दुधी-मोतिया खीर

साहित्यः १ वाटी साल व बीया काढून किसलेला दुधी १ लिटर दुध २-३ टेस्पून भिजवलेला साबुदाणा ३/४ वाटी साखर (आवडीप्रमाणे कमी-जास्तं) १ टीस्पून बदामाचे काप १ टीस्पून पिस्त्याचे काप १/४ टीस्पून केशर १/२ टीस्पून वेलचीपूड १ टेस्पून साजुक तूप पाकृ: एका पॅनमध्ये साजुक तूप घालून दुधीचा कीस १-२ मिनिटे परतून घ्या. त्यात दुध घालून उकळी आणा, आच मध्यम असावी. दुधीचा कीस दुधात शिजला की त्यात भिजवलेला साबुदाणा घाला व तो पारदर्शक होईपर्यंत शिजवून घ्या. आता केशर,साखर व वेलचीपूड घाला. साखर विरघळली की गॅस बंद करून, वरून बदाम-पिस्त्याचे काप घाला व खीर थंड होऊ द्या. ही खीर गार जास्तं छान लागते. दुध खूप आटवायचे नाही, साबुदाण्यामुळे दाटपणा येतो खीरीला.