जे न देखे रवी...

सखे..फुलांसवेच आज माळ चांदवा!

स — सत्यजित...,
बघूच धावतो कसा? खट्याळ चांदवा... सखे..फुलांसवेच आज माळ चांदवा! अजून पाहिली न मी भरात पौर्णिमा उगाच दावतो मला घड्याळ चांदवा! नभावरुन एकदाच हात फेरला उद्या कळेल बातमी..'गहाळ चांदवा!' शशीस चेहरा तुझा म्हणू कसा? प्रिये, तुझ्यापुढे दिसे मला गव्हाळ चांदवा! निळ्या नभावरी पिठूर साय पांघरु... उधाणला उरातुनी दुधाळ चांदवा! तनू-तनू तहानली सहाण वाटते हळूच वेच चांदणे,उगाळ चांदवा! पहाटही नभावरी गुलाल रंगते मिठीत लाजला तिच्या मधाळ चांदवा! —सत्यजित
💬 प्रतिसाद
स
सस्नेह Fri, 05/18/2018 - 14:01 नवीन
दिल चांदवा चांदवा हो गया !
स
सत्यजित... Tue, 05/22/2018 - 01:00 नवीन
छोटासाच पण खूप सुंदर बोलका प्रतिसाद! वाह् म्हणून दाद द्यावासा! खूप धन्यवाद!
श
शाली Fri, 05/18/2018 - 14:55 नवीन
आवडली! सुरेख!
प
प्राची अश्विनी Fri, 05/18/2018 - 16:02 नवीन
आहा!
प
प्रचेतस Fri, 05/18/2018 - 16:51 नवीन
क्या बात...! जबरीच.
ए
एस Fri, 05/18/2018 - 20:17 नवीन
तनू-तनू तहानली सहाण वाटते हळूच वेच चांदणे,उगाळ चांदवा!
जियो! अप्रतिम कल्पना...! एकेक शब्द मनात घोळवत घोळवत हे कडवं म्हणतोय केव्हापासून. सये तुझ्या तनूवरी हा चंद्र मी उगाळतो चांदण्यांच्या वणव्यात साऱ्या जीव कसा पोळतो
स
सत्यजित... Tue, 05/22/2018 - 00:52 नवीन
प्रतिसादाबद्दल मनःपूर्वक धन्यवाद एस! आपण लिहिलेल्या ओळीही सुंदर आहेत! त्यांतील पहिल्या ओळीवरुन अजून दोन ओळी सुचल्या,ज्या सदर गझलेसाठीच,दुसरा मतला—'हुस्नेमतला',असू शकतील... "सये तुझ्या तनूवरी उगाळ चांदवा, दिसेन मग जरा तरी नव्हाळ चांदवा!" धन्यवाद!
ए
एस Tue, 05/22/2018 - 08:51 नवीन
"सये तुझ्या तनूवरी उगाळ चांदवा, दिसेन मग जरा तरी नव्हाळ चांदवा!" अहाहा! केवळ अप्रतिम!
प
पद्मश्री चित्रे Sat, 05/19/2018 - 04:40 नवीन
छानच अगदी.
श
शिव कन्या Sat, 05/19/2018 - 05:02 नवीन
+१११
स
संजय पाटिल Sat, 05/19/2018 - 06:37 नवीन
अप्रतिम....
श
श्वेता२४ Sat, 05/19/2018 - 10:09 नवीन
शशीस चेहरा तुझा म्हणू कसा? प्रिये, तुझ्यापुढे दिसे मला गव्हाळ चांदवा! हे भारी आवडलं. असं कधी वाचनात नव्हतं आलं. मस्तच
द
दुर्गविहारी Sat, 05/19/2018 - 18:33 नवीन
मस्तच. नेहमीप्रमाणे सुरेख.
स
सत्यजित... Tue, 05/22/2018 - 01:05 नवीन
दुर्गविहारी,आपण अवर्जून दाद देता,त्याबद्दल मनःपूर्वक आभार!
स
सविता००१ Mon, 05/21/2018 - 02:34 नवीन
सुरेख
अ
अभ्या.. Mon, 05/21/2018 - 11:59 नवीन
अप्रतिम खरोखरच. फार आवडली.
प
प्रा.डॉ.दिलीप बिरुटे Mon, 05/21/2018 - 13:45 नवीन
आवडली रचना. -दिलीप बिरुटे
य
यशोधरा Mon, 05/21/2018 - 14:44 नवीन
सुरेख!
स
सत्यजित... Tue, 05/22/2018 - 01:10 नवीन
शाली,प्राची,प्रचेतस,पद्मश्री,शिव कन्या,संजय पाटिल,सविता,अभ्या,बिरुटे सर,यशोधरा... आपण सर्वांनी अनेकवेळा अवर्जून प्रतिसाद नोंदवून दाद दिलीत,लिखाणास प्रोत्साहन दिलेत,त्याबद्दल आपणा सर्वांचे मनःपूर्वक आभार!
ख
खिलजि Tue, 05/22/2018 - 13:14 नवीन
सत्यजित साहेब , आपल्या कविता मला फार भावतात . आपण फारच सुंदर विचार करता . सुंदर कविता .. सिद्धेश्वर विलास पाटणकर
व
वीणा३ Wed, 05/23/2018 - 04:40 नवीन
मस्तच !!!
म
मिसळलेला काव्यप्रेमी Wed, 05/23/2018 - 13:22 नवीन
सुरेख आणि रेखिव रचना.
उ
उगा काहितरीच Wed, 05/23/2018 - 15:42 नवीन
मी सहसा या विभागात चक्कर मारत नाही. पण आज आल्याचं चीज झालं . कविता आवडली.
ध
धनावडे Wed, 07/01/2020 - 06:44 नवीन
फारच छान