जे न देखे रवी...

हाॅकिंगे जे प्रेडिक्टले

अ — अनन्त्_यात्री,
हाॅकिंगे जे प्रेडिक्टले ते म्यां चक्षुर्वै पाहिले कृष्णविवरासी भेदिले आरपार म्यां आजची कृष्णविवराचा चव्हाटा तेथ पुंजभौतिकीचा बोभाटा चारी मितींचा उफराटा कोलाहल माजला कार्यकारणाची तर्कटे उलटी पालटी पडती येथे आधी कळस मग पायथे हाची लोच्या येथला कवाडे विभिन्न विश्वांची ठोठाविता उघडती साची अनवट रूपे तयांची जाणे केवळ हाॅकिंग
💬 प्रतिसाद
ड
डॉ सुहास म्हात्रे गुरुवार, 04/05/2018 - 18:44 नवीन
भारी ! हॉकिंगने ही कविता वाचली तर तो त्याच्या थडग्यात टाळ्या वाजवेल !
ज
ज्ञानोबाचे पैजार Fri, 04/06/2018 - 07:43 नवीन
म्हात्रे काकांना +१ पैजारबुवा,
क
कंजूस Fri, 04/06/2018 - 19:04 नवीन
अनादी अनंत काळाची महती सांगूनी तो गेला साची कृषणविवरे ती लहानमोठी पाहिली आम्ही त्याच्याच डोळी मॅक्सवेल आणि आइनस्टाइन करिती उकल विश्वाची प्रचिती घेणे असाध्य ज्याची मिती वर्तवे तो हॅाकिंग
अ
अनन्त्_यात्री Sat, 04/07/2018 - 10:59 नवीन
सर्वांना धन्यवाद!
न
नाखु Sun, 04/08/2018 - 09:49 नवीन
सार्थ केले यात्री कविता एकदम खत्री!!! काथ्याकूट कृष्ण विवरापासून दूर असलेला नाखु पत्री
ज
ज्ञानोबाचे पैजार Sun, 04/08/2018 - 15:14 नवीन
"बीन सुपारीवाला" लिहायचे राहिले का? पैजारबुवा,
अ
अनन्त्_यात्री Wed, 04/11/2018 - 18:18 नवीन
प्रतिसादाबद्दल धन्यवाद!