परप्रातीयांच्या आक्रमणा पासुन मराठी माणसाला कोण वाचवेल .

हा प्रश्न मुघलांच्या किंवा हबश्यांच्या किंवा इंग्रजांच्या राजवटीपासून कायम चालत आला आहे .. आणि पुढेही तो तसाच राहील .. " ळ " अक्षर आणि त्याचा वापर असलेले शब्द फक्त आपल्या मराठीत आहेत समजलं,,, स्वामी बाळा ... नको काळजी करू .. तो काळ यायचाय अजून जेव्हा " ळ " संपेल तेव्हाच बळ संपेल मराठीचे नाहीतर तिची घोडदौड सातासमुद्रापार चालत राहील , वाजवुनी संबळ मी गातो गाऱ्हाणे द्यावे थोडे बळ ऐसे विचार थोपवण्या

चावून चोथा झालेला विषय. नवीन काहीतरी काढा राव.

आपण मिपावर एक जिलबी टाकायची.

तुकोबांच्या सल्ल्याप्रमाणे वागावं - जे जे होईल ते ते पाहावे चित्ती असू द्यावे समाधान तुमचं चित्त थाऱ्यावर नाही म्हणून असे विषय तुमच्या डोक्यातून निघतात. सुट्टी घ्या आणि थोडं कुलू मनाली वगैरे करून या, डोकं थंड होईल.

पळाले की वाचतो.

दिल्ली नोयेडा गुरुग्राम येथे किमान ५ लाख परप्रांतीय मराठी भाषिक ही राहतात. दिल्लीच्या हिंदीत बरीच भेसळ झाली आहे. . मूळ दिल्लीकर बैचेन झाले आहेत. आजकाल पोरे एका दुसऱ्याची वाट लावतात. भाषा भ्रष्ट झाली. पर प्रांतीय लोकांमुळे. काही उपाय सुचवा.

परप्रांतीयांचे आक्रमण ही खरंच फार मोठी समस्या आहे. यावर कडक उपाय म्हणून: वाडीतून खेड्यात, खेडयातून तालुक्यात, तालुक्यातून जिल्ह्यात, जिल्ह्यातून राजधानीत, एका राज्यातून दुसऱ्या राज्यात स्थलांतर करण्यास कायद्याने बंदी घातली पाहिजे. मोक्का, अस्पा, कलम ३७० सारखे कडक कायदा केले पाहिजेत. वेळे प्रसंगी फाशीसारखी निर्णायक कृतीही केली पाहिजे !

हिंदी बोलणे थांबवा/ आपसूक बरेच प्रॉब्लेम्स कमी होतील. हिंदी ऐवजी मराठी किंवा इंग्रजी चा वापर करा. बाकी एका मुद्द्यावर सहमत. स्थानीक लोक फार माजुरडेपणे वागतात.सुतार गवंडी कामासाठी वगैरे तर स्थानीक माणुस उपलब्ध नसतोच. महाराष्त्रात येण्यासाठी इतराना विशेषतः उत्तरभारतीयाना मनाई / पासपोर्ट ठेवल्यास हे प्रमाण कमी होईल

हे परप्रातीय आपल्या कडे न आल्यास आपल्या ला मराठी कारागीर उपलब्ध होतीलच. काय सांगताय? कोकणात जाऊन पहा. कामाला खात्रीचा माणूस मिळत नाही हि स्थिती आहे. मनरेगा मध्ये वर्षात १०० दिवसाचा रोजगार खात्रीचा आहे तेंव्हा ३५० रुपये रोजाने ३ दिवस काम कार्याचे वाटत हजार रुपये खिशात पडले कि पुढचे तीन दिवस दारू पिऊन पडून राहायचे. गेलं तर गेलं कामावर, नाही तर सरकार आपलं आहेच महिन्यात १० दिवसाचा रोजगार हमीचा आहे. त्यातून प्रत्यक्ष काम न करता २० दिवस हजेरी लावायची. १० दिवसाचा पगार घ्यायचा १० दिवसाचा "त्यांना" द्यायचा. काम झालं तर झालं नाही तर नाही. हा का ना का यामुळे कोकणात आंब्याच्या बागांवर देखरेख करायला आंबे पाडायला सर्रास नेपाळी माणसे आहेत. नेपाळी लोकी सोडून गेले तर आंब्याच्या बागांची वाताहत होईल इतकी वाईट स्थिती आहे. आणि आपण मराठी माणसाबद्दल इथे बसून गहिवर काढतोय

