"गंमत केली" म्हणालास तू...

"गंमत केली" म्हणालास तू "कळले मजला" मीही म्हटले. तुलाही ठाऊक मलाही ठाऊक खरे काय अन् खोटे कुठले. लाईक होते असंख्य त्यावर डीपी जेव्हा नवा ठेवला पाठवले तू smile जेव्हा इथे खुशीचे तरंग उठले. नुसते smile, ठाक कोरडे तरी पोचते ओल त्यातली. एक इमोजी सांगून जातो शब्दांना जे नसते जमले. म्हणो कुणी हा सोशल मीडिया नाही शाश्वत फक्त दिखावा. तुलाही ठाऊक मलाही ठाऊक खरे काय अन् खोटे कुठले.