स्वाती ताई- मांसाहारी पाककृती हवी आहे

सहमत. स्वाती ताई ह्या पाकृ पण येउ द्यात. :) अभि़ज्ञ. अवांतर- ह्या वेताळाला अजून कशाकशाचा नेवेद दाखवावा लागतो?;)

स्वातीताई हे पाककृतीचे नवीन नाव दिसल्याने खूप कुतुहल वाटले! पण नंतर ती हाक आहे असे दिसून आले आणि हाकेतली आर्तता जाणवली :-) म्हणून आगाऊपणे मीच माश्याच्या कालवणाची एक सोपी पद्धत देते - माशाच्या तुकड्यांना थोडे मीठ, हळद, तिखट, आले-लसणीची पेस्ट, थोडा चिंचेचा कोळ असे लावून ठेवायचे. थोड्या वेळाने एका पसरट भांड्यात (भांडे शक्यतो मी दांडा असलेले वापरते) तेलावर थोडी लसणीची पेस्ट/ लसणीच्या १-२ पाकळ्यांचे तुकडे परतून त्यावर बारीक चिरलेला कांदा परतायचा. कांदा चांगला परतून घेणे आवश्यक आहे, कच्चा लागला नाही पाहिजे. त्यावर ३-४ तिरफळे, आणि माशाच्या तुकड्या घालून अगदी हलकेच परतून तुकड्या शिजतील इतके पाणी घालावे. त्यातच थोडा चिंचेचा कोळ घालावा. विस्तव प्रखर असावा. तुकड्या लवकर शिजतात, पातेल्याला दांडा असल्यास त्याला धरून हलकेच वर खाली हासडावे. हासडल्याने तुकड्या तुटत नाहीत, मोकळ्या राहतात. पळी/कालथ्याने कालवण हलवू नये ( नाहीतर तुटतात). तुकड्यांचा रंग बदललेला दिसला (पांढरट झाला) की मासे शिजलेले असतात. यावर नारळाच्या खोबर्‍याचे दूध घालून, कालवण घट्ट किंवा पातळ हवे त्याप्रमाणे पाण्याचे प्रमाण कमी अधिक करून एक उकळी आणून खाली उतरवावे. मीठ चवीप्रमाणे घालावे/ न घालावे. नारळ घातल्यानंतर अधिक शिजवायचे नाही. तेच कोथिंबिरीचे. कोथिंबीर बारीक चिरून वर शोभेसाठी टाकावी, पण एकदा कोथिंबीर घातली की मग शक्यतो कालवण परत गरम करायचे नाही. त्यामुळे कोथिंबीर वाढतानाच घालावी. (कालवणात १-२ बटाटेही छान लागतात. मी बटाट्यांचे मोठे तुकडे कांद्यापाठोपाठ तेलावर परतून पाण्यातच थोडे मीठ घालून अर्धेअधिक शिजवून घेते. मग माश्याच्या तुकड्या घालून पूर्ण शिजवते. पण तुकड्या नाजूक असल्याने त्या तुटत नाहीत ना हे पहाणे महत्त्वाचे. असे करायचे नसल्यास उकडलेले बटाटे घालता येऊ शकतात.)

धन्यवाद चित्रा ताई वेताळ

धन्यवाद चित्रा ताई वेताळ

चिकन, मटन, मासे, याबद्दलच्याही पाकृत्या याव्यात असे वाटते. :) वेगवेगळे फ्राय, रश्श्याचे प्रकार ( काळ्या मसाल्याचे-पिवळा मसाल्याचे सोडून ) इ.इ. माश्याच्या कालवणाची पाकृ दिल्याबद्दल चित्रा यांचे आभार, पुढील पाकृसाठी शुभेच्छा !!!

मी काही पाकृ तज्ञ नाही. पण मराठीवर्ल्ड.कॉम वर बर्‍याच पाकृ आहेत. बघा काही मदत होते का!

चित्राताई पाककृती नेहमी पेक्षा वेगळी आहे. उद्या बुधवार तेंव्हा करुन बघायला हरकत नाहि. पण एक सांगायच होत हासडणे हा शब्द बरोबर आहे की आसडणे? माझ्या ऐकीवात कायम आसडणे असाच आहे म्हणुन आपल विचारल!!!!!!!!!! "अनामिका"

अहो बुधवार एव्हढ्यासाठीच कारण आम्ही वार पाळतो . बारमाही खाऊन वस्तुंचे भाव कशाला वाढ्वायचे नाहि का? तुम्ही हासडणे म्हणत असाल तर तसेच ठि़क आहे. पण मला जिभ हासडणे हा वाकप्रचार माहित आहे. आज पर्यंत ज्यांच्या हाताखाली स्वयंपाक करायला शिकले ती माझी आजी, आई ,मावशी ,सासुबाई त्यांच्या तोंडुन कायम आसडणे हाच शब्द ऐकुन आहे म्हणून आपल विचारल. आता "अ "चा "ह" झाला काय किंवा "ह" चा "अ" झाला काय फरक काय पडतो? पदार्थाचा संबंध फक्त रुचीशी आणि पोटाशी. "अनामिका"