हे खरे आहे डॉक्टर साहेब. कोकणातच कशाला, आजकाल पश्चीम महाराष्त्रात दुधाच्या धारा काढणारेही भैय्ये आहेत. मराठी लोक मिळतच नाहीत. एम आय डीसी तले कॅज्यूअल लेबर ही अमराठी आहेत, मराठी मुले कशात दिसतात तर कोणत्यातरी गडावरून ज्योत आणणे , पालख्या काढणे , दहीहंडीचे थर लावणे , कोणत्यातरी दादा बापू च्या वाढदिवसाचे फलक लावणॅ , बंद पुकारणे , खळ्ळ खटॅक मरणे , राजे , पहाराज , " बगतोस काय रागाने..... " इत्यादी स्टीकर्स दुचाकीवर लावून फिरणे . अंगभर दागीने घालून कुठल्यातरी मिरवणूकीत मिरवणे, शिवजयंतीला कपाळावर नाम ओढून फेटा घालून फिरणे , गल्लीतील गणपतीची वर्गणी मागणे. इत्यादी करत फिरतात.

हे राव साहेब कोण आहेत म्हणायचं?

हे राव साहेब कोण आहेत म्हणायचं?

http://www.myfatpocket.com/fashion-news/gold-obsessed-man-shows-off-solid-gold-shirt.html हे पहा साडे आठ किलोचा सोन्याचा शर्ट घालून फिरणारे दत्ता साहेब फुगे.

महाराष्ट्र च नाही तर सर्व प्रगत राज्यांना परप्रांतीय लोकांचे ग्रहण लागले आहे . यूपी , बिहार, बंगाल, झारखंड ही राज्य देशात गंभीर समस्या निर्माण करत आहेत . मध्ये दक्षिणेत आशि पण चर्चा चालू होती की साऊथ chya सर्व राज्यांनी मिळून वेगळा देशाची मागणी करावी . इथपर्यंत हा विषय गंभीर आहे

