या धाग्यावर चर्चा झाल्यामुळे पुण्यात कट्टयाचा प्रस्ताव एका नवीन धाग्यात देत आहे. भक्ती ताई यांनी जमल्यास व अभ्या यांनी नक्की येतो असे सांगितले आहे. टर्मिनेटर यांचा उत्साह तर भारीच आहे. ते उशीरा भेटायचे असेल तर येतो म्हणालेत म्हणून दुपारची वेळ सुचवत आहे. जास्तीत जास्त लोकांना जमावे म्हणून रविवारचा मुहूर्त काढला आहे. मागे कर्नल तपस्वी यांनी पण पुणे कट्टा केल्यास भेटू म्हटले होते. तर खालील स्थळ आणि वेळ सुचवत आहे.
स्थळः वाडेश्वर, डेक्कन
वेळः रविवार २१ डिसेंबर २०२५ दुपारी ठीक ४ ते ६.
वेळेबाबत दुसरा प्रस्ताव असेल तर मी तसा १० ते ४ कधीही येऊ शकेन. इतर उत्साही मिपाकरांना वेळ असेल तर इथे फक्त येतो असा प्रतिसाद द्यावा ही विनंती. आणखी जास्त उत्साही मिपाकराने 'हे आता ठरले' असे जाहीर करावे, कारण शेवटपर्यंत अनिश्चितता नसावी. थोडा प्रवास आहे उद्या त्यामुळे माझा पटकन प्रतिसाद येऊ शकणार नाही पण मी नक्की येणार.