आभाळाची छत्री
आभाळाची छत्री
माझ्या कड़े आभाळाची छत्री आहे. गुलाबी रंगाची लांब दाण्डयाची. रंग बऱ्या पैकी मळलेला आहे. गंजलेल्या तारांच्या गंजा च्या छटा त्यावर उमटल्या आहेत. कधी कधी तारा सुटतात. त्या मी परत बसवून घेतो. पाऊस सुरू व्हायच्या आधीपासून म्हणजे में पासून ते पाऊस सम्पायच्या नंतर नंतर अगदी ऑक्टोबर पर्यन्त मी त्या आभाळा च्या छत्रीला अंतर देत नाही. विसरत नाही म्हटले तरी दोन तीन दा तरी असेल छत्री दुकानात खानावळीत विसरून आलोय पण तितक्या च प्रयत्नने ती शोधूनही आणालिये. छत्री ला मी जसा विसंबत नाही तशी छत्री सुद्धा मला कधी विसम्बत नाही.
ही आभाळाची छत्री वारसा हक्कानी माझ्या कड़े आली आहे. माझ्या आभाळा ने माझ्या बाबाने दिलेली ती छत्री आहे. ह्याच छत्री तून कधी कधी आम्ही दोघे अर्धे अर्धे भीजत भर पावसातून आलेलो आहोत. हीच छत्री मी बाबाचा डोळा चुकवून घेऊन गेलो आहेत. बाबाने तीन चार वर्षे वापरलेली छत्री मी बाबानन्तर पाच एक वर्ष तरी वापरत आहे. अजूनही वापरणार आहे. ही छत्री उघडली की मस्त सर्र करूंन आवाज येतो. आणि छत्रीतून प्राजक्ता ची फूले पडावीत तश्या आठवणी पडतात. पावसाने नाही भिजलो तरी आठवणीने मी नक्की भिजतो.
माझा डोळा चुकवून माझी मुलगी ती छत्री कधीतरी घेऊन जाते. हिस्ट्री रीपीट्स म्हणतात. जनूक एकच आहेत ना काही झाल तरी. छत्री मला दिसेपर्यंत मुलगी घरी येई पर्यन्त मी चल बिचल होतो. मुलीला मी सांगतो ही छत्री तुझ्या आजोबाँची आहे. ती हळूच एक कटाक्ष आजोबांच्या फ़ोटो कड़े टाकते. आणि मी साँगायाच्या आधी चोरोन नमस्कार करते. तिला साँगावस वाटत बेटा माझ्या नंतर ही छत्री तुझीच आहे बर.
असाच कधी कधी तूफान पाऊस पडतो. मी छत्री घेऊन बाहेर पडतो. पावसा कड़े माझ्या आभाळाकडे बघतो आणि सरकन छत्री उघडतो. माझी नेहेमीची आभाळाची छत्री
ही छत्री उघडली की मस्त सर्र करूंन आवाज येतो. आणि छत्रीतून प्राजक्ता ची फूले पडावीत तश्या आठवणी पडतात. पावसाने नाही भिजलो तरी आठवणीने मी नक्की भिजतो.छान लिहीलयछत्री ला मी जसा विसंबत नाही तशी छत्री सुद्धा मला कधी विसम्बत नाहीविसम्बत ऐवजी विसरत म्हणायचंय का तुम्हाला?