जे न देखे रवी...

काही त्रिवेणी रचना...

र — राघव,
सहज विचार करतांना उतरलेले हे काही शब्द.. ============ सांगायचं कसं अन् लिहायचं कसं.. मनांतलं शब्दांत मांडायचं कसं? त्या अग्नीपंखाचा तुटक्या पंखांना सवाल, "आता उडायचं कसं?" ============ लहान मुलं आणि त्यांची निरागसता.. वेड लावणारं त्यांचं निष्पाप मन.. पारिजाताच्या फुलांसारखं नितळ विश्व! ============ प्रयत्नांची कास सोडू नये.. कामनांची आस धरू नये.. ईच्छा अर्पण करावी.. निष्काम कर्म करावं.. गुंतागुंत आणि परस्परविरोध ह्या एकाच नाण्याच्या दोन बाजू वाटतात! ============ केवढाली कपाटं आणि पुस्तकांची आरास.. तर्काचे इमले आणि अनुभवहीन चढते-ढासळते बुरुज! अनेक मांडवांखालून गेलोय पण लग्नाचा पत्ता नाही अजून... ============ राघव
💬 प्रतिसाद
प
प्राची अश्विनी Sat, 02/17/2018 - 05:43 नवीन
"लग्नाचा पत्ता नाही...." :)
प
पैसा Sat, 02/17/2018 - 05:52 नवीन
सुटे सुटे विचार आवडले.
र
राघव Wed, 02/21/2018 - 06:36 नवीन
@प्राची अश्विनी: :-) @पैसातै: होय, साधारण तेच!
प
पद्मावति Wed, 02/21/2018 - 16:17 नवीन
रचना आवडल्या. वेगळा प्रकार. पै म्हणाली तसं हायकु सारखे.
न
नाखु Wed, 02/21/2018 - 16:37 नवीन
एक वेगळा प्रकार चंद्र तारे प्रेम किंवा तिथ्या यांच्या दावणीतून सुटलेली ही छोटी वासरे भारीच आहेत मिपावरील आपलीच माणसं आणि त्यांनी केलेली (कवितेची) माती या लोकप्रिय कार्यक्रमातून साभार
र
राघव गुरुवार, 02/22/2018 - 06:19 नवीन
@पद्मावति: हायकू सारखं आहे खरं, पण मिपावर नवीन नाही. आधीही त्रिवेणी धागे निघालेले आहेत. @नाखु: धन्स! बादवे - आणि त्यांनी केलेली (कवितेची) माती ----- हे भारी!! =))