Skip to main content
Skip to main content
✍ मराठी साहित्य, संस्कृती आणि लेखनाचे व्यासपीठ
प्रवेश करा | सदस्य व्हा
मिसळपाव इरावती मराठी साहित्य

Main navigation

  • नवे लेखन
  • कथा
  • कविता
  • चर्चा
  • पाककृती
  • पर्यटन
  • ललितकला
  • नवे प्रतिसाद
जनातलं, मनातलं

'सिद्धार्थ' आणि शशी कपूर

श
शिव कन्या
Mon, 12/04/2017 - 21:54
💬 10 प्रतिसाद
'सिद्धार्थ' आणि शशी कपूर (आपला आवडता अभिनेता दिवंगत झाला कि च त्याच्या आठवणीत काही लिहावे हे वाईट आहे! पण तसं होतंय खरं. ) मला त्याचा आवडून गेलेला चित्रपट म्हणजे 'सिद्धार्थ'. नोबेल परितोषिक विजेत्या Hermann Hesse या जर्मन लेखकाच्या 'Siddhartha' या कादंबरीवर आधारित हा सिनेमा Conrad Rooks ने निर्माण केला. तरुण सिद्धार्थ आत्मशोध घेण्यासाठी घराबाहेर पडतो.... आणि मग त्याला येत गेलेले अनुभव, आणि शेवटी त्याला उमगलेले सत्य, असा सगळा प्रवास या चित्रपटात टिपला आहे. यात आधी सिद्धार्थची गतानुगतिकता, मग बंडखोरी, मग वेगवेगळे प्रयोग, मग वैफल्य येऊन ऐहीकाचा उपभोग, त्यातला फोलपणा लक्षात यायला वेळ लागत नाहीच, परत एकाकी मार्गक्रमण, गौतम बुद्धाची भेट, तिथून मग सर्वांप्रती प्रेम आणि सर्व चराचरात चैतन्य पाहण्याची दृष्टी प्राप्त झालेला वृद्ध सिद्धार्थ! दिडेक तासात हा प्रचंड मोठा प्रवास प्रेक्षकांची दमछाक करतो. यात शशी कपूरने साकारलेली सिद्धार्थची भूमिका कायम लक्षात राहिली. उत्सुकतेने घराबाहेर पडू पाहणारा तरुण सिद्धार्थ ते Everything changes. Like a river everything returns हे आत्मभान आलेला वृद्ध सिद्धार्थ त्याने ज्या सहजतेने रंगवला आहे, त्याला (माझ्यापुरती) तोड नाही. लौकिक आणि पारलौकिक जगातला आत्मसंघर्ष रेखणे, ते आपल्या सूचक अभिनयातून चित्रपटभर सहज दाखवत राहणे यासाठी जे काही 'उमजावे' लागते, ते या अभिनेत्याला उमगले होते. ही उमज त्याच्या अवघ्या व्यक्तिमत्वातून प्रतिबिंबित होत राहते. कुठेही underplay नाही, कि overacting नाही. त्याच्या संयत अभिनयाचा सुंदर आविष्कार म्हणजे हा चित्रपट. पण दुर्दैवाने, हा चित्रपट त्यातल्या काही nude scenes मुळे भारतात 'वाईट' ठरला, तर काही बुद्धिवाद्यांनी हा चित्रपट Western centric म्हणत त्याला जमेस धरले नाही. काही कलाकृतींचे नशीब असते. पण त्यातला शशी कपूर मात्र आजही स्मरणात आहे, राहील. प्रेक्षकांना स्वतःत डोकावून पहायला लावणारे सिनेअभिनेते फार फार दुर्मिळ. शशी हा त्या दुर्मिळातला तारा होता. देखण्या,हसतमुख, प्रसन्न, बुद्धिमान, अभ्यासू, नाटकासाठी तळमळीने काम करणाऱ्या, माणुसकी जपणाऱ्या या कलावंताची exit मनात कायम हुरहूर निर्माण करून गेली. या कलावंतास सर्व मिपाकरां तर्फे विनम्र श्रद्धांजली.

वाचनखूण लावा
प्रतिक्रिया देण्यासाठी लॉगिन करा

  • Log in or register to post comments
  • 5462 views

💬 प्रतिसाद (10)
आ
आनन्दा Tue, 12/05/2017 - 05:05 नवीन
बरं झालं लेख लिहिलाय.. शशीकपूर यांना श्रद्धांजली.
  • Log in or register to post comments
प
पद्मावति Tue, 12/05/2017 - 07:56 नवीन
उत्तम ओळख. 'सिद्दार्थ' विषयी माहीत नव्हतं. शशी कपूर यांना भावपूर्ण श्रद्धांजली __/\__
  • Log in or register to post comments
स
समयांत Tue, 12/05/2017 - 08:50 नवीन
'सिद्धार्थ' विषयी पहिल्यांदा वाचलं इथे. लिंक असेल का, बघायला? शशीजींना आदरांजली.
  • Log in or register to post comments
ए
एस Tue, 12/05/2017 - 09:45 नवीन
'सिद्धार्थ' वॉज अ माईलस्टोन! शशी कपूर यांना विनम्र श्रद्धांजली!
  • Log in or register to post comments
म
मित्रहो Tue, 12/05/2017 - 10:09 नवीन
शशीकपूर यांना श्रद्धांजली !! सिद्धार्थ बघितला नाही . शशीकपूरने निर्मता म्हणून जे सिनेमे केले ते सुद्धा उत्तम होते. आणि पृथ्वी थियेटर श्रद्धांजली
  • Log in or register to post comments
स
स्मिता. Tue, 12/05/2017 - 12:44 नवीन
शशीकपूर यांना श्रद्धांजली !! सिद्धार्थ हे पुस्तक वाचलंय पण चित्रपट बघितला नाही, खरंतर तो आहे हेच आतापर्यंत माहिती नव्हतं. आता चित्रपट शोधून नक्कीच बघेन.
  • Log in or register to post comments
अ
अँड. हरिदास उंबरकर Sat, 12/09/2017 - 19:03 नवीन
सिद्धार्थ नक्की बघणार... असा चित्रपट आहे हे आता समजल.. माहितीच नव्हती याची..
  • Log in or register to post comments
अ
अँड. हरिदास उंबरकर Sat, 12/09/2017 - 19:05 नवीन
सिद्धार्थ नक्की बघणार... असा चित्रपट आहे हे आता समजल.. माहितीच नव्हती याची..
  • Log in or register to post comments
म
मारवा Sat, 12/09/2017 - 19:10 नवीन
हर्मन हेसे चा सिद्धार्थ अनेकदा वाचलाय व प्रत्येक वेळेस तो प्रचंड आवडतो नदीच्या वर्णनापाशी अनेकदा मन घुटमळतं हर्मन हेसेची ही महान कलाकृती आहे. अद्वितीय अशी
  • Log in or register to post comments
अ
अरविंद कोल्हटकर Sat, 12/09/2017 - 22:03 नवीन
सिमी गरेवालच्या ओझरत्या topless दर्शनासाठी आंबटशोकी आणि उपासमार झालेल्या भारतीय प्रेक्षकांना ह्या चित्रपटाचे विशेष आकर्षण होते. 'जिना' ह्या मोहमद अली जिनांवरच्या पाकिस्तानी चित्रपटातील शशि कपूरची भूमिकाहि ध्यानामध्ये राहिलेली आहे. (ह्या चित्रपटाला IMDB चे ८.१ इतके रेटिंग आहे.) (जाताजाता - जिनांची मुलगी दिना वाडिया ह्यांचे अलीकडेच न्यूयॉर्कमध्ये निधन झाले,)
  • Log in or register to post comments

Recent comments

  • गैरसमज आहे तुमचा. जगात आपल्या
    5 days ago
  • कशातूंनही आपल्याला हवा तो
    5 days ago
  • भक्तांनी मारुतीच्या बेंबीत
    5 days ago
  • सुंदर !!
    5 days ago
  • सहमत. इराण हा इस्राएल व
    5 days 6 hours ago

प्रवेश करा

  • नवीन खाते बनवा
  • Reset your password
इरावती.कॉम बद्दल
  • 1आम्ही कोण?
  • 2Disclaimer
  • 3Privacy Policy
नवीन सदस्यांकरीता
  • 1सदस्य व्हा
  • 2नेहमीचे प्रश्न व उत्तरे
लेखकांसाठी
  • 1लेखकांसाठी मार्गदर्शन उपलब्ध
  • 2लेखन मार्गदर्शन
संपर्क
  • 1सर्व मराठीप्रेमींचे मनापासून स्वागत!
  • 2अभिप्राय द्या
  • 3संपर्क साधा
© 2026 Iravatee.com  ·  Disclaimer  ·  Privacy Policy मराठी साहित्य व संस्कृतीसाठी  ·  प्रवेश  |  सदस्य व्हा