माझी नवीन चित्रे

माझी काही नवीन चित्रे: ही चित्रे माझ्या अनेक वर्षांच्या चित्रकलेतील खटाटोपींतून हळूहळू विकसित होत गेलेल्या स्वतःच्या शैलीतील आहेत. चित्र सुरु करताना ते कसे होणार आहे, म्हणजे बरे वाईट असे नव्हे, तर या चित्रात मी काय काय आणि कसे चित्रित करणार आहे, याची काहीही पूर्व कल्पना मला नसते. एक एक चित्र अनेक दिवस चालत रहाते... सुरुवतीला काही अनिश्चित असे रंग-आकार कॅनव्हास वर पसरवून ठेवतो, त्यातूनच कल्पनेला चालना मिळत जाऊन चित्र आकार घेत जाते. असे असले, तरी माझ्या अनेक चित्रात प्राचीन जागा, मंदिरे, राजवाडे, वडाच्या पारंब्या, मातीची घरे, ढग वगैरे असते... याचे कारण मी अनेक वर्षे अतिशय आवडीने अश्या अनेक जागांवर जाऊन, तिथे बसून चित्रे काढत आलो आहे... हल्लीची चित्रे मात्र अमूक अश्या विशिष्ट जागांची नसून माझ्या अनुभवातून आकार घेत जाणारी काल्पनिक चित्रे आहेत आणखी चित्रे खालील दुव्यावर बघता येतीलः http://www.flickr.com/photos/sharad_sovani/