कच्च्या पपईची कोशींबीर / सॅलेड

द

दिपक.कुवेत

Tue, 02/12/2013 - 08:04

साहित्यः १. किसलेला कच्चा पपई - १ मध्यम (चित्रात दाखवल्यापेक्षा अजुन बारीक किसता/चीरता आला तर उत्तम) २. १/२ लिंबाचा रस ३. वरिल लिंबाचीच किसलेली साल - १/२ चमचा ४. सुख्या लाल मिरच्या - २/३ (भरडसर वाटुन) किंवा ओल्या लाल मिरच्या - २ बारिक चीरुन ५. खारे शेंगदाणे मुठभर (सालं काढुन १/२ करुन) ६. चवीनुसार मीठ, साखर किंवा मध ७. कोथिंबीर / पुदिना एच्छिक (बारिक चीरुन) कॄती: १. एका बाउल मधे खारे शेंगदाणे सोडुन दिलेलं सर्व साहित्य हलक्या हाताने एकत्र करावे आणि फ्रिज मधे थंड होण्यास ठेवा २. सर्व करण्याआधी किमान अर्धा-एक तास फ्रिज मधे ठेवा व जेवताना तोंडिलावणे म्हणुन थंडगार आंबट-गोड-तिखट सॅलेड / कोशींबीरीचा आस्वाद घ्या :) ३. आवडत असल्यास ह्यात चेरी टोमॅटो अर्धे करुन घालु शकता ४. खारे शेंगदाणे अगदि आयत्या वेळेस घाला म्हणजे मउ पडणार नाहित

Log in or register to post comments
6015 views

💬 प्रतिसाद

प

पिंगू Tue, 02/12/2013 - 08:15 नवीन

हे सॅलड तर चपातीसोबत खाता येईल. - पिंगू

म

मृत्युन्जय Tue, 02/12/2013 - 08:17 नवीन

सुंदर. आवडेश. दीपक कुवेत फार झपाट्याने पेठकर काका, सानिकातै आणी गणपभौंना टफ देउन राह्यले ब्वॉ.

श

शुचि Tue, 02/12/2013 - 15:07 नवीन

सहमत.

अ

अत्रुप्त आत्मा Tue, 02/12/2013 - 10:34 नवीन

जबरी :-)

र

रमेश आठवले Tue, 02/12/2013 - 13:09 नवीन

गुजरातमध्ये फाफडा हा बेसनापासून तयार केलेला पदार्थ न्याहरी किंवा इतर वेळी खाण्यासाठी लोकप्रिय आहे. सर्व दुकानातून ह्या नमकीन बरोबर कच्च्या पपईची चटणी हमखास दिली जाते

श

शुचि Tue, 02/12/2013 - 15:08 नवीन

अरे हे काँबिनेशन माहीत नव्हते. पण काहीही म्हणा गुजराथी लोकं खवय्येच. घाटकोपरला खाऊगल्लीत पाणीपुरी काय मस्त मिळते.

प

पैसा Tue, 02/12/2013 - 13:16 नवीन

अगदी सोपी आणि झकास पाकृ!

अ

अनन्न्या Tue, 02/12/2013 - 15:03 नवीन

पाक्रु. झकास!!

र

रेवती Tue, 02/12/2013 - 15:06 नवीन

अगदी वेगळी पाकृ. छान.