झटपट ढोकळा.

साहित्यः-एक वाटी चण्याचे पीठ्.(बेसन) पाऊण वाटी पाणी. ५-६ लसूण पकळ्या. ४-५ हिरव्या मिरच्या(तिखट असल्यास कमी घेतल्या तरी चालतील) एक बोटाचे पेर आलं. अर्धा चमचा सायट्रीक अ‍ॅसिड. एक सॅशे इनो फ्रुटसॉल्ट. मीठ. एक चमचा साखर. चार चमचे तेल. मोहरी व तेल फोडणीसाठी. ओल्या खोबर्याचा चव व चिरलेली कोथिंबीर सजावटीसाठी. कृती :-प्रथम लसूण,आलं व हिरव्या मिरच्या यांची पेस्ट करून घेणे.एका मोठ्या भांड्यात बेसन घेऊन त्यात वाटलेली पेस्ट चवीपुरते मीठ्,साखर,तेल व सायट्रीक अ‍ॅसिड घालून मिक्स करावे.थोडे-थोडे पाणी घालून चांगले ढवळून घ्यावे. कुकरच्या भांड्याला तेल लावून ठेवावे.आता मिश्रणात इनो घालून जोरात एकाच दीशेने चांगले ढवळावे.तयार मिश्रण कुकरच्या भांड्यात ओतावे.झाकण न ठेवता डबा कुकरमध्ये ठेवावा.शिटी काढून ढोकळा १५-२० मिनीटे शिजवून घ्यावा.तयार ढोकळ्याचा डबा बाहेर काढून थंड करत ठेवावा.थंड झाल्यावर त्यावर मोहरीची फोडणी करून घालावे.ढोकळ्याच्या वड्या कापाव्या.खोबरे व कोथिंबीर घालून सजवावे.