नमस्कार मंडळी,
मिपावरच्या चालू घडामोडींचा परामर्ष घेता घेता "अ" च्या बाराखडीतले सदस्यनामे घेणारे आयडी सोडून बाकी सगळे आयडी सगळ्ळ्ळे समजून घेतील अशा अपेक्षेने चालू घडामोडींचा हा (माझा) पहिला धागा काढत आहे. चालू घडामोडींच्या धागानिर्मात्यांच्या लिस्टीत "अ" वर्गीय धागालेखक तसेही मायनॉरिटीत असल्याने म्हणले चला उपेक्षितांचा पण आवाज उठवुया. बाकी इतर ऑथेंटिक, हुशार, प्रगाढ हुशार, शिकलेले, हुकलेले, "ब" पासून पार "य" "झ" पर्यंतच्या एकबार, दुबार, मल्टीबार आयडींना चर्चेसाठी आमंत्रण.
नेमका विषय पण "अ" पासून सुरु झालेला मिळाला.
"अ"नगर पंचायत निवडणुक स्थगित झाली आहे.
सोलापूर जिल्ह्यातील साखर पट्ट्यातील ह्या गावात व्यक्तीकेंद्रीत राजकारणाचे आणी लोकशाहीचे भीभत्स रुप पाहण्यात आले. माध्यमात उठवलेल्या आवाजामुळे उर्वरित महाराष्ट्राला निदान ह्या प्रकरणाची थोडीफार तरी कल्पना आली. पक्षाचा, युत्यांचा विचार न करता मोठमोठ्या दिलेल्या आवाहनामुळे आणी राजकीय स्वार्थासाठी सर्वच स्तरांवर राबवल्या गेलेल्या शासकीय यंत्रणांमुळे महाराष्ट्र हे कायद्याचे राज्य आहे ह्या विधानाचा पुन्हा एकदा विचार करावासा वाटतो.