तिसरं किंडल बुक आता आलं आहे. यातली शीर्षक कथा मौज प्रकाशनाच्या मौज दिवाळी अंकात प्रकाशित झाली होती. जी आता केवळ या पुस्तकातच वाचायला मिळेल. इतर अनेक कथा मिपावर आधी आलेल्या आहेत. पण तरीही ज्यांना शक्य आहे त्यांनी हेही पुस्तक किंडलवर वाचावं, संग्रही ठेवावं किंवा किंडल अनलिमिटेडवर विनामूल्य वाचावं.
माझी एक विनंती आहे.. की ज्यांना शक्य आहे त्यांनी या पुस्तकाला अमेझॉनवर रेटिंग देऊन (तारांकित करून) आणि रिव्ह्यू लिहून या पुस्तकाला जगभर पोचवण्यासाठी मदत करावी. रिव्ह्यू किंवा मत अगदी दोन चार ओळींत लिहीलंत तरी चालेल. त्यासाठी तुमचा फार वेळ घेण्याची माझी इच्छा नाही.
एटीएम गार्ड, येरूडकर तुम्हाला भेटायला आलाय.
लिंक:
अमेझॉन Book overview:
हे पुस्तक तसं तर कथा सांगणारं आहे.
पण त्याहूनही जास्त.. या पुस्तकात तुमच्या आमच्या गल्लीबोळातलं आयुष्य कागदावर तसंच, न लाजता, न लपता उतरलेलं आहे.
हे सर्व वाचताना तुम्ही कधी मुसळधार पावसाचं पाणी भरत चाललेल्या एटीएम रूममध्ये नाईट शिफ्टवर असलेल्या येरुडकरला भेटाल..
तर कधी आईसक्रीमवाल्या "गंदे अंकल"च्या नजरेतून त्या निरागस पोरीच्या मनात शिराल.
कधी "चिनू"च्या विंडोज ९८ च्या स्क्रीनवर चमकणारे याहू मेसेंजर, जिओसिटीज आणि देसीबाबा यांच्या आठवणी..
आणि ते किर्र वाजणारं १२८ केबीपीएस मोडेम तुम्हाला स्वतःच्याच त्या दिवसांत ओढून नेतील.
कधी एमआरआय मशीनच्या बोगद्यात, धाड धाड वाजणाऱ्या आवाजात, आपल्याच मनातले शब्द ऐकू येतील.
व्हिएतनामच्या "बा ना" हिल्समधे धुक्यात हरवलेला तो सोनेरी पूल.. आणि ती फॅमिली..
आणि.. असाच एक केळकर नावाचा पोरगा.. अर्धवट प्रेमात पडलेला.. शिवराळ पण मनातून मनाशी बोलणारा.
वाचा आणि बघा काही जुळते का तार..
________________________________________
ताजा कलम. खालील लेख लिहून एक दिवस व्हायच्या आतच विमान अपघातांच्या कहाण्या ऊर्फ एअर क्रॅशेस, या लेखांचं पुस्तक "गोईंग डाऊन" हेही किंडलवर आलं आहे. अनेक वाचक गेली काही वर्षे या लेखांचं काय झालं असं विचारत होते. आता ते पुन्हा सर्वांना वाचायला किंडलवर प्रकाशित झाले आहेत.
लिंक
.........
तुम्ही सर्वजण वेळोवेळी मी लिहीलेल्या कथा वाचत आला आहात. गोष्टी सांगणे ऊर्फ स्टोरी टेलिंग हा माझा आवडता छंद आणि त्याहूनही जास्त काहीतरी. मनुष्य कोणत्याही प्रकारचा का असेना, म्हणजे उत्साहाने नाचणारे कारंजे जणू.. इथपासून ते भलताच विक्षिप्त किंवा गप्प.. विहिरीतला काळोख जणू.. असा कोणीही असो. त्याला गोष्ट ऐकायला नक्कीच आवडते.
तर माझ्या काही कथा, "छोटीसी बात" या किंडल बुकात एकत्र आल्या आहेत. त्यातल्या काही येथील अनेकांनी स्वतंत्रपणे वाचल्याही असतील. पण अनेकांसाठी त्यातल्या काही नवीन असतील.
यापुढेही छापील पुस्तकाऐवजी हा नव्या युगाचा पुस्तक अवतार धारण करून माझ्या गोष्टी तुमच्याकडे येत राहतील. त्या वाचा. वाचताना तुम्हाला तुम्ही वाचत आहात याचा नक्की विसर पडेल आणि त्या ऐकू यायला लागतील.
लिंक:
जागतिक लिंक: "अमेझॉन डॉट कॉम"वाली.. डॉलर मागत्यात..!!
भारतीय लिंक: अमेझॉन डॉट इन.. भारतीय रुपयांत आणि स्वस्त.. !!
ललित साहित्य, कथा वगैरे विकत घेऊन वाचणारे वाचक आजच्या काळात मिळणे म्हणजे अतिशय महान घटना. तसं कोणी केल्यास खूपच मोठी गोष्ट असेल माझ्यासाठी. म्हणजे सॉलिड कौतुकाची पावतीच..
पण पूर्ण खरेदी नको असेल त्यांना किंडल अनलिमिटेड ऑप्शनमधेही हे पुस्तक उपलब्ध आहे. म्हणजे ती सबस्क्रिप्शन ज्यांनी घेतले असेल त्यांना काहीही रक्कम न मोजताही हे पुस्तक किंडलवर वाचता येईल.
सर्व वाचकांचा मी ऋणी आहेच. आता काही वाचक मला अल्पशा धनाचा धनी देखील करतील ही शक्यता नाकारता येत नाही.
या किंडल बुकची माहिती मिपाकरांना व्हावी म्हणून हा छोटासा लेख. या पुस्तकांशी मिसळपाव वेबसाईट किंवा व्यवस्थापन यांचा काही संबंध नाही. अनेक कथा वाचकांनी विनामूल्य इथे वाचलेल्या असल्याने अर्थार्जन हा मूळ हेतूही नाही. तरीही एक डिस्क्लेमर लिहिणं माझं कर्तव्य आहे की या सर्वामध्ये मिसळपाव वेबसाईट किंवा व्यवस्थापन जबाबदार नाही.
या पुस्तकाची छापील आवृत्ती नसल्याने तिचे बुकिंग किंवा विक्री असा कोणताही ऑप्शन किंवा उद्देश नाही.
केवळ किंडल वापरकर्त्या मिपाकरांना आपलं पुस्तक आल्याचं कळावं म्हणून ही रिक्षा फिरवली झालं..