किवी आणि कांगारूंच्या देशांत ०५ : औराकी / माऊंट कुक – क्विन्सटाउन

येणार, येणार, लवकरच येणार... हा प्रदेश क्विन्सटाउनच्या आसपासच आहे आणि त्याची सफर केल्याशिवाय आपण क्विन्सटाउनवरून हालणार नाही याची खात्री देतो ;)

१. ऑस्ट्रेलिया आणि न्यूझीलंडमधे अशी सेल्फ ड्रिव्हन कार सहज मिळते हे खरे का? मी तिथे स्वतःचारचाकी चालवलेली नाही. पण सर्वसाधारणपणे सर्वच देशांत रेंट-अ-कार मिळतात त्यामुळे स्वतः गाडी चालवून सहल करण्यास काहीच अडचण वाटत नाही. खालील जोडांवर बरीच माहिती आहे: http://wikitravel.org/en/Driving_in_New_Zealand http://wikitravel.org/en/Driving_in_Australia परंतू अधिक विश्वासू आणि अद्ययावत माहिती खालील स्त्रोतांकडून मिळेलः अ) रेंट-अ-कार कंपन्यांच्या संस्थळांवर. तेथे गाडी राखून ठेवताही येईल जी अगदी विमानतळावर ताब्यात मिळू शकते. हॉटेल व स्थानीक आकर्षणांचे आरक्षण स्वतः आंतरजालावरून करता येते हे काय सांगायला नकोच. यात थोडे श्रम असतात पण हा पर्याय आर्थिक दृष्ट्या फायद्याचा होऊ शकतो. आ) विकसित देशातल्या अनेक सहल कंपन्याच्या सेल्फ-ड्राइव्ह सहलीही असतात, त्यांत तुम्हाला हवी ती गाडी निवडण्याची मुभाही असू शकते (अर्थात निवडीप्रमाणे सहलीचा दर बदलतो, हेवेसांनल). अशा सहलीत चालक व गाईड सोडून इतर सर्व सोय (हॉटेल, इ ची) व्यवस्था सहल कंपनी करते. यात खर्च थोडा अधिक येतो किंवा कधी थोडा कमी. कारण कंपनीला हॉटेल व कार सवलतीच्या दरात (बिझनेस रेटने) मिळतात आणि कधी कधी त्यातला काही फायदा ती गिर्‍हाईकाला पास-ऑन करते. तेव्हा दर सहलीस दोन्ही पर्यायांचा अभ्यास करून मगच निर्णय घेणे फायद्याचे ठरेल. २. भारतीय लायसेन्स थेट चालते का? की काही कन्व्हर्जन किंवा एन्डॉर्समेंट वगैरे? अ) या दोन्ही देशांत इंग्लीश्मध्ये असलेले परदेशी लायसेन्स पहिले तीन महिने चालते असे ऐकून आहे. आ) सर्वसाधारणपणे बहुतेक सर्व देशांत इंटनॅशनल ड्रायव्हींग लायसेन्स पहिले तीन महिने चालते. हे मूळ लायसेंसच्या आधारावर भारतात सहज मिळते. इ) तीन महिन्यांनंतर सर्वच देशांत स्थानीक लायसेन्स आवश्यक असते. ३. फोटोंवरुन रस्त्याची "डावी बाजू वापरा" अर्थात भारतीय संकेत (ब्रिटिश?!) दिसतो आहे. त्यामुळे फार फरक पडू नये. पण चालकत्वासाठी भारतातल्यापेक्षा वेगळे काही कौशल्य अपेक्षित आहे का? (वेग/कंट्रोल/ अति कडक वाहतूक नियम / बेशिस्त चालक वगैरे)? या दोन्ही देशांत भारतासारखीच रस्त्याच्या डावीकडून गाडी चालवत असल्याने भारतातला पुरेसा अनुभव असल्यास काही अडचण येऊ नये. मात्र रस्त्यावर नियम काटेकोरपणे पाळले जातात (अगदी बसमध्येही पट्टा वापरण्यापर्यंत). सर्व चालक नियमाबरहूकूम गाड्या चालवतात. नियम मोडल्यास कडक दंड आहेत आणि ते चिरीमिरीने टाळता येत नाहीत ;) . मात्र सगळे चालक नियमानुसार गाडी चालवत असल्याने गाडी चालवणे आडवत असल्यास तो एक आनंददायक अनुभव होऊ शकतो. हुश्श्य ! फार लांबलचक उत्तर दिले असे दिसते... तेव्हा इथेच थांबतो. परत एकदा, तुमच्या डाउन अंडर भेटीला शुभेच्छा !

धन्यवाद !