जे न देखे रवी...

गझल : पुन्हा एकदा...

B — bhagwatblog,
मा‍झ्याच स्वप्नांना लावला मी सुरूंग संकल्प सोडला अर्धवट पुन्हा एकदा शर्थीचे प्रयत्न सत्यात आले नाहीत निश्चयाचे संपले बळ पुन्हा एकदा स्वप्नांची लचके तोडली मी स्वत: पराभवाने दिली मात पुन्हा एकदा कष्टाची घागर भरली पुन्हा संपूर्ण अपयशाचे भरले रांजण पुन्हा एकदा प्रयत्नाचा डोंगर उभारला मी स्वत:च नियतीनेच दिला घाव पुन्हा एकदा सुखांना जिंकण्याचा भास मला झाला दु:खाने केले गर्वहरण पुन्हा एकदा काळेकुट्ट ढग अन दाटलेल आभाळ संकल्पाचा सोडला बाण पुन्हा एकदा
💬 प्रतिसाद
च
चौथा कोनाडा Mon, 06/24/2019 - 19:28 नवीन
छान ! स्वप्नांची लचके तोडली मी स्वत: ऐवजी स्वप्नांचे लचके तोडले मी स्वत: असं चालणार नाही का ?
B
bhagwatblog Tue, 06/25/2019 - 08:37 नवीन
"स्वप्न" शब्दाचे अनेकवचनी लिहायचे होते त्यामुळे "स्वप्नांची लचके तोडली मी स्वत:" असे लिहिले आहे. प्रतिसादा साठी धन्यवाद!!!
च
चौथा कोनाडा Tue, 06/25/2019 - 12:54 नवीन
"स्वप्नांची लचके" असे बोलण्यात / ऐकण्यात / वाचण्यात आले नव्हते आता पर्यन्त. उच्चार देखिल गैरसोयीचा आणि विचित्र वाटतो आहे. आपण नविन शब्द प्रयोग निर्माण करत असाल तर हार्दिक शुभेच्छा ! (आज काल मराठीची काळजी वाटते )
अ
अभ्या.. गुरुवार, 06/27/2019 - 09:01 नवीन
(आज काल मराठीची काळजी वाटते )
नुसती मराठीचीच नाही तर त्यातील घासून गुळगुळीत झालेले कंटेंट, चुकीचे सादरीकरण, त्यातील चुका दाखवल्यावरही मान्य न करता मीच सांगतोय ते बरोबर, नाहीतर द्या तुम्हीच उदाहरण अशा नवलेखकी वृत्तीची जास्त काळजी वाटतेय. ते ही एक असोच म्हणा.
र
राघव Wed, 06/26/2019 - 15:48 नवीन
कल्पना ठीक आहेत. पण माफ करा तांत्रिकदृष्ट्या ही गझल नाही. तसेच थोडी गेयता कमी पडते आहे. कदाचित काही शब्द बदल करून फरक पडावा. पु.ले.शु.
B
bhagwatblog गुरुवार, 06/27/2019 - 08:55 नवीन
राघव,? कृपया एखादे उदाहरण द्याल का?
B
bhagwatblog Mon, 07/01/2019 - 08:41 नवीन
राघव,,तुम्ही सांगितल्या प्रमाणे ही तांत्रिकदृष्ट्या गझल नाही. जाणकारांचे हेच मत आहे. धन्यवाद!!!
B
bhagwatblog गुरुवार, 06/27/2019 - 08:30 नवीन
प्रतिसादा साठी धन्यवाद चौथा कोनाडा, राघव... "स्वप्नांची लचके" लवकरच बदल करतो. शब्द एखादे उदाहरण द्याल का?