मिनी स्प्रिंग रोल्स

रेसिपी छान आहे. एग रोल घरी सुद्धा करता येतात. तुला माहीत आहे का कृती?

मी १/४ कप मैदा, १/२ टे.स्पून कॉर्नफ्लोअर ,चिमूटभर बेकिंग्पावडर घालते व घट्ट मळते. अर्ध्या तासाने पातळ पोळी लाटून भाजी भरून रोल करून तळते. पण अंडे घालून, पातळ डोसा बनवून अशी काहीतरी रेसिपी आहे ती तुला माहीती आहे का? म्हणून विचारले.

वा स्वाती, अतिशय सुंदर पाकृ आणि फोटोदेखील! माझी ही अत्यंत आवडती डिश आहे. चिकन/मटण स्प्रिंग रोल्स - ह्या करता भाज्यांऐवजी चिकन/मटणखिमा वापरणे.बाकी साहित्य व कृती सारखीच. मला मटणखिम्याचे स्प्रिंगरोल्स अधिक आवडतात, सिंगलमाल्ट ग्लेनमोरांजीसोबत फारच छान लागतात! ;) तू पाठवलेला फोटू मिळाला, त्याबद्दल धन्यवाद.. काही फोटू अद्याप रांगेत आहेत, नंबराप्रमाणे तुझ्या स्प्रिंगरोल्सचा फोटूही मिपाच्या मुखपृष्ठावर चढवणार आहे! ;) तात्या.

शीट्स आणते आजच ......झक्कास रेसिपी ...फोटो पाहूनच भूक लागली...

पा.कृ.छान वाटते आहे, करुन पहायला हवी. तयार 'स्प्रिंग रोल शीट्स' ग्रोसरी स्टोअरमधे कुठच्या सेक्शनमधे शोधावेत? चतुरंग

स्वाती दिनेश, पाककृती चांगली आहे. ह्यात पाणी सुटणार्‍या, म्हणजे भोपळी मिरची सरख्या, भाज्या टाळाव्यात किंवा कमी वापराव्यात. कोबी, गाजर, फरसबी अशा भाज्या वापराव्यात. भाज्या पाण्यात टाकून शिजवून नंतर पाणी काढून टाकण्या पेक्षा तेलावर (किंचित) थोडे आलं-लसूण परतून त्यावर भाज्या डायरेक्ट टाकाव्यात त्यातच तुम्ही लिहील्याप्रमाणे इतर साहित्य घालून भाज्या टॉस कराव्यात किंवा फुल गॅसवर झरझर परताव्यात. ह्या अर्धवट शिजवायच्या असतात, पूर्ण नाही. गॅस बारीक असेल तर ह्या भाज्यांनाही पाणी सुटण्याची शक्यता असते. असो. भाज्या अर्धवट कच्या/अर्धवट शिजलेल्या असणे महत्त्वाचे. तेलावर परतल्या मुळे, पाण्यात शिजवण्यापेक्षा, वेगळी आणि चांगली चव येते. झंझटही कमी आहे. ज्यांना अंडे नको असेल त्यांनी पाण्याचा हात लावून बंद करावे नुसत्या पाण्यापेक्षा मैद्याची पातळ पेस्ट वापरावी. स्वाती राजेश, अंडे घालून, पातळ डोसा बनवून अशी काहीतरी रेसिपी आहे ती तुला माहीती आहे का? मैदा, कॉर्नफ्लोर आणि अंडे मिसळून थोडे पाणी घालायचे आणि हे मिश्रण हाताने एकाच दिशेने खूप - खूप फेसायचे. नंतर एक छोट्टेसे धीरडे टाकून, फ्राय पॅन फिरवून, त्याचा पात्तळ थर पॅनला द्यायचा. हे एका बाजूनेच शिजवायचे. असे धिरडे आपल्या मनासारखे पातळ झाले तर बाकीची धिरडी टाकायची अन्यथा थोडे पाणी घालून बॅटर जरा पातळ करून घ्यायचे. एका रिकाम्या ताटलीवर कॉर्नफ्लोर भुरभुरून टाकायची. त्यावर पॅन मधून काढलेले धिरडे काढायचे त्यावर पुन्हा जरा कॉर्नफ्लोर भुरभुरायची (म्हणजे गरम धिरडी एकमेकांना चिकटत नाहीत) आणि त्यावर दुसरे धिरडे टाकायचे. प्रत्यक्ष स्प्रिंग रोल्स करताना एका धिरड्याचे मधून सुरीने दोन भाग करायचे. कापलेला सरळ भाग आपल्याकडे घेऊन गोलाकार भाग समोर घ्यायचा. ह्यात आता तयार सारण भरून डाव्या-उजव्या कडा त्यावर वळून नंतर स्वतःजवळची बाजू सारणावर वळत साधारण घट्ट वळकटी वळायची , अंडे लावून बंद करायची. बाकी कॄती वर दिल्या प्रमाणे.

धन्यवाद, मी किती दिवसापासून पाहात होते. पण एक शंका..ह्या धिरड्या करून फ्रीज मधे ठेवल्या तर चालतील का? कारण ऐनवेळी करायच्या म्हणजे जरा वेळखाऊ काम आहे नाही?

गॅस बारीक असेल तर ह्या भाज्यांनाही पाणी सुटण्याची शक्यता असते. बरं झालं काका मी करुन पहाण्याआधी तुम्ही आयडीया दिली आता तेलावर टॉस करुनच करेन्...शीटस आणुन ठेवल्यात कालच...

मिनी स्प्रिंग रोल्स बटाटाच्या समोश्याप्रमाणे दिसताहेत तेव्हा अस्सं काही खादाडीला आवडेलच. रेसेपी नेहमीप्रमाणेच जोरदार !!!

मी स्प्रिंग रोल्स पट्टी अशी बनवते ..दूवा चकली http://chakali.blogspot.com