अक्रसताळेपणा

अक्रसताळा शब्दास इंग्रजीत पर्याय शोधावा म्हणून आधी मोल्सवर्थ शोधला तर आधी शब्दच मिळाला नाही जरासे आश्चर्य वाटले; मग दाते- कर्वे शोधले, तर दाते कर्वे शब्द कोशाने अकरताळा शब्द शोधण्यास सांगितले . त्या शब्द कोशांचे लेखन होत असताना अकरताळा हे रूप कदाचित अधिक ' प्रमाण' असावे हि शक्यता जरा रोचक वाटली. असो *अकरताळा या शब्दाचे मोल्सवर्थ ने दिलेली माहिती अकरताळ or ळी or ळ्या a (अकृत & आळ) Wild, wilful, violent, head-strong, ungovernable;--used esp. of women and children. *दाते कर्वे कोश आडमुठा , कजाग , खोडकर . माथेफिरू , दांडगा (विशेषतः: मुले व स्त्रियांच्या बाबतीत ) [ सं अकृत +लु =आळ ; प्रा. दे. अक्कसाला = उन्मत्त स्त्री ] हे शब्द कोश बनल्या पासून माथेफिरू शब्दाची अर्थछटा बदलून अधिक राखीव झाल्याची शक्यता असू शकते असे वाटते . पण मुख्य म्हणजे अक्रस्ताळेपणा या बद्दल माझ्या मनातील प्रतिमेस हे सर्व पर्यायी शब्द नेमकेपणाने न्याय देताहेत असे वाटतं नाहीए . ( माझे व्यक्तिगत मत ) १) खरेतर हा शब्द शोध मी केवळ लहानमुले किंवा स्त्रियांना समोर ठेऊन केला नव्हता , अजूनही ह्या शब्दाची उपयोग व्याप्ती लहानमुले किंवा स्त्रियां पर्यंत मर्यादित आहे कि सर्वाना लागू होतो ? २) अक्रसताळे शब्दाची तुमची स्वतः:ची व्याख्या काय ? सोदाहरण स्पष्ट केल्यास उत्तम ३) आक्रस्ताळी भूमिका / वागणे कसे ओळखावे ४.१) आग्रही भूमिका आणि अक्रस्ताळी भूमिका यातील नेमके फरक कोणते ? ४.२) विक्षीप्तपणा आणि अक्रस्ताळेपणा यातील नेमके फरक कोणते ? ( ५) जर करायचाच असेल तर, जाणीवपूर्वक पद्धतशीत्र अक्रसताळेपणा कसा करावा ? ) ६) आक्रस्ताळी भूमिका / वागणे कसे टाळावे ( किंवा लपवावे ;) ) ७) या शब्दासाठी मराठी मधील कोणते पर्यायी शब्द तुम्हाला अधिक चपखल वाटतात ८)या शब्दासाठी इंग्रजी आणि हिंदी मधील कोणते पर्यायी शब्द तुम्हाला अधिक चपखल वाटतात चर्चा धागा गंभिरपणेच काढला आहे . पण धागाचर्चा अगदीच हायजॅक होणार नाही असा विरंगुळा चालू शकेल . धागाचर्चा अगदीच हायजॅक न करता चर्चा सहभागासाठी आभार