चला शिकागोला ...

सर्वच चित्रे अत्यंत स्पष्ट आणि सुरेख आली आहेत. तुमच्या कन्येला पाहून बिकांच्या कन्येची आठवण झाली - असेच म्हणातो. ('हर्षे'भारित)रंगा

आठवणी जाग्या केल्यात, छान वृत्तांत आणि फोटो.

धन्यवाद आपल्या प्रतिसादाबद्दल.. लांब लांब गाडी चालवण्याची आवड आहे मला... भारतात तितके जमले नाही जास्त पण इकडे खूप चालवलीय आतापर्यंत... तुमच्या सारखे विना थांबा चालवणे भारतात जरा कठीण वाटते पण प्रयासाने जमेल बहुतेक.. आमची गाडी होंडा सीआरव्ही आहे २००८ सालची.. कोणत्याही गाडीशी तुलना करत नाही पण आतापर्यंत चालवलेल्या गाड्यांमधे सर्वात आरामदायक (चालवायला आणि बसून प्रवास करायलाही), तीन जणांच्या कुटुंबासाठी ऐसपैस, सामानाला भरपूर जागा, दणकट इंजिन असलेली अशी वाटली. शिकागोला जाताना/येताना अपे़क्षेप्रमाणे चालवताना कसलीही अडचण आली नाही.. अगदी विनाथांबा गेलो नाही.. दर २-३ तासांनी ५-१० मिनिटांचा विराम घेत केले.. जाताना आणि येताना जास्तीत जास्त म्हणजे सलग ४ तास चालवली असेन (४००-४५० कि.मी) (बायको आणि मुलगी झोपली की माझी आवडती गाणी लावून) .. पण हायवे असल्याने काही जाणवले नाही. मी शक्यतो क्रुझ कंट्रोल वर न टाकता चालवतो.. माझ्या अनुभवाने जास्त इंधन बचत होते. गाडीने बरी म्हणजे १२-१२.५ किमी प्रती लीटर इतकी सरासरी दिली. ही जाताना-येतानाची गोष्ट. शिकागो शहरामधे गाडीने फिरण्यापेक्षा ती मध्यवर्ती ठिकाणी पार्क करून सोयिस्कर अशा कधीही उतरता आणि चढता येणार्‍या बस मधून फिरणे पसंत केले. नाहीतर पार्किंगला जागा शोधता शोधता नाकी दम आला असता आणि खिशालाही परवडले नसते.

धन्यवाद.. प्रवासाची आखणी करायची आवड आणि सवय बर्‍याच आधीपासून लावून होती.. भारतात असताना नकाशे, एम एस एक्सेलवर दिनवारानूसार काय पाहायचे ते ठरवत असे... आता स्मार्ट्फोनने कागद कमी केले आहेत. ;-) इकडे तर एकदा गेलेल्या स्थळी परत जाता येईलच असे नसते.. तेव्हा मिळालेल्या २-३ दिवसांचा जमेल तितकी योग्य स्थळे (पूर्ण कुटुंबाला आवडेल अशी) पाहायचे ठरवून बाहेर पडतो .. नक्की प्रयत्न करतो ..इतर प्रवास वर्णने सचित्र टाकायचा...

धन्यवाद.. तुमचीही सफर आवडली.. हो पण मित्रांबरोबर जाणे आणि कुटुंबकबिल्याबरोबर जाणे बराच फरक आहेना राव.. मित्रांबरोबर कैफ सोबत असतो.. कुटुंबाबरोबर जबाबदारी अविरत साथ असते. :-) हो की नाही ?

मी मराठी माध्यमातून दहावीपर्यंत शिकलोय.. आणि आजन्म जरी भारताबाहेर राहिलो तरी कधीही मराठी शब्द आठवायला कमी पडणार नाही ह्याची खात्री आहे. :-) 'उडी आत/उडी बाहेर' म्हणजे... 'hop on-hop off' बस.. अमेरिकेत मोठ्या शहरांमधे पर्यटन करताना उघड्या टपाच्या बसने प्रवास करणे सोयिस्कर पडते.. शहर पाहताना कोणत्याही थांब्यावर उतरून.. त्याच तिकिटावर त्याच संस्थेच्या दूसर्‍या बसने पून्हा आपण प्रवास करू शकतो. हे तिकिट आपल्या सोयीनूसार हवे तितक्या दिवसांचे घेता येते. शक्य तितकी सचित्र प्रवासवर्णने लिहायचा प्रयत्न करतो. आपल्या प्रोत्साहनाबद्दल धन्यवाद.