सहमत

हा शब्दच शिवीसारखा वापरला जातो का ? मराठी माणूस आणि त्याचे दुर्गुणविशेष आपण आवडीने चघळतोच त्याहीपेक्षा आपण ते अलिप्तपणे, जणू मी मराठी नाहीच ह्या दृष्टीकोनातूनच आणि शिव्या शाप दिल्यासारखे चर्चा करत असतो. ह्यात बदल नको का करायला? निळू फुलेंपासून ते शरद पवारांपर्यंत आपणच आपल्या माणसांना नावे ठेवत असतो. सिनेमातल्या भुमिके मुळे निळू फुलेंसारखा माणूस आपण गमतीजमतीत बदनाम करून टाकला तेच शरद पवार म्हणजे भ्रष्टाचारच (अगदी असेलही खरे)पण इतर अमराठी नेते अजिबात भ्रष्टाचारी नाहीत का? त्यांच्या बद्दल कुणी काही बोलताना दिसत नाहीत. युपीचा एक आमदार मुंबईतल्या एका भय्यासाठी शस्त्रास्त्र घेऊन आला होता. आमच्या पाठीशी नगरसेवकसुद्धा राहत नाही. त्यात ब्राम्हण मराठा वाद आहेच. ज्या विभागात लहानाचा मोठा झालो त्याच विभागात मी आणि माझे मित्र एक हॉटेल टाकू शकलो नाही. म्युनिसिपाल्टीतले, पोलीसातले, स्थानिक गुंड सगळे मराठी असून माझ्याविरुद्ध होते. ईथे मुंबईत भय्ये (आणि मोदी आल्यापसून) गुजराथी आक्रमक व्हायला लागलेत त्याच्या मागे त्यांच्या हातात असलेली अर्थसत्ता हे महत्वाचे कारण आहे. साउथ इंडियन हॉटेलवाल्यांनी मराठी बरोबर गुजराथी पाट्या लावल्या आणि त्याच्या कैक वर्षे आधी जैन डिशेस मेनू कार्डावर घेतल्या ह्याला कारण हॉटेलमध्ये येणारे बहुसंख्य गिर्हाईक जैन आहे आणि वाटेल तेव्हढे पैसे देऊन ते आपल्याला हवी तशी डिश बनवून घेण्याची आर्थिक कुवत ठेवून आहेत. त्याच प्रमाणे भैय्ये स्वस्तात कारागिरी करतात म्हणून सगळ्यांनी त्यांना जवळ केले तरी मराठी माणूस जी गोष्ट १० रुपयात त्यांच्याकडून बनवून घेतो वर फुकटचे चार खिळे मारून दे सांगतो तेव्हा तीच वस्तू गुजराथी २५ रुपयात बनवून घ्यायला तयार होऊन वर चार खिळे, प्रत्येक खोलीत जुन्या फर्निचर वर छोटे मोठे काम करून घेतो. भय्ये आनंदाने त्यांची कामे करतात कारण २५ रुपये म्हणजे थोडे जास्तच मिळतात म्हणून.

अर्थसत्ता आणि सामाजिक ऐक्य जोपर्यंत आपल्या हाती येत नाही तोपर्यंत आपण कुणावरही कुरघोडी करण्याची स्वप्ने बघूच शकत नाही.

कोकणातली परिस्थिती लवकरच मुळशी पॅॅटर्नच्या वळणाने जायला लागली आहे. सोन्याची खाण असलेले कोकण आम्ही किंवा आमचे राजकीय पुढारी महाराष्ट्रेतर लोकांच्या समोर हीन दीन लीन होऊन विकतायत. तरीही आम्ही कुंभकर्ण (तो सहा महिन्याने तरी जागा होत होता आपण त्यापेक्षाही गये गुजरे आहोत.) जागे व्हायला तयार नाही.

आधी ही बातमी वाचा.. तुमच्या चित्तवृत्ती (मूड) बदलतील !! पुण्याच्या योगेंद्र पुराणिकांनी जपानमध्ये महापालिकेची निवडणूक जिंकली फार मुद्देसूद लिहायला आता वेळ नाही.. पण थोडक्यात आठवतायत /सुचतायत त्या गोष्टी लिहितो. आता मूळ प्रश्नाबद्दल कोणत्याही प्रगत प्रदेशाकडे अप्रगत प्रदेशातील लोकांचा ओढा असतोच.. म्हणूनच ट्रम्पसाहेबांना मेक्सिकोसीमेवर भिंत बांधायची आहे. असो. बाकी मराठी माणूस कुठे नाही ? मराठी माणसाचे आकर्षण सगळ्या देशाला आहे.. आंबेडकर , टिळक , सावरकर ई.. सांस्कृतिक क्षेत्रात बघा - गुलजार , कैफी आजमी सारख्या कवी/लेखकांना मराठी भाषेशी जवळीक करावीशी वाटली. प्रा. स्टॅनले वोल्पर्ट या इतिहासकाराला भारतीय इतिहासचे कुतुहल वाटले.. तो दोनच भारतीय भाषा शिकला एक मराठी , दुसरी संस्कृत. (संदर्भ) आता काही रिक्षा/टॅक्सीचालक मराठी शिकत नसतील आणि त्यामुळे आपल्याला त्यांच्याशी हिंदीत बोलावं लागत असेल तर त्याबद्दल खंत करत बसण्याची गरज नाही..