Sichuan Sweet & Sour Prawns

ही पाककृती मी युके गुडफुड चॅनलच्या चायनीज फुड इन मिनिट्स मध्ये पाहीली होती, बनविण्यास सोप्पी आहे :) साहित्य: २०-२५ किंग प्राँस साफ करुन, दोरा काढून घेतलेल्या १ अंडे ५ टेस्पून टोमॅटो केचअप (आबंटपणा व आवडीनुसार कमी-जास्तं) १ टेस्पून बारीक चिरलेले आले १ टेस्पून बारीक चिरलेला लसूण २ लाल मिरच्या बारीक चिरून (थाय स्वीट चिलीज) बारीक चिरलेली कांद्याची पात ४-५ टेस्पून कॉर्नफ्लोअर (मुळ पाककृतीत बटाट्याचे पीठ वापरले होते) १ टेस्पून तिरफळं (Sichuan peppercorns , आवडीप्रमाणे कमी-जास्तं) १/२ टीस्पून पांढरी मिरपूड मीठ चवीनुसार १ टेस्पून साखर ( सॉफ्ट ब्राऊन शुगर असेल तर ती वापरावी) १/२ टेस्पून लिंबाचा रस पाकृ: एका बाऊलमध्ये अंडे, कॉर्नफ्लोअर, थोडेसे मीठ व मिरपूड एकत्र करुन घ्यावे.लागेल तरचं पाणी घालावे. कढईत तेल तापत ठेवावे. मिश्रणात मोठी कोळंबी (किंग प्राँस) बुडवून ,तेलात सोडून हलक्या सोनेरी रंगावर तळावी.(कॉर्नफ्लोअरचे आवरण खूप जाड ठेवू नये ) दुसर्‍या बाऊलमध्ये टोमॅटो केचअप, मीठ, साखर, मिरपूड व कॉर्नफ्लोअर एकत्र करावे. त्यात थोडे पाणी घालून पातळ मिश्रण बनवावे. वोकमध्ये तेल गरम करुन त्यात तिरफळं घालावे व परतावे. त्यात बारीक चिरलेली मिरची, आले व लसूण घालून चांगले परतावे. तयार केलेला टोमॅटो सॉस त्यात घालून सतत ढवळावे. सॉस दाट होत आला की त्यात वरून चिरलेली कांद्याची पात व लिंबाचा रस घालून एकत्र करावे. सर्व्हींग बाऊलमध्ये तळलेल्या कोळंब्या घेऊन त्यावर हा सॉस ओतावा. मी सर्व्हींग डिशमध्ये थोडा भात घेतला, त्यावर तळलेल्या कोळंब्या ठेवून त्यावर तयार सॉस ओतला. चिरलेल्या कांद्याची पात वरुन थोडी घालावी. तुम्ही Sichuan Sweet & Sour Prawns हे साध्या भाताबरोबर, न्युडल्सबरोबर किंवा नुसते स्टार्टर म्हणून गरम सर्व्ह करु शकता.