॥ आरती दुष्कळाची ॥

जय देव जय देव जय दुष्काळदादा,हो श्रीदुष्काळदादा । आमच्या गावाला येऊनको यंदा जय देव जय देव ॥धृ॥ मागील वर्षी अतिवृष्टी झाली । उभी पिके सर्व वाहूनिया गेली । चालु वर्षाला पाऊस गेला । सर्व पिकांचा सत्यानास झाला । मिळेना गारिबांना कुठे कामधंदा...॥१॥ ऊन्हाळ्यात मिळेना प्यायला पाणी । मुले बाळे कशी फिरती रानोरानी । पोटाला मिळेना पोटभर अन्न । अशा वेळी वाटते नको हे जीणं । डगमगतो तेंव्हा पुरुष ही खंदा...॥२॥ मंत्री महोदय येऊनिया जाती । मोठमोठाल्या सभा भरविती । हे करू ते करू अश्वासने देती । घरी गेल्यावर विसरुन जाती । भोळ्या जनतेचा घेतात फायदा...॥३॥ रोजगार हामीची कामे ही येती । ऊन्हा तान्हात कामे करताती । मर मर राबतात दिवस भर । पगार कधीना मिळे वेळेवर । खाण्या पिण्याचा होतोय वांद...॥४।