थीन क्रस्ट व्हीट पिझ्झा (व्हेज आणि चिकन खिमा)

साहित्य पिझ्झा बेस साठी ३ १/२ कप (अधिक थोडे) गव्हाचे पीठ २ कप गरम पाणी १ मोठा चमचा ऍक्टिव ड्राय यीस्ट १ चमचा साखर २ चमचे मीठ तेल, लागेल तसं चिकन पिझ्झा साठी ५०० ग्राम चिकन खिमा २ मोठे कांदे २ ते ३ हिरव्या मिरच्या १/२ इंच आलं ८ ते १० लसूण पाकळ्या १ चमचा हळद १ चमचा लाल तिखट १ चमचा धने पावडर १/२ चमचा जिरं पावडर १ मोठा चमचा तेल, किंवा बटर मीठ, चवीनुसार व्हेज पिझ्झा साठी १ मोठा कांदा, गोल चकत्यांमध्ये कापून १ मोठी ढोबळी मिरची, गोल चकत्यांमध्ये कापून (असतील तर रंगीत मिरच्या वापरा) ४ ते ५ मशरूम उभे बारीक चिरून १० ते १२ लहान चेरी टोमॅटो (नसतील तर नेहेमीच्या टोमॅटोच्या पातळ गोल चकत्या) ४ ते ५ काळे ऑलिव्ह, धुवून, बी काढून आणि गोल चिरून पिझ्झा साठी पिझ्झा सॉस (विकत चा) किसलेले पिझ्झा चीज, लागेल तसे पिझ्झा मसाला (सीझनिंग) कृती पिझ्झा बेस एका बाऊल मध्ये २ कप गरम पाणी घ्या (पाण्याचे तापमान तुमच्या हाताला सोसेल असे असले पाहिजे). ह्यात साखर आणि १ चमचा पिठ मिसळून घ्या. ह्यात आता यीस्ट घालून मिश्रण ढवळून, १० ते १५ मिनिटे बाजूला ठेवून घ्या. उरलेली कणिक आपल्याला मळून घायची आहे, त्यासाठी त्यात मीठ घालून पिठाच्या मध्ये एक खोलगट विहीर करून घ्या. ह्यात आता हळू हळू यीस्टचं पाणी घालून, कणिक मळून घ्या. (पाणी लागेल तसं घाला, सगळं पाणी एकदम घालू नका). हि कणिक चांगली हातानं तिंबून घ्या. पीठ हाताला आणि टेबलवर नं चिकटता एकजीव गोळा होईस्तोवर मळून घ्या. हाताला आणि पिठाच्या गोळ्याला लागेल तसं तेल वापरा (ऑलिव्ह ऑइल असेल तर उत्तम). हा असा पिठाचा गोळा आता आपल्याला प्रूफ करायला ठेवायचा आहे. एका तेल लावलेल्या भांड्यात हा गोळा ठेवून त्यावर एक ओले फडके ठेऊन एखाद्या दमट कोपर्यात ठेऊन द्या. साधारण एका तासाने, हा गोळा चांगला दुप्पट फुगून वर येईल. हलक्या हाथाने तो गोळा दाबून घ्या. त्याचे चार ते ५ सम प्रमाणात भाग करून पुन्हा गोळे करून घ्या. हे गोळे परत ओल्या फडक्याखाली झाकून ठेवा, साधारण एक तास.     हे गोळे परत फुगून येऊस्तोवर चिकन चा खिमा करून घ्या. चिकन खिमा कांदे, मिरच्या, आलं, लसूण मिक्सर मधून बारीक करून घ्या. पॅन मध्ये तेल/बटर घालून हे मिश्रण परतुन घ्या. ह्यात लाल मिरची पावडर, हळद घालून मिश्रण ढळवून घ्या. मंद आचेवर थोडा वेळ परतून मग ह्यात चिकनचा खिमा घाला. तो थोडा परतून झाला कि मग त्यात गरम मसाला आणि धने जिरे पावडर घाला. थोडं पाणी आणि चवीनुसार मीठ घालून झाकण ठेऊन ४ ते ५ मिनिटे खिमा शिजवून घ्या. खिमा कोरडा व्हायला पाहिजे. मिश्रण थंड करायला बाजूला काढून ठेवा. पिझ्झा कृती ओव्हन १८० डिग्री ला प्रि-हिट करून घ्या. ओट्यावर थोडं पीठ पसरून, एक गोळा दाबून घ्या. तो शक्य तेवढा पातळ लाटून घ्या. एका गोलाकार प्लेट ने कापून पिझ्झा बेस बनवा. अलगद हाताने ओव्हन-प्रूफ प्लेट वर हा बेस ठेवा. व्हेज पिझ्झा साठी, ह्यावर पिझ्झा सॉस (कोपर्यापासून साधारण अर्धा इंच जागा सोडून), लावून घ्या. ह्यावर थोडं चीज टाकून मग भाज्या टाकून घ्या. थोडं सीझनिंग वरून भुरभुरा, आणि अजून एक चीज चा लेयर टाका. (चिकन चा करताना, भाज्यां आधी खिमा पसरवून घ्या, इतर कृती व्हेज पिझ्झा प्रमाणे).     हा पिझ्झा आता ओव्हन मध्ये २० ते २५ मिनिटे बेक करून गरम गरम खायला घ्या!