदगी कश्याचे, देते धडे अजुनही, सोसावयास नाही, उरले जगात काही..