किंग फिश सिझलर

साहित्य :- सुरमई माश्याचे तुकडे, वाफवलेल्या बटाट्याचा लगदा, तिखट, मीठ, मिरपूड, मोहरी पेस्ट (बाजारात मिळते ती ), टोमाटो केचअप, बटर, अद्रक लसून पेस्ट, मैदा, लीम्बुरस, केळीच पान, सिझलर प्लेट, तेल, विविध भाज्या (गाजर, फरसबी, बेबीकॉर्न, पत्ताकोबी, मशरुम्स ई.) कृती:- प्रथम माशे भरपूर पाण्याने साफ करून त्यावर लीम्बुरस, मीठ, मिरपूड, अद्रक लसून पेस्ट, टोमाटो केचअप, मोहरी पेस्ट व थोड तेल घालून १० मिनिट मेरीनेट करायला ठेवा. इकडे बटाट्याचा लगद्यात तिखट, मीठ, मिरपूड घालून चपटे गोळे बनवून या टिक्क्या मैद्यात घोळवून तेलावर खरपूस तळून घ्या. नॉनस्टिक तव्यावर थोड्या तेलावर गाजर, फरसबी, बेबीकॉर्न, पत्ताकोबी, मशरुम्स ह्या भाज्या परतून शिजवून घ्या. नंतर मीठ व मिरपूड घाला. माश्यांचे तुकडे देखील मैद्यात घोळवून खरपूस तळून घ्या. सिझलर प्लेट खूप गरम करून ती ग्यासवर असतानाच त्यावर पत्ताकोबीचा कीस पसरवून केळीच पान ठेवा. या केळीच्या पानावर एका बाजूस टिक्क्या, दुसर्या बाजूस माश्यांचे तुकडे, तिसर्या बाजूस परतलेल्या भाज्या व वरून थोड बटर घालून गरमगरम खायला घ्या.