व्हॅलेंटाईन डे स्पेशल चॉकलेट केक

पॅनकेकसाठी साहित्यः मैदा - १ कप पिठीसाखर - ४ चमचे अंडी - २ दुध - १/२ कप बेकिंग पावडर - १ टि-स्पुन बटर - २ चमचे (पातळ करुन) व्हॅनिला इसेन्स - १/२ चमचा मिठ - १/२ छोटा चमचा क्रिम आईसिंगसाठी साहित्यः फ्रेश क्रिम - १ कप कोको पावडर - १/२ कप पिठीसाखर - १/२ कप व्हॅनिला इसेन्स - १/२ चमचा सजावटीसाठी: चॉकलेट फ्लेक्स - १ कप चॉकलेट ट्रफल्स - ४-५ पिठीसाखर - १ चमचा कृती: १. पॅनकेक साठी सर्वात आधी बटर वितळवुन घ्यावे. २. एका बाउल मधे मैदा, पिठीसाखर, मिठ व बेकिंग पावडर मिक्स करावे. दुसर्‍या बाउल मधे अंडी, बटर, दुध व व्हॅनिला इसेन्स मिक्स करुन घ्यावे. ३. आता मैदा व अंड्याचे मिश्रण एकत्र करुन १ तास बाजुला ठेवावे. ४. १ तासाने, तयार मिश्रणाचे पॅनमधे थोडे बटर लावुन १५-२० पॅनकेक करुन घ्यावेत. ५. हे सर्व पॅनकेक गार करण्यासाठी ठेवुन द्यावे. १. आता चॉकलेट क्रिम साठी एक मोठे पातेले घेउन त्यात १०-१२ बर्फाचे क्युब्स टाकावेत. त्याच्यावर एका बाउल मधे फ्रेश क्रिम, साखर, कोको पावडर व व्हॅनिला इसेन्स टाकुन egg beater ने २-३ मिनिटे beat करावे. २. आइसिंग साठी क्रिम तयार आहे. ३. केक करण्यासाठी, सर्व पॅनकेक एखाद्या बशी किंवा वाटीने सारख्या आकारात गोल कापुन घ्यावेत. ४. डिश मधे एक पॅनकेक ठेवावा. त्यावर चॉकलेट क्रिम लावुन, वरती दुसरा पॅनकेक ठेवावा. ५. अशाप्रकारे सर्व पॅनकेक व क्रिमचे लेयर लावुन घ्यावेत. सगळ्यात शेवटी, उरलेले क्रिम, केकला सर्व बाजुंनी लावुन घ्यावे. ६. केकला बाजुने हलक्या हाताने चॉकलेट फ्लेक्स लावुन घ्यावेत. वरतुन चॉकलेट ट्रफल्स व पिठीसाखरेने सजवावे. ७. केक फ्रिज मधे ३-४ तास गार करण्यासाठी ठेवुन द्यावा. ८. व्हॅलेंटाईन स्पेशल चॉकलेट केक खाण्यासाठी तयार आहे. टिपः १. बॅटर जास्त thick झाल्यास, तुम्ही दुधाचे प्रमाण वाढवु शकता. २. तुम्ही ज्या डिश मधे केक present करणार असाल, त्याच डिश मधे पॅनकेक्सचे लेयर लावावेत. एकदा लेयर लावुन झाल्यावर केक उचलुन, दुसर्‍या प्लेट मधे ठेवायला खुप अवघड आहे.. त्यामुळे त्याच डिश मधे लेयर लावुन, सगळ्यात शेवटी टिश्यु पेपरने बाजुने साफ करावे. ३. आवडत असल्यास तुम्ही लेयरच्या मधे स्ट्रॉबेरी किंबा राजबेरी देखिल वापरु शकता. तुमच्या व्हॅलेंटाईन सोबत केक enjoy करा. ;)