गोडाची कमळफुले.

हि कमळफुले लहान मोठे सगळ्यांनाच आवडतात्.बाहेरचे खाणे आणण्यापेक्षा घरगुती खाणे केव्हाही चांगले. मी ही पाकृ. कै.कमलाबाई ओगले यांच्या 'रुचिरा' या पुस्तकात बघून केली आहे. साहित्यः-एक वाटी मैदा. दोन चमचे तापलेले तुप. चिमूटभर खायचा सोडा. ४-५ चमचे साखर. चवीपुरते मीठ. एक अंडे(optional) कमळफुलांचा साचा. कृती :-मैदा घेऊन त्यात तापलेले तुप,सोडा, साखर व चवीपुरते मीठ घालावे.पाहिजे असल्यास अंडे फेतून घालावे. (अंड्यामुळे कमळफुले कुरकुरीत होतात.)नंतर पाणी घालून पीठ पातळसर भिजवावे.एक खोलगट कढई घेऊन त्यात तेल घालून तापवावे.तापलेल्या तेलात साचा बुडवून ठेवावा.तेल चांगले तापले की साचा काढून तो पिठात अर्धा बुडेल इतकाच बुडवावा व काढून घेऊन लगेच तेलात धरावा.किंचित तळून झाले की साच्याचा दांडा हलवावा.म्हणजे फूल साच्यापासून सुटून येईल. फूल चांगले तळून बाहेर काढावे.साचा सतत गरम तलातच ठेवावा.खंग व कुरकरीत कमळफुले खाण्यासाठी तयार. (साचा बेताचाच तापू द्यावा,नाहितर कमळफुले साच्यापासून सुटणार नाहित